ឯកឧត្តមអភិសន្តិបណ្ឌិត ស សុខា សំណេះសំណាលជាមួយក្រុមកីឡាករកីឡាការិនី ក្បាច់គុនល្បុក្កតោ ក្នុងព្រឹត្តិការណ៍អង្គរសង្ក្រាន្ត
- សៀមរាប
ខេត្តសៀមរាប ៖ នៅ រសៀលថ្ងៃទី ១៣ ខែ មេសា ឆ្នាំ២០២៥ មុនបុណ្យចូលឆ្នាំថ្មីមក ដល់នាថ្ងៃទី១៤…
ខេត្តសៀមរាប ៖ នៅ រសៀលថ្ងៃទី ១៣ ខែ មេសា ឆ្នាំ២០២៥ មុនបុណ្យចូលឆ្នាំថ្មីមក ដល់នាថ្ងៃទី១៤ មេសា ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋ មន្ត្រី ក្រសួងមហាផ្ទៃ និង លោកជំទាវ បានជួបធ្វើការសំណេះ សំណាលជាមួយក្រុមកីឡាករកីឡាការិនី ក្បាច់គុនល្បុក្ក តោខ្មែរ ក្នុងព្រឹត្តិការណ៍អង្គរសង្ក្រាន្ត ឆ្នាំ ២០២៥ ចូលមកដល់ នៅមុខប្រាសាទ អង្គរវត្ត ។
ឯកឧត្តម អភិសន្តិបណ្ឌិត ស សុខា ក៏បានថ្លែងអំណរគុណដល់លោក គ្រូព្រឹទ្ធាចារ្យ ដែលបានធ្វើការស្រាវជ្រាវ សង្គ្រោះនូវក្បាច់គុនល្បុក្កតោរបស់ខ្មែរ ដែលសឹងបាត់សាបសូន្យទៅហើយ ឱ្យបានរស់ឡើងវិញ រហូតក្បាច់គុនល្បុក្កតោ របស់ខ្មែរយើង ត្រូវបានដាក់បញ្ចូលក្នុងបញ្ជីតំណាងបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ កាល ពីថ្ងៃទី២៩ ខែវិច្ឆិកា ឆ្នាំ២០២២ទៀតផង ដែរ។
ឯកឧត្តមអភិសន្តិបណ្ឌិត បានគូសបញ្ជាក់ថា ល្បុក្កតោជាក្បាច់គុនបុរាណខ្មែរដែលចាក់ឫសចាក់គល់យ៉ាងជ្រៅនៅក្នុងសង្គមខ្មែរជាច្រើនសតវត្សរ៍មកហើយ និង បន្តរស់រានក្នុងសង្គមខ្មែររហូតដល់បច្ចុប្បន្ននេះ ។ ម្យ៉ាងទៀតក៏មានចម្លាក់លើជញ្ជាំងប្រាសាទសម័យអង្គរជាភស្តុតាងបង្ហាញច្បាស់ អំពីការហាត់សមក្បាច់គុននេះដែរ ។
ឯកឧត្តមអភិសន្តិបណ្ឌិត ស សុខា បានលើកឡើងទៀតថា ក្បាច់គុនល្បុក្កតោ ជាកីឡាបែបប្រពៃណី ការដាក់បញ្ចូលក្នុងបញ្ជីរបស់យូណេស្កូនេះ នឹងជួយលើក តម្កើងបេតិកភណ្ឌវប្បធម៌ដ៏សម្បូរបែបរបស់ខ្មែរនៅលើឆាកអន្តរជាតិសម្រាប់ការសន្ទនាអន្តរវប្បធម៌ សណ្តាប់ធ្នាប់និងការអធ្យាស្រ័យក្នុងសង្គម ដែលនេះជាការត្រួសត្រាយផ្លូវសម្រាប់កូនចៅជំនាន់ក្រោយ ។ ក្បាច់គុនខ្មែរមានកំណើតតាំងពីពេលណាមក ប៉ុន្តែតាមរយៈចម្លាក់ឯប្រាង្គប្រាសាទបុរាណនានា ទូទាំងព្រះរាជាណា ចក្រកម្ពុជា បានបង្ហាញឱ្យដឹងថា ក្បាច់ គុនខ្មែរនេះមានអាយុកាលរាប់ពាន់ឆ្នាំមកហើយ ។ នៅសម័យបុរាណ រាប់តាំងពី ព្រះមហាក្សត្រ កងទ័ពរហូតដល់រាស្ត្រសាមញ្ញ តែងតែសង្វាតយកចិត្តទុកដាក់ ហាត់ក្បាច់គុន ដើម្បីការពារខ្លួន និងការពារប្រទេសជាតិពេលមានសត្រូវមកឈ្លានពាន ។ ដោយសារមូលហេតុទាំង នេះហើយទើប មរតក អរូបីមួយនេះ បានវិវត្តន៍ខ្លួនអស់រយៈកាលរាប់ពាន់ឆ្នាំ និង ត្រូវបានផ្ទេរបន្តពី១ជំនាន់ទៅមួយជំនាន់ រហូតដល់សម័យបច្ចុប្បន្នកាលនេះ ។
គុនល្បុក្កតោ ដែលមានអាយុកាលតាំងពីសតវត្សទី១ នៃគ្រឹស្តសករាជមក ជាសិល្បៈក្បាច់គុនដែលជួយពង្រឹងស្មារតី កម្លាំងកាយ និង វិន័យ របស់អ្នកហាត់ តាមរយៈបច្ចេកទេសនៃការការពារខ្លួន និងទស្សនវិជ្ជាអហិង្សា។
ឯកឧត្តមអភិសន្តិបណ្ឌិត បានធ្វើការផ្តាំផ្ញើដល់ប្អូនៗកីឡា ករ កីឡាការិនី គុនល្បុក្កតោ ទាំងអស់ បន្តហ្វឹកហាត់ និង ធ្វើការ បង្ហាត់បង្រៀនដល់ប្អូនៗ ជំនាន់ក្រោយ ដើម្បីលើកតម្កើងបេតិកភណ្ឌវប្បធម៌ ថែរក្សាឱ្យបានគង់វង្ស និង សូមឱ្យទេវតាឆ្នាំថ្មីជួយថែរក្សាឱ្យជួបតែសេចក្តីសុខ ក្នុងការបំពេញការងារនៅព្រឹត្តិការណ៍អង្គរសង្ក្រាន្តនេះ និង សូមឱ្យប្អូនៗចៀសឱ្យឆ្ងាយពីគ្រឿងញៀន បងតូចបងធំ និង ត្រូវគោរពច្បាប់ចរាចរណ៍ផ្លូវគោក ផងដែរ៕
ចែករំលែកព័តមាននេះ