រាជធានីភ្នំពេញ ៖ នៅក្នុងសន្និសីទសារព័ត៌មានដែលរៀបចំធ្វើកាលពីថ្ងៃទី០១ មេសា នៅកីឡដ្ឋានកងយោធពលខេមរៈភូមិន្ទប្រធានសហព័ន្ធកីឡាប្រដាល់គុនខ្មែរលោកឧត្តមសេនីយ៍ទោខូវ ឆាយ ឱ្យដឹងថា លោកនឹងដឹកនាំកីឡាករប្រដាល់ឆ្នើមៗចំនួន៤រូបទៅប្រកួតផ្សព្វផ្សាយក្បាច់គុនបូរាណខ្មែរនៅទីក្រុងឡុងប៊ិក រដ្ឋកាលីហ្វ័រញ៉ា សហរដ្ឋអាមេរិកនៅថ្ងៃទី១៣…
រាជធានីភ្នំពេញ ៖ នៅក្នុងសន្និសីទសារព័ត៌មានដែលរៀបចំធ្វើកាលពីថ្ងៃទី០១ មេសា នៅកីឡដ្ឋានកងយោធពលខេមរៈភូមិន្ទប្រធានសហព័ន្ធកីឡាប្រដាល់គុនខ្មែរលោកឧត្តមសេនីយ៍ទោខូវ ឆាយ ឱ្យដឹងថា លោកនឹងដឹកនាំកីឡាករប្រដាល់ឆ្នើមៗចំនួន៤រូបទៅប្រកួតផ្សព្វផ្សាយក្បាច់គុនបូរាណខ្មែរនៅទីក្រុងឡុងប៊ិក រដ្ឋកាលីហ្វ័រញ៉ា សហរដ្ឋអាមេរិកនៅថ្ងៃទី១៣ ខែមេសា ខាងមុខនេះ។
លោកប្រធានសហព័ន្ធកីឡាប្រដាល់គុនខ្មែរចាត់ទុកថា នេះជាបេសកកម្មដែលមិនធ្លាប់មានពីមុនមកដែលសហព័ន្ធកីឡាប្រដាល់គុនខ្មែរបានដឹកនាំកីឡាករ កីឡាការិនីទៅចូលរួមប្រកួតនៅលើទឹកដីសហរដ្ឋអាមេរិកជាលក្ខណៈទ្រង់ទ្រាយធំបែបនេះ។ នេះក៏ជាថ្ងៃប្រវត្តិសាស្ត្រលើកទី១ក្នុងការឈានជើងទៅជាន់លើទឹកដីប្រទេសមហាអំណាចរបស់កីឡាករកីឡាការិនីប្រដាល់គុនខ្មែរផងដែរ ។
ដូច្នេះការធ្វើដំណើរទៅផ្សព្វផ្សាយក្បាច់គុនបូរាណខ្មែរនៅលើទឹកដីដែលមានប្រជាជនចម្រុះពូជសាសន៍រស់នៅជាង៣០០លាននាក់បែបនេះ គឺជារឿងដែលចាំបាច់បំផុត ដើម្បីឱ្យពួកគេបានស្គាល់នូវក្បាច់គុនបូរាណខ្មែរឱ្យកាន់តែទូលំទូលាយ និងគ្រប់ទិសទី។
លោកប្រធានសហព័ន្ធកីឡាប្រដាល់គុនខ្មែររូបនេះបានបញ្ជាក់ឱ្យដឹងបន្ថែមថា អ្នកប្រដាល់គុនខ្មែរទាំង៤រូបនេះមានដូចជាកីឡាការិនីអេ យ៉ានុត កីឡាករពេជ្រ សម្បត្តិ កីឡាកររឿង សោភ័ណ្ឌ និងកីឡាករធន់ រិទ្ធី។
ដោយពួកគេទាំង៤នាក់នេះត្រូវប៉ះជាមួយកីឡាករ កីឡាការិនីជនជាតិអាមេរិកដែលសុទ្ធសឹងតែមានសមត្ថភាពខ្ពស់ទាំងអស់ ។ ចំពោះលក្ខខណ្ឌប្រកួត កីឡាការិនីអេ យ៉ានុត និងកីឡាកររឿង សោភ័ណ្ឌ ប្រកួតដណ្ដើមខ្សែក្រវាត់កម្ពុជា-អាមរិកដោយខ្សែក្រវាត់បាននាំពីកម្ពុជាយើងទៅ ហើយការប្រកួតមានចំនួនតែ៣ទឹកប៉ុណ្ណោះ ។ ចំណែក កីឡាករ ធន់ រិទ្ធី និងកីឡាករពេជ្រ សម្បត្តិ ប្រកួតដណ្ដើមខ្សែក្រវាត់WCK Kunk Khmerប្រចាំសហរដ្ឋអាមេរិកក្នុងលក្ខខណ្ឌប្រកួត៥ទឹកប្រើប្រាស់ច្បាប់ប្រកួតរបស់ខ្មែរយើងដូចគ្នា។
លោកឧត្តមសេនីយ៍ទោ ខូវ ឆាយ រំពឹងយ៉ាងមុតមាំថា ដំណើរបេសកកម្មផ្សព្វផ្សាយក្បាច់គុនខ្មែរនៅប្រទេសអាមេរិកលើកនេះសង្ឃឹមថានឹងទទួលបានជោគជ័យយ៉ាងធំធេងត្រលប់មកមាតុប្រទេសយើងវិញ ។ លោកបានសង្កត់ធ្ងន់ថា ការរៀបចំការប្រកួតនៅលើទឹកដីសហរដ្ឋអាមេរិកលើកនេះ គឺចាប់ដៃគូជាមួយស្ថាប័នWKCដែលមានអាជ្ញាបណ្ណរៀបចំការប្រកួតត្រឹមត្រូវ ខណៈការប្រកួតនេះទៀតប្រើឈ្មោះគុនខ្មែរទាំងស្រុងរាប់តាំងពីការតុបតែងឆាកឡើងទៅ ៕
ចែករំលែកព័តមាននេះ