ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​កំពុង​ជំរុញ​បញ្ចូល​គុន​ល្បុក្កតោ​ចូល​ក្នុង​ការ​ប្រកួត​កីឡា​សាកលវិទ្យាល័យ​អាស៊ាន ២០២៨ និង​យុវជន​អាស៊ី ២០៣១

17 ម៉ោង មុន
  • ភ្នំពេញ

រាជធានី​ភ្នំពេញ ៖ សហព័ន្ធ​កីឡា​គុនល្បុក្កតោ​កម្ពុជា​កំពុង​ខ្នះខ្នែង​បញ្ចូល​ក្បាច់គុនមរតក​ជាតិ​មួយ​នេះ​ជា​ប្រភេទ​កីឡា​មួយ​ក្នុងព្រឹត្តិការណ៍​កីឡា​សាកលវិទ្យាល័យ​អាស៊ានឬ ASEAN University Games ឆ្នាំ២០២៨ ដែល​កម្ពុជា​ធ្វើ​ម្ចាស់ផ្ទះ ។ នេះ​បើតាម​ប្រសាសន៍​ឯកឧត្ដម…

រាជធានី​ភ្នំពេញ ៖ សហព័ន្ធ​កីឡា​គុនល្បុក្កតោ​កម្ពុជា​កំពុង​ខ្នះខ្នែង​បញ្ចូល​ក្បាច់គុនមរតក​ជាតិ​មួយ​នេះ​ជា​ប្រភេទ​កីឡា​មួយ​ក្នុងព្រឹត្តិការណ៍​កីឡា​សាកលវិទ្យាល័យ​អាស៊ានឬ ASEAN University Games ឆ្នាំ២០២៨ ដែល​កម្ពុជា​ធ្វើ​ម្ចាស់ផ្ទះ ។ នេះ​បើតាម​ប្រសាសន៍​ឯកឧត្ដម វ៉ា​ត់ ចំរើន ប្រធានថ្មី​សហព័ន្ធ​កីឡា​គុន​ល្បុក្កតោ​កម្ពុជា បញ្ចប់អាណត្តិ​ទី​៥ ឆ្នាំ​២០២១-២០២៥ បន្ត​អាណត្តិថ្មី ទី​៦ ឆ្នាំ​២០២៦-២០៣០ កាលពី​ពេល​ថ្មី​ៗកន្លង​ទៅ​នេះ​។

ឯកឧត្ដម វ៉ា​ត់ ចំរើន បន្ថែម​ថា ម្ចាស់ផ្ទះកម្ពុជា​ក៏​កំពុង​តស៊ូ​មតិ​ក្នុង​ការ​ដាក់​បញ្ចូល​ក្បាច់គុន​ល្បុក្កតោ​ក្នុង​ព្រឹត្តិការណ៍​កីឡា​យុវជន​អាស៊ី ឆ្នាំ​២០៣១​ផង​ដែរ​ដែល​ជា​ព្រឹត្តិការណ៍​មានការ​ចូលរួម​ពី​៤៥​ប្រទេស​ក្នុង​ទ្វីបអាស៊ី​។ នេះ​ជា​បេសកកម្ម​ធំ​ដែល​សហព័ន្ធ​កីឡា​គុន​ល្បុក្កតោ​កម្ពុជា​ត្រូវធ្វើ​ក្នុង​អាណត្តិ​ថ្មី ដើម្បី​បន្ត​ជោគជ័យ​ពី​អាណត្តិ​ចាស់​មក​ទៀត​។

ឯកឧត្ដម វ៉ា​ត់ ចំរើន បន្ត​ថា ក្នុង​អាណត្តិថ្មី​នេះ​ដែរ សហព័ន្ធ​ត្រូវ​បង្កើន​ការ​ផ្សព្វផ្សាយឱ្យ​កាន់តែ​ច្រើន​ថែម​ទៀត​នូវ​ក្បាច់គុន​ល្បុ​ក្កតោ​ក្នុង​ស្រទាប់​មហាជន​ក្នុងស្រុក ក៏​ដូច​ជាការ​បណ្ដុះបណ្ដាល​និង​ផ្សព្វផ្សាយ​ទៅ​ក្រៅប្រទេស ក៏​ដូច​ជា​ការ​ផ្សព្វផ្សាយ​នូវ​កម្រិត​ជំនាញ និងមាន​ឯកភាព​គ្នា​លើ​បច្ចេកទេស​នីមួយ​ៗ​។

សូម​បញ្ជាក់​ថា ឯកឧត្ដម វ៉ា​ត់ ចំរើន ទទួល​បានការ​គាំទ្រ​ជា​ប្រធាន​ថ្មី​នៃ​សហព័ន្ធ​កីឡា​គុន​ល្បុក្កតោ​កម្ពុជា ខណៈ​ឯកឧត្ដម​បណ្ឌិត​សភាចា​រ្យ ច័ន្ទ សា​រុន ដែល​ជា​ប្រធាន​អាណត្តិ​ចាស់​ត្រូវបាន​គាំទ្រ​ជា​ប្រធានកិត្តិយស​អស់​មួយ​ជីវិត ៕

អត្ថបទសរសេរ ដោយ

កែសម្រួលដោយ