រាជធានីភ្នំពេញ ៖ កាលពីវេលាម៉ោង៩និង៤០នាទីយប់ថ្ងៃទី៣ មករា នៅមហាវិថីសហព័ន្ធរុស្ស៊ីកែងផ្លូវ២៦៥ ក្នុងសង្កាត់ទឹកល្អក់ទី១ ខណ្ឌទួលគោក មានករណីគ្រោះថ្នាក់ចរាចរណ៍រវាងរថយន្ដបុកម៉ូតូមួយគ្រឿង បណ្តាលឱ្យបុរសម្នាក់រងរបួសធ្ងន់ ហើយរថយន្ដបើករត់គេចបាត់ស្រមោល តែអ្នកឃើញហេតុការណ៍ជួយកត់ស្លាកលេខរថយន្ដឱ្យជនរងគ្រោះ ។
រាជធានីភ្នំពេញ ៖ កាលពីវេលាម៉ោង៩និង៤០នាទីយប់ថ្ងៃទី៣ មករា នៅមហាវិថីសហព័ន្ធរុស្ស៊ីកែងផ្លូវ២៦៥ ក្នុងសង្កាត់ទឹកល្អក់ទី១ ខណ្ឌទួលគោក មានករណីគ្រោះថ្នាក់ចរាចរណ៍រវាងរថយន្ដបុកម៉ូតូមួយគ្រឿង បណ្តាលឱ្យបុរសម្នាក់រងរបួសធ្ងន់ ហើយរថយន្ដបើករត់គេចបាត់ស្រមោល តែអ្នកឃើញហេតុការណ៍ជួយកត់ស្លាកលេខរថយន្ដឱ្យជនរងគ្រោះ ។
ជនរងគ្រោះដោយសាររថយន្ដបុកឈ្មោះ សេង សុភ័ក្ដ្រ អាយុ៣០ឆ្នាំ ស្នាក់នៅផ្សារបែកចាន ស្រុកអង្គស្នួល ខេត្ដកណ្ដាល រងរបួសធ្ងន់ ត្រូវបញ្ជូនទៅព្យាបាលនៅមន្ទីរពេទ្យព្រះកុសុមៈ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុជនរងគ្រោះជិះម៉ូតូសេ១២៥ ស៊េរី២០០៨ ពណ៌ខ្មៅ ម្នាក់ឯងតាមផ្លូវលេខ២៦៥ ក្នុងទិសដៅពីត្បូងទៅជើង ចំណែករថយន្ដបង្កម៉ាកកូរ៉ូឡា ពណ៌ខ្មៅ បើកតាមមហាវិថីសហព័ន្ធរុស្ស៊ី ក្នុងទិសដៅពីកើតទៅលិច ខណៈមកដល់ផ្លូវកែង២៦៥ រថយន្ដបានបត់ទៅត្បូងតាមផ្លូវលេខ២៦៥ ជ្រុលទៅបុកម៉ូតូដែលបើកឡើងពីផ្លូវ២៦៥ ដួលខ្ទាត៥ម៉ែត្រធ្លាក់ទៅលើចិញ្ចើមផ្លូវបណ្ដាលឱ្យបោកក្បាល និងរយះចង្កា ព្រមទាំងខូចម៉ូតូយ៉ាងដំណំផងដែរ។ ក្រោយពេលកើតហេតុរថយន្ដបន្ថែមល្បឿនរត់គេចបាត់ស្រមោល តែអ្នកឃើញហេតុការណ៍បានកត់ស្លាកលេខរថយន្ដទុកឱ្យជនរងគ្រោះសំរាប់យកទៅប្ដឹងសមត្ថកិច្ច។
ជនរងគ្រោះត្រូវបញ្ជូនទៅព្យាបាលនៅមន្ទីរពេទ្យព្រះកុសុមៈ ចំណែកម៉ូតូត្រូវសមត្ថកិច្ចយកទៅរក្សាទុកនៅប៉ុស្ដិ៍នគរបាលទឹកល្អក់ទី១៕ ប្រាំមួយ
ចែករំលែកព័តមាននេះ