ខេត្តបន្ទាយមានជ័យ ៖ នៅតាមដងផ្លូវជាតិលេខ៥ មានភូមិលក់ក្រឡានដ៏ឈ្ងុយឆ្ងាញ់ដែលអ្នកដំណើរដែលឆ្លងកាត់តែងតែនាំគ្នា ឈប់មិនអាចខានបាន គឺស្ថិតក្នុងភូមិគោកទំលាប់ ឃុំបន្ទាយនាង ស្រុកមង្គលបូរី ។
ខេត្តបន្ទាយមានជ័យ ៖ នៅតាមដងផ្លូវជាតិលេខ៥ មានភូមិលក់ក្រឡានដ៏ឈ្ងុយឆ្ងាញ់ដែលអ្នកដំណើរដែលឆ្លងកាត់តែងតែនាំគ្នាឈប់មិនអាចខានបាន គឺស្ថិតក្នុងភូមិគោកទំលាប់ ឃុំបន្ទាយនាង ស្រុកមង្គលបូរី ។
គួរំលឹកថា នៅពេលដែលបងប្អូនប្រជាពលរដ្ឋធ្វើដំណើរតាមផ្លូវជាតិលេខ៥ ដែលឆ្លងកាត់ខេត្តបាត់ដំបង ហើយចូលដល់ព្រំប្រទល់ខេត្តបន្ទាយមានជ័យ ប្រមាណជិត២០គីឡូម៉ែត្រ គេឃើញមានភូមិក្រឡានឆ្ងាញ់ដែលប្រជាពលរដ្ឋធ្វើតូបលក់ជាជួរប្រមាណជា៤០ទៅ៥០តូបដែលគេតម្រៀបបំពង់ក្រឡានដាក់កញ្ជើលក់ជាជួរៗនៅតាមចិញ្ចឹមផ្លូវទាំងសងខាង។ ហើយនៅពេលដែលអ្នកធ្វើដំណើរឆ្លងកាត់ទីនោះមិនថា ភ្ញៀវជាតិ និងអន្តរជាតិទេ តែងតែឈប់រថយន្ត ដើម្បីភ្លក់រស់ជាតិក្រឡានឆ្ងាញ់ រួចទើបធ្វើដំណើរបន្តទៅមុខទៀត។
ស្រ្តី១រូបដែលជាអ្នកលក់ក្រឡានបានប្រាប់ថា កន្លែងដែលលក់ក្រឡាននេះអ្នកដំណើរគេឱ្យឈ្មោះថា ជាភូមិក្រឡានឆ្ងាញ់ ហើយភូមិនេះត្រូវបានគេប្រកបមុខរបរលក់ក្រឡានតកូនតចៅជាយូរមកហើយ។ក្រឡានដែលធ្វើដើមឫស្សីស្រុក ឬស្សីព្រៃ យកមកកាត់មួយថ្នាំងៗរួចគេយកអង្ករដំណើបដែលត្រាំ ហើយស្រង់ឱ្យស្អាតលាយទឹកខ្ទិៈ ឬដូង និងគ្រាប់សណ្តែកខ្មៅលីង និងស្ករ.អំបិល រួចច្រកចូលបំពង់ចាក់ទឹកឱ្យពេញ ហើយយកឆ្នុក ស្រកីដូង ឬចំបើងដាក់ត្រនាប់ស្លឹកចេក ហើយតម្រៀបជាជួរដុតដោយកម្ទេចឈើរឺកម្ទិចសំរាម។ នៅពេលឆ្អិនគេយកបំពង់ឬស្សីមកសកឱ្យស្តើងដើម្បីដាក់លក់។
ស្រ្តីរូបនេះបន្តថា ការធ្វើក្រឡាននេះគឺមិនមែនជាអាជីបនោះទេ គែគ្រាន់តែទំនេរពីធ្វើស្រែចម្ការនាំគ្នាធ្វើក្រឡានលក់គ្រាន់ ដើម្បីបង្កើនជីវភាពប៉ុណ្ណោះ៕
ចែករំលែកព័តមាននេះ