ADផ្ទាំងផ្សព្វផ្សាយពាណិជ្ជកម្ម

ស្ត្រីតានតឹងអារម្មណ៍ខ្លាំងអំឡុងមានផ្ទៃពោះខែទី២និងទី៣ប្រឈមការឆ្លងទន្លេមុនកំណត់និងប៉ះពាល់តុល្យភាពភេទ

12 ឆ្នាំ មុន

១២ ខែ ធ្នូ ឆ្នាំ ២០១១ ម៉ោង ០៤:១៥

អ្នកវិទ្យាសាស្ត្របាននិយាយថា ស្ត្រីដែលមានភាពតានតឹងក្នុងអារម្មណ៍ខ្លាំងអំឡុងមានផ្ទៃពោះខែទី២និងទី៣ប្រឈមនឹងការឆ្លងទន្លេមុនពេលកំណត់ ហើយកូនដែលកើតមកភាគច្រើនជាស្រី។ ការតានតឹងក្នុងអារម្មណ៍ខ្លាំងបានបង្ហាញពីផលប៉ះពាល់ដល់តុល្យភាពរវាងភេទទារកដែលទើបតែចាប់កំណើតនៅក្នុងផ្ទៃម្តាយបានពីរបីខែដំបូង ។ ការសិក្សាថ្មីមួយបានបង្ហាញថា ភាពតានតឹងខ្លាំងលើសលប់(Stress)អាចពង្រួញឲ្យខ្លីនូវរយៈពេលពពោះ។ នេះមានន័យថា កូនកើតមុនពេលកំណត់ ហើយសម្រាប់កូនប្រុសនឹងត្រូវរលូត។

នេះជាលើកទី១ហើយដែលភាពតានតឹងក្នុងអារម្មណ៍(stress)ត្រូវបានគេបង្ហាញថា មានផលប៉ះពាល់លើតុល្យភាពរវាងភេទទារកដែលហៅថា« Sex Ratio»។ លទ្ធផលនេះកើតចេញពីការពិសោធដែលគេធ្វើកាលពីឆ្នាំ២០០៥ ។ ការស្រាវជ្រាវពីលើកមុនក៏បានបង្ហាញដែរថា ស្ត្រីមានផ្ទៃពោះដែលតានតឹងក្នុងអារម្មណ៍ខ្លាំងប្រឈមនឹងការរលូតប្រសិនជាកូនក្នុងផ្ទៃនោះជាប្រុស។ នេះក៏ព្រោះតែក្មេងប្រុសឆាប់រីកលូតលាស់ធំជាងក្មេងស្រី ហើយត្រូវការការទ្រទ្រង់និងចំណីអាហារច្រើនពីម្តាយ ៕