រាជធានីភ្នំពេញ ៖ មនុស្សយើងម្នាក់ៗកើតមកតែងតែប្រាថ្នាចង់បានរូបរាងសម្ផស្ស ស្រស់ស្អាត ជាពិសេសគឺផ្ទៃមុខ ដែលជាកន្លែងទាក់ទាញ និងគួរជាទីចាប់អារម្មណ៍ជាងគេ ដូច្នេះបើសិនជាផ្ទៃមុខមានចំណុចមិនល្អនៅកន្លែងណាមួយ ជាហេតុដែលធ្វើឱ្យលោកអ្នកមានក្តីបារម្ភយ៉ាងខ្លាំង។ ចំណែកឯវីធីចាក់ចង្កានេះក៏ជាសារប្រយោជន៍ដ៏សំខាន់មួយ ដែលអាចជួយឱ្យលោកអ្នកទទួល
រាជធានីភ្នំពេញ ៖ មនុស្សយើងម្នាក់ៗកើតមកតែងតែប្រាថ្នាចង់បានរូបរាងសម្ផស្សស្រស់ស្អាត ជាពិសេសគឺផ្ទៃមុខ ដែលជាកន្លែងទាក់ទាញ និងគួរជាទីចាប់អារម្មណ៍ជាងគេ ដូច្នេះបើសិនជាផ្ទៃមុខមានចំណុចមិនល្អនៅកន្លែងណាមួយ ជាហេតុដែលធ្វើឱ្យលោកអ្នកមានក្តីបារម្ភយ៉ាងខ្លាំង។ ចំណែកឯវីធីចាក់ចង្កានេះក៏ជាសារប្រយោជន៍ដ៏សំខាន់មួយ ដែលអាចជួយឱ្យលោកអ្នកទទួលបាននូវផ្ទៃមុខស្រស់ផូរផង់ផងដែរ តែវាក៏បានផ្តល់នូវផលវិបាកមកវិញ បើសិនជាលោកអ្នកទៅធ្វើការចាក់ចង្កានៅកន្លែងដែលមិនមានបច្ចេកទេសច្បាស់លាស់។
លោកវេជ្ជបណ្ឌិតស្រេង រាសី អ្នកឯកទេសផ្នែកសើស្បែកនៃមជ្ឈមណ្ឌលថែរក្សាសម្ផស្សមេកាបែល និងមជ្ឈមណ្ឌលរក្សាសម្ផស្សអាស៊ីប៊ីយូធី បានមានប្រសាសន៍ឱ្យដឹងថា ជាធម្មតាចង្កាគឺជាចំណុចនៃទឹកមុខរបស់យើងម្នាក់ៗ តែជួនកាលបើសិនជាចង្ការបស់លោកអ្នកមានចំណុចខ្វះខាត ដូច្នេះយើងមានវិធីម្យ៉ាងដើម្បីកែខៃចង្កាឱ្យមានភាពស្រស់ស្អាតឡើងវិញដូចជាការចាក់បំពេញដើម្បីធ្វើឱ្យចង្កាមានភាពស្រស់ស្អាត ស័ក្តិសម និងថែមទាំងជួយឱ្យផ្ទៃមុខមានភាពទាក់ទាញជាងមុន។ ជាទូទៅការកែខៃចង្កា គឺយើងអាចប្រើវិធីចាក់បំពេញ ឬក៏វិធីវះកាត់។
លោកវេជ្ជបណ្ឌិតបានបន្តទៀតថា ជាទូទៅវិធីចាក់ចង្កាមិនសូវជាមានផលប៉ះពាល់ខ្លាំងនោះទេ ដោយគ្រាន់តែមានការប៉ះពាល់ជាមួយនឹងស្បែកដូចជាជាំ ហើម ជាដើម។ តែវិធីនេះវាពិតជាបានផ្តល់នូវផលប៉ះពាល់បើសិនជាលោកអ្នកជ្រើសរើសកន្លែង ដែលមិនមានជំនាញ និងមិនមានសុវត្ថិភាព ឬក៏ជ្រើសរើសនូវផលិតផល ដែលមានតម្លៃថោកដូចជាពួកស៊ីលីកូ គឺវាអាចប្រឈមទៅនឹងផលប៉ះពាល់ទៅថ្ងៃក្រោយ ព្រោះវាជាប្រភេទថ្នាំដែលមិនរលាយ វាអាចផ្លាស់ប្តូរទីតាំង ហើយអាចធ្វើឱ្យរលាកឈឺរ៉ាំរ៉ៃនិងមានស្នាមក្រហម ជួនកាលអាចធ្វើឱ្យចង្កាមិនមានទ្រង់ទ្រាយស្រស់ស្អាតថែមទៀតផង ។
បើសិនជាមានផលប៉ះពាល់ហើយនៅពេលដែលអ្នកជំងឺមកជួបជាមួយគ្រូពេទ្យ គ្រូពេទ្យនឹងធ្វើការវះកាត់ចង្កាដើម្បីយកពួកស៊ីលីកូចេញ ប៉ុន្តែការវះកាត់នេះ គឺជាបញ្ហាធ្ងន់ធ្ងរ ព្រោះកាលណាដែលចាក់ស៊ីលីកូចូល វានឹងបំលែងខ្លួនទៅជាគ្រាប់តូចៗពេញចង្កាទៅរស់នៅក្នុងឈាម និងកោសិកាខ្លាញ់ ដូច្នេះនៅពេលដែលវះកាត់យកចេញ គឺមិនអាចយកចេញមកទាំងអស់នោះទេ គឺវាអាចមានលាយជាមួយឈាមនិងខ្លាញ់ចេញមកដែលធ្វើឱ្យចង្កាបាត់បង់នូវទ្រង់ទ្រាយដើម។
ដូច្នេះហើយដើម្បីការពារកុំឱ្យកើតមានបញ្ហាទាំងនេះ លោកអ្នកនាងកញ្ញាត្រូវតែមកធ្វើការពិភាក្សាជាមួយអ្នកឯកទេសជាមុនសិន មុននឹងសម្រេចចិត្តជ្រើសរើសនូវវិធីចាក់ចង្កា៕
ចែករំលែកព័តមាននេះ