ខេត្តស្វាយរៀង ៖ ផ្លូវលំមួយខ្សែតភា្ជប់ពីផ្លូវជាតិលេខ១ត្រង់ចំណុចខោ្លងទា្វរ វត្ដក្រោល គោឆ្ពោះទៅកាន់ឃុំក្រួស ព្រំដែនកម្ពុជា-វៀត ណាម ប្រវែង២២គីឡូម៉ែត្រ ដែលរងការបំផ្លាញ ដោយទឹកជំនន់ទន្លេមេគង្គ និងជំនន់ទឹកភ្លៀងរយៈពេលជាង១ខែ នារដូវវស្សាកន្លងទៅត្រូវបានក្រុមការងារគណបក្សប្រជាជនកម្ពុជា ដឹកនាំដោយលោកព្រហ្ម រ៉ាវុឌ្ឍ អនុប្រធានក្រុមការ ងារ បើកការ
ខេត្តស្វាយរៀង ៖ ផ្លូវលំមួយខ្សែតភា្ជប់ពីផ្លូវជាតិលេខ១ត្រង់ចំណុចខោ្លងទា្វរវត្ដក្រោល គោឆ្ពោះទៅកាន់ឃុំក្រួស ព្រំដែនកម្ពុជា-វៀត ណាម ប្រវែង២២គីឡូម៉ែត្រ ដែលរងការបំផ្លាញ ដោយទឹកជំនន់ទន្លេមេគង្គ និងជំនន់ទឹកភ្លៀងរយៈពេលជាង១ខែ នារដូវវស្សាកន្លងទៅត្រូវបានក្រុមការងារគណបក្សប្រជាជនកម្ពុជាដឹកនាំដោយលោកព្រហ្ម រ៉ាវុឌ្ឍ អនុប្រធានក្រុមការ ងារ បើកការដា្ឋនជួសជុលផ្លូវនេះឡើងវិញ កាលពីរសៀលថ្ងៃទី២៧ វិច្ឆិកាដើម្បីជួយសម្រួល ដល់ការធ្វើចរាចរណ៍ទៅវិញទៅមកនិងនាំកសិផលក៏ដូចជាទំនិញផ្សេងៗទៅលក់ដូរនៅលើទីផ្សារ ជាពិសេសការនាំទំនិញចេញ-ចូលជាមួយប្រទេសវៀតណាម។ ផ្លូវលំមួយខ្សែនេះអាចបម្រើផលប្រយោជន៍ជូនប្រជាជនបានចំនួន៧ឃុំរួមមាន ឃុំក្រួស ក្រោលគោ ឈើទាល សា្វយធំ ចំបក់ កំពង់ចម្លង និងឃុំតាសួស ដែលស្ថិតនៅក្នុងស្រុកសា្វយជ្រំ។
ក្នុងឱកាសបើកការដា្ឋនជួសជុលផ្លូវខាងលើនេះ លោកព្រហ្ម រ៉ាវុឌ្ឍ មានប្រសាសន៍ថា ដោយមានការណែនាំនិងប្រគល់ការកសាងកែលំអឡើងវិញពីលោកជៀង អំ ប្រធានគណៈកម្មាធិការគណបក្សប្រជាជនកម្ពុជាខេត្ដ និងជាអភិបាលខេត្ដសា្វយរៀង បញ្ជាឱ្យរូបលោកជួសជុលផ្លូវលំ១ខ្សែនេះឡើងវិញ ទើបនៅថ្ងៃនេះលោកដឹកនាំកម្លាំងក្រុមកាងាររួមជាមួយ អាជា្ញធរដែនដីដែលរួមមានលោកមេឃុំ ក្រុមប្រឹក្សាឃុំ ប៉ូលិសការពារព្រំដែន យោធាការពារព្រំដែន ព្រមទាំងប្រជាពលរដ្ឋផងនោះមកចូលរួមធ្វើការបើកការដា្ឋនជួសជុលផ្លូវលំនេះឡើងវិញ។ លោកក៏បានអំពាវនាវផងដែរដល់អាជ្ញាធរដែនដី និងសមត្ថកិច្ចដែលឈរជើងនៅមូល ដា្ឋននេះ ក៏ដូចជាប្រជាពលរដ្ឋទាំងអស់ មេត្ដាជួយថែទាំផ្លូវនេះបន្ទាប់ពីធ្វើការជួសជុលរួច ហើយហាមដាច់ខាតមិនឱ្យរថយន្ដដឹកទំនិញលើសទម្ងន់ឆ្លងកាត់ដែលនឹងធ្វើឱ្យផ្លូវឆាប់ខូចខាតទៅវិញ ក្នុងន័យដើម្បីការពារផ្លូវទុកប្រើប្រាស់ឱ្យបានយូរអង្វែងសម្រាប់់ជាប្រយោជន៍ទាំងអស់គា្ន និងស្របតាមគោលនយោបាយរបស់រាជរដ្ឋាភិបាលកម្ពុជាគឺកាត់បន្ថយភាពក្រីក្ររបស់ប្រជាពលរដ្ឋ។
បើតាមរបាយការណ៍សង្ខេបរបស់លោក នេត សានិន មេឃុំក្រួសបានឱ្យដឹងថា រដូវវស្សាឆាំ្ននេះប្រជាពលរដ្ឋរងគ្រោះដោយទឹកជំនន់នៅឃុំក្រួសមាន១.២៧៨គ្រួសារ បំផ្លាញសន្ទូងអស់១.១១២,៤០ហិកតា រលំផ្ទះអស់៣ខ្នង លូរំដោះទឹកខូច៣កន្លែង ផ្លូវលំខូចខាតប្រវែង១.៣០០ម៉ែត្រ នៅក្នុងភូមិទាំង៧របស់ឃុំក្រួស ៕
ចែករំលែកព័តមាននេះ