ខ្ញីចាត់ទុកថា ជាឱសថបុរាណមានគុណប្រយោជន៍ជាប្រភេទថ្នាំរុក្ខជាតិជួយព្យាបាលជំងឺបានជាច្រើនយ៉ាងដូចជា ខ្ញីមានគុណសម្បត្តិគួរឱ្យកក់ក្តៅ រសជាតិហឹរឆួល ក្លិនឈ្ងុយមានប្រយោជន៍ជួយរំលាយអាហារបណ្តេញញើស បំបាត់អាការៈហើមពោះ កាត់បន្ថយកំហាកស្លេស្ម៍បំបាត់ក្អកព្យាបាលគ្រុនផ្តាសាយបន្ថយអាការៈស្រវឹងលុបបំបាត់ភាពក្អួតចង្អោរឈឺពោះព្យាបាលជំងឺក្រពះនិងជួយសំរួលសរសៃឈាម។
-ស្លឹកខ្ញីមានគុណប្រយោជន៍បណ្តេញការស្ទះខ្យល់ ព្យាបាលក្រួសតំរងនោម និងជួយព្យាបាលការហើមជាំ។
-ផ្កាខ្ញីក៏មានគុណប្រយោជន៍ល្អដល់សុខភាពរាងកាយដោយជួយក្នុងការបញ្ចុះ ព្រូននិងជួយទ្រទ្រង់រាងកាយឱ្យមានសភាពស្រស់ថ្លា។
-មើមខ្ញីជួយសំរាប់បំបាត់អាការៈគ្រុនផ្តាសាយ
-ខ្ញីខ្ចីនិងខ្ញីចាស់ផ្តល់នូវគុណប្រយោជន៍ផ្សេងៗពីគ្នា ដូចជាខ្ញីខ្ចីមានសភាពធ្វើឱ្យកក់ក្តៅដល់រាងកាយនិងមានរសជាតិហឹរឆួល ជាហេតុធ្វើឱ្យមានគុណសម្បត្តិល្អដល់ការធ្វើការរបស់តំរាងនោម សួត និងក្រពះ ។
ចំណែកខ្ញីចាស់មានរសជាតិហឹរក្តៅ ជួយក្នុងការបំបាត់ការចុកចាប់ពីសភាពត្រជាក់បំបាត់អាការៈហើមពោះនិងជួយធ្វើឱ្យចុងដៃចុងជើងដែលមានអាការៈត្រជាក់មានសភាពកក់ក្តៅជាប្រក្រតី៕
ចែករំលែកព័តមាននេះ