រាជធានីភ្នំពេញ ៖ ឡុង សុភី មកពីក្លឹបសាលវ័ន្តកីឡា វាយបំបាក់ធ្មុង AMATEUR ជនជាតិប្រេស៊ីល ឱ្យលើកទង់ជ័យស ចុះចាញ់ការប្រកួតនៅត្រឹមទឹកទី៤ ខណៈកីឡាករ Pong Thong Jetsada ជនជាតិថៃ ប្រើកណ្តាប់ដៃវាយឈ្នះពិន្ទុ ពេជ្រ សីហា មកពីក្លឹបកីឡាប្រដាល់ក្រសួងការពារជាតិ នៅលើសង្វៀនស្ថានីយទូរទស្សន៍ប៉ុស្តិ៍លេខ៣ កាលពីថ្ងៃទី៧ មករា ។
រាជធានីភ្នំពេញ ៖ ឡុង សុភី មកពីក្លឹបសាលវ័ន្តកីឡា វាយបំបាក់ធ្មុង AMATEUR ជនជាតិប្រេស៊ីល ឱ្យលើកទង់ជ័យស ចុះចាញ់ការប្រកួតនៅត្រឹមទឹកទី៤ ខណៈកីឡាករ Pong Thong Jetsada ជនជាតិថៃ ប្រើកណ្តាប់ដៃវាយឈ្នះពិន្ទុ ពេជ្រ សីហា មកពីក្លឹបកីឡាប្រដាល់ក្រសួងការពារជាតិ នៅលើសង្វៀនស្ថានីយទូរទស្សន៍ប៉ុស្តិ៍លេខ៣ កាលពីថ្ងៃទី៧ មករា ។
សុភី ជួបAMATEUR លើកនេះ គេមិនសូវហ៊ានសម្រុកភ្លាមនោះទេ ព្រោះអ្នកប្រដាល់ជនជាតិប្រេស៊ីល ម្នាក់នេះមានល្បិចប្រយុទ្ធនៅលើសង្វៀនក៏មិនអន់ខ្សោយប៉ុន្មានដែរ ។ ទឹកទី១ និងទី២ AMATEUR ធ្វើឱ្យសុភី ចង់ភ័យម្តងៗដែរ ប៉ុន្តែស្នៀតកែង និងជង្គង់របស់សុភី អាចទប់ទល់ពីការវាយសម្រុករបស់ AMATEUR បានដោយងាយបំផុត ។ ទឹកទី៣ និងទី៤ សុភី បានដើរចូលបញ្ជូនស្នៀតកណ្តាប់ដៃវាយសំដៅមុខ AMATEUR មិនដកថយឡើយ ជាពិសេសនៅទឹកទី៤ សុភីវាយសំដៅមុខ និងបុកជង្គង់ចូលពេញៗ រហូតដល់ថ្នាក់ AMATEUR តដៃលែងកើត ។
Jetsada កំពូលជើងខ្លាំងមកពីប្រទេសថៃ ពិតជាមិនធម្មតាមែន ស្នៀតកណ្តាប់ដៃរបស់គេអាចវាយចេញបានយ៉ាងរហ័សបំផុត និងចំទិសដៅបានល្អទៀតផង ។ ក្នុងទឹកទី១និងទី២ ខណៈពេលដែលសីហា សម្រុកចូលកៀកចាប់វាយជង្គង់នោះត្រូវ Jetsada ប៉ែងជើងដួលទាំងជំហរជាច្រើនលើកច្រើនសា តែក៏ត្រូវអាជ្ញាកណ្តាលព្រមានជាញឹកញាប់ដែរព្រោះខុសនឹងច្បាប់ប្រកួត ។ ចូលដល់ទឹកទី៣ សីហា នៅតែសម្រុកចូលកៀកបញ្ជូនស្នៀតដៃម៉ាត់សំដៅមុខ Jetsada វិញម្តង តែបានរងនូវការវាយបកសងវិញពី Jetsada យ៉ាងពេញទំហឹង ។
នៅទឹកទី៣Jetsada បានម៉ាត់ចូលមុខ សីហា ពេញៗធ្វើឱ្យបាត់បង់ជំហរប្រកួតស្ទើរតែទាំងស្រុង ។ ប៉ុន្តែសីហា ចិត្តរបស់គេសឿងដែរនោះ មិនងាយចុះចាញ់ឡើយ គឺគេព្យាយាមតស៊ូប្រកួតរហូតទឹកចុងក្រោយដោយចាញ់ត្រឹមតែពិន្ទុប៉ុណ្ណោះ ។ ផាវ ភឿត មកពីក្លឹបកងពលធំអន្តរាគមន៍លេខ៣ ព្រះវិហារ សងសឹក សៅ ប៊ុននឿន មកពីក្លឹបក្រសួងមហាផ្ទៃបានសម្រេចវិញ ។ ជួបគ្នាលើកមុននៅសង្វៀនស្ថានីយទូរទស្សន៍ប៉ុស្តិ៍លេខ៥ ប៊ុននឿន យកឈ្នះពិន្ទុផាវ ភឿត ម្តង ប៉ុន្តែលើកនេះ ផាវ ភឿត បានប្រដៅវិញរាងធ្ងន់ដៃបន្តិចហើយ ។
ស្នៀតកណ្តាប់ដៃរបស់គេបានបង្ខំឱ្យប៊ុននឿន ដកថយអែបខ្សែរេញរហូត។ ចូលដល់ទឹកទី៤ និងទី៥ ប៊ុននឿន បើទោះជាគេព្យាយាមវាយបកសងវិញយ៉ាងណាក៏ដោយ ក៏គេចមិនផុតពីផ្ទាំងស៊ីបរបស់ផាវ ភឿត ឡើយ ។ ចំណែក នួន ភិរក្ស មកពីក្លឹបក្រសួងមហាផ្ទៃនិង លួន សុខខេង មកពីក្លឹបសិង្ហកីឡា ក៏ជាគូសងសឹកនឹងគ្នាពីមុនមកដែរ ។ សុខខេង ធ្លាប់បានយកឈ្នះ ភិរក្ស ដោយពិន្ទុម្តង តែលើកនេះភិរក្ស សងសឹកវិញបានសម្រេចម្តង ។ ប្រកួត៥ទឹកពេញ ភិរក្សមានប្រៀបជាងសុខខេងបន្តិចបន្តួចប៉ុណ្ណោះ ប៉ុន្តែនៅចុងទឹកទី៥ កម្លាំង សុខខេង បានចុះថមថយជាង ៕ សំអូន
ចែករំលែកព័តមាននេះ