យល់ដឹង ៖ ការស្រាវជ្រាវចុងក្រោយបង្ហាញថា មនុស្ស ដែលមានក្រុមឈាម O ប្រឈមមុខនឹងជំងឺបេះដូងថយចុះ ។ អ្នកស្រាវជ្រាវនៅមហាវិទ្យាល័យផឹនស៊ីលវ៉េនីសហរដ្ឋអាមេរិករកឃើញអត្ថប្រយោជន៍នេះពីការសិក្សាដែលបញ្ជាក់ថា មនុស្សភាគច្រើនដែលមានហ្សែន Adamts 7 មាននិន្នាការកើនឡើងជំងឺបេះដូង ប៉ុន្តែអ្នកដែលមានហ្សែនខាងលើ និងមានក្រុមឈាម O ភាពប្រថុយប្រថានគ្មានការកើនឡើង ។
យល់ដឹង ៖ ការស្រាវជ្រាវចុងក្រោយបង្ហាញថា មនុស្ស ដែលមានក្រុមឈាម O ប្រឈមមុខនឹងជំងឺបេះដូងថយចុះ ។ អ្នកស្រាវជ្រាវនៅមហាវិទ្យាល័យផឹនស៊ីលវ៉េនីសហរដ្ឋអាមេរិករកឃើញអត្ថប្រយោជន៍នេះពីការសិក្សាដែលបញ្ជាក់ថា មនុស្សភាគច្រើនដែលមានហ្សែន Adamts 7 មាននិន្នាការកើនឡើងជំងឺបេះដូង ប៉ុន្តែអ្នកដែលមានហ្សែនខាងលើ និងមានក្រុមឈាម O ភាពប្រថុយប្រថានគ្មានការកើនឡើង ។
លោកសាស្ត្រាចារ្យម័រដេស រ៉ៃលី ប្រធានអ្នកស្រាវជ្រាវថ្លែងឱ្យដឹងថា ចំណេះដឹងខាងលើអាចជួយអភិវឌ្ឍវិធីសាស្ត្រព្យាបាលអ្នកដែលមានភាពប្រថុយប្រថាននឹងជំងឺបេះដូងដោយប្រើឱសថយកលំនាំតាមគុណប្រយោជន៍ពីក្រុម ឈាម O ។ ក្រុមឈាមរបស់មនុស្សចែកចេញជា៤ក្រុម គឺ A, B, AB និង O ដោយក្រុមឈាមនីមួយៗ ខុសប្លែកគ្នាបណ្តាលមកពី «អង់ទីហ្សែន» ឬប្រព័ន្ធការពារមេរោគ នៅលើកោសិកាឈាមក្រហម ។
ក្រុមឈាមនីមួយៗនឹងអភិវឌ្ឍន៍ដើម្បីការពារមេរោគអាក្រក់ផ្សេងៗ និងជាមួយនេះដែរ ក្រុមឈាមនីមួយៗក៏មានចំណុចខ្សោយផ្សេងៗគ្នាដែរ ។ ឧទាហរណ៍មនុស្សមានក្រុមឈាម O មានភាពប្រថុយប្រថានដោយជំងឺគ្រុនចាញ់ តិចជាងអ្នកដែលមានក្រុមឈាមផ្សេង ប៉ុន្តែមានសភាពចុះខ្សោយពីការចម្លងជំងឺអាសន្នរោគ និងជំងឺក្រពះដែលកើតពីវីរុស និងបាក់តេរី ។ នៅក្នុងសតវត្សទី២០ អ្នកស្រាវជ្រាវរបស់ជប៉ុនមានអំណះអំណាងថា ក្រុមឈាមជាមុខសញ្ញាបញ្ជាក់ពីបុគ្គលិកលក្ខណៈបុគ្គលផ្សេងៗគ្នាដោយគោលគំនិតនេះបានដក់ជាប់ក្នុងសម័យសង្គ្រាមលោកលើកទី២ដែលកងទ័ពរបស់ចក្រពត្តិបានបង្កើតទ័ពយោងទៅតាមក្រុមឈាម ។
ស្របពេលជាមួយគ្នានេះ នៅក្នុងទសវត្ស១៩៧០ សៀវភៅជាច្រើនក្បាលរបស់ជប៉ុនបានចុះផ្សាយពីជំនឿថា មនុស្សដែលមានក្រុមឈាម A មានសភាពទន់ខ្សោយ ប៉ុន្តែពូកែខាងខ្វល់ខ្វាយ ក្រុមឈាមB មានលក្ខណៈសប្បាយរីករាយ និងមានការជឿជាក់ ក្រុមឈាម O ជាមនុស្សមានការយល់ស្របល្អ និងរឹងរូស និងក្រុមឈាម AB ជាប្រភេទមនុស្សតឹងរឹុង និងមិនអាចប៉ាន់ស្មានពីអត្តចរិតបាន ។
