ដុំលោហធាតុចម្លែកមួយរាងមូលដូចបាល់បានធ្លាក់ពីមេឃមកលើតំបន់ដាច់ស្រយាលមួយនៃប្រទេសណាមីប៊ី ធ្វើឱ្យមន្ត្រីប៉ូលិសក្នុងតំបន់ទាក់ទងទៅអង្គការNASA និងទីភ្នាក់ងារអវកាសអឺរ៉ុប។ ដុំដែកនេះអាចប្រហោងក្នុងមានទំហំជុំវិញប្រវែង១,១ម៉ែត្រត្រូវបានគេរកឃើញនៅក្បែរភូមិមួយនាភាគខាងជើងប្រទេសណាមីប៊ីចំងាយប្រហែល៧៥០គីឡូម៉ែត្រពីរដ្ឋធានីWindhoek នេះបើតាមប៉ូលិស លោក Paul Ludik។ ក្នុងតំបន់នោះគេបានឮស្នូរផ្ទុះកាលពីប៉ុន្មានថ្ងៃមុននេះ។
ជាមួយរង្វង់អង្កត់ផ្ជិត៣៥សង្ទីម៉ែត្រ បាល់ដែកនោះមានផ្ទៃគ្រាត និងមើលទៅដូចជាផ្សុំពីសារធាតុពីររួមបញ្ចូលគ្នា។ លោកLudik និយាយថា វាធ្វើឡើងពីលោហធាតុផ្សំ និងមានទម្ងន់៦គីឡូក្រាម។ វាត្រូវបានគេរកឃើញចំងាយប្រមាណ១៨ម៉ែត្រពីកន្លែងវាធ្លាក់ ដែលបង្កើតជារណ្តៅជម្រៅ៣៣សង្ទីម៉ែត្រ និងទំហំ៣,៨ម៉ែត្រ។ មានដុំលោហធាតុរាងមូលដូចបាល់ជាច្រើនធ្លាក់នៅប្រទេសអាហ្វ្រិកខាងត្បូង អូស្ត្រាលី និងអាមេរិកឡាទីនក្នុងរយៈពេល២០ឆ្នាំកន្លងទៅនេះ។
ដុំបាល់ដែកនោះរកឃើញតាំងពីពាក់កណ្តាលខែវិច្ឆិកា ប៉ុន្តែអាជ្ញាធរបានសាកល្បងពិសោធមុនការប្រកាស។ លោកVilho Hifindaka និយាយថា វាមិនបង្កគ្រោះថ្នាក់អ្វីនោះឡើយ។ វាមិនមែនជាគ្រឿងផ្ទុះ ប៉ុន្តែយើងនៅតែស៊ើបអង្កេតវាទៀត៕
ចែករំលែកព័តមាននេះ