សម្លាកផ្លែពណ៌ក្រហមនៅលើស្បែកជួនកាលកើតមានបន្ទាប់ពីមានរបួសឬដំបៅ ។ សម្លាកផ្លែលើស្បែកបង្កើតឡើងដោយកោសិកា fibroblast ដែលទទួលបន្ទុកបង្កើត«ជាលិកាសម្លាក»។ នៅត្រង់សម្លាកនេះ អាចមានការឈឺចាប់តិចតួច ឬក៏រមាស់។ វាជាសាច់ដុះមិនបង្កជាមហារីក(Benign Tumours) កើតនៅកន្លែងណាមួយដែលមានស្បែករាបស្មើលើរាងកាយរបស់យើងទេ ។
សម្លាកផ្លែពណ៌ក្រហមនៅលើស្បែកជួនកាលកើតមានបន្ទាប់ពីមានរបួសឬដំបៅ ។ សម្លាកផ្លែលើស្បែកបង្កើតឡើងដោយកោសិកា fibroblast ដែលទទួលបន្ទុកបង្កើត«ជាលិកាសម្លាក»។ នៅត្រង់សម្លាកនេះ អាចមានការឈឺចាប់តិចតួច ឬក៏រមាស់។ វាជាសាច់ដុះមិនបង្កជាមហារីក(Benign Tumours) កើតនៅកន្លែងណាមួយដែលមានស្បែករាបស្មើលើរាងកាយរបស់យើងទេ ។
មានវិធីសាស្ត្រមួយចំនួនអាចជួយលុបបំបាត់សម្លាកនេះបាន ៖ ១-ស្អំស្បៃត្រជាក់ (Compressត្រជាក់)នៅចំកន្លែងសម្លាក។ អ្នកអាចប្រើស្បោងតែក្លាស្សេត្រជាក់ដាក់លើវាក៏បានឬក៏ប្រើស្បោងទឹកកកក៏បាន ។
២-ប្រើបង់យឺត( Pressure dressing)រុំសង្កត់ឱ្យណែនចំកន្លែងសម្លាកផ្លែ។ អ្នកអាចប្រើបង់ស្អិតជួយដើម្បីកុំឲ្យPressure dressingរំកិលខុសកន្លែងដើម។ បង់យឺតនេះត្រូវការផ្លាស់ប្តូររាល់ថ្ងៃ ហើយអ្នកត្រូវទុកវា១ម៉ោងមុននឹងរុំសង្កត់ជាថ្មី។ បន្តធ្វើបែបនេះរហូតបាត់ផ្លែសាច់ទាំងស្រុង ។
៣-ចាក់ថ្នាំអ័រម៉ូនស្តេរ៉ូអ៊ីដ« Cortisone»នៅចំសម្លាក។ វិធីព្យាបាលដោយចាក់ថ្នាំនេះអាចប្រើពេលយូរ ដ្បិតវាចាំបាច់ត្រូវធ្វើរៀងរាល់ខែ និងច្រើនខែរហូតដល់សម្លាកផ្លែរលាយបាត់បន្តិចម្តងៗ ។
៤-ប្រសិនជាផ្លែតូចនៅចំស្បែកស្តើងជម្រើសដ៏ល្អសម្រាប់អ្នកគឺ cryosurgery(វិធីព្យាបាលធ្វើឱ្យស្បែកត្រជាក់ដើម្បីសម្លាប់ជាលិកាជំងឺ )។ នីតិវិធីនៃការព្យាបាលcryosurgeryគឺប្រើប្រាស់វត្ថុរាវនីត្រូហ្សែនធ្វើសម្លាកផ្លែត្រជាក់ដល់កក ។
៥-វះកាត់ដោយប្រើកាំរស្មី Laser។ វិធីសាស្ត្រនេះ អ្នកចាំបាច់ត្រូវតែពិភាក្សាយ៉ាងម៉ត់ចត់ជាមួយវេជ្ជបណ្ឌិតជំនាញ។ បន្ទាប់ពីការវះកាត់រួច អ្នកគួរតែប្រើបង់ Pressure dressingដើម្បីទប់ស្កាត់មិនឲ្យសម្លាកផ្លែកើតសាជាថ្មី ៕
ចែករំលែកព័តមាននេះ