របាយការណ៍ដូចបានបញ្ជាក់ខាងលើ បានក្លាយជាគោលគំនិតមួយ និងជារឿងធម្មតា នៅប្រទេសជប៉ុន ដោយប្រធានក្រុមហ៊ុននានារមែងពិចារណាទៅលើក្រុមឈាមរបស់អ្នកស្ម័គ្រចូលធ្វើការងារ ។ នៅក្នុងទសវត្សឆ្នាំ១៩៥០ អ្នកស្រាវជ្រាវនៅមហាវិទ្យាល័យចំនួន៤ក្នុងទីក្រុងឡុងរកឃើញថា ភាពប្រថុយប្រថាន នៃមហារីកក្រពះ គឺចំណីអាហារសម្រាប់អ្នកមានក្រុមឈាម A ខ្ពស់ជាងក្រុមឈាម O ប៉ុន្តែអ្នកមានក្រុមឈាម O ប្រឈមមុខជំងឺក្រពះច្រើនជាងមនុស្សដែលមានក្រុមឈាមផ្សេង ។
តាមការស្រាវជ្រាវទៅលើស្ត្រីជាង៥៦០នាក់ ដែលចូលព្យាបាលសុខភាពបន្តពូជឃើញថា ស្ត្រីមានក្រុមឈាម O មាននិន្នាការទ្វេដង និងមានអូវុលតិច និងមានគុណភាពតិចជាងស្ត្រីមានក្រុមឈាមផ្សេងៗរួមទាំងមានផលប៉ះពាល់ ក្នុងការមានកូន ខណៈពេលស្ត្រីមានក្រុមឈាម A មានបញ្ហាចំនួនអូវ៉ុល ថយចុះទៅតាមពេលវេលាតិចជាងក្រុមផ្សេង ។ ក្រុមឈាមថែមទាំងពាក់ព័ន្ធនឹងបញ្ហាសមត្ថភាពបន្តពូជផ្សេងៗទៀតដែរ ។ កាលពីខែមករា កន្លងទៅ ការសិក្សានៅក្នុងមហាវិទ្យាល័យហាវើត ប្រទះឃើញថា ស្ត្រីដែលមានក្រុមឈាម AB ឬ B មានការប្រឈមមុខកើនឡើងក្នុងការកើតមហារីកស្បូន ។ ក្រៅពីនេះ ក៏នៅមានក្តីបារម្ភថា ក្រុមឈាម AB អាចកើនឡើងភាពប្រឈមមុខលើស្ត្រីមានគភ៌នឹងជួបស្ថានភាពក្នុងគភ៌មានជាតិពុលកើនឡើង២ដង ឬ៣ដង ។
ការស្រាវជ្រាវជាច្រើនប្រភេទប្រទះឃើញថា មនុស្សដែលមានក្រុមឈាម AB និង B ប្រឈមមុខកើតមហារីកលំពែងកើនខ្ពស់ ខណៈពេលក្រុមឈាម O មានភាពប្រថុយប្រថាន មហារីកតិច ប៉ុន្តែបែរជាទន់ខ្សោយដល់វីរុស «ណូរ៉ូ» ធ្វើឱ្យកើតអាការរាករូស និងក្អួតចង្អោរ ធ្ងន់ធ្ងរ ។ ដោយឡែក សម្រាប់អ្នកស្រាវជ្រាវនៅមន្ទីរពេទ្យមហាវិទ្យាល័យ «ប៊ីសផេតជើក» ប្រទេសដាណឺម៉ាករកឃើញថា បុរសដែលមានក្រុមឈាម O ដែលប៉ះពាល់ជាតិពុល (ភាពកខ្វក់) ជាប្រចាំក្នុងការធ្វើការប្រឈមកើតជំងឺធាត់ច្រើនជាងអ្នកមានក្រុមឈាមផ្សេងដោយមានជំនឿថា ជាតិពុលអាចធ្វើឱ្យកើតការរលាករ៉ាំរ៉ៃក្នុងរាងកាយបុរស អាចបណ្តាលឱ្យបុរសម្នាក់នោះធាត់បាន ៕
ចែករំលែកព័តមាននេះ