រាជធានីភ្នំពេញ ៖ ដើម្បីជួយសម្រួលការលំបាកគ្រួសារក្រីក្រនិងផ្ទុកមេរោគអេដស៍ គណបក្សប្រជាជនខណ្ឌសែនសុខ និងសង្កាត់ទឹកថ្លា បានជួយសាងសង់លំនៅឋានមួយខ្នងជូនមានទំហំ៤,៥០ម៉ែត្រគុណ ៧ម៉ែត្រ ប្រក់សង្ក័សីមានតម្លៃ១.២០០ដុល្លារ ស្ថិតនៅភូមិត្រពាំងឈូក សង្កាត់ទឹកថ្លា ។
រាជធានីភ្នំពេញ ៖ ដើម្បីជួយសម្រួលការលំបាកគ្រួសារក្រីក្រនិងផ្ទុកមេរោគអេដស៍ គណបក្សប្រជាជនខណ្ឌសែនសុខ និងសង្កាត់ទឹកថ្លា បានជួយសាងសង់លំនៅឋានមួយខ្នងជូនមានទំហំ៤,៥០ម៉ែត្រគុណ ៧ម៉ែត្រ ប្រក់សង្ក័សីមានតម្លៃ១.២០០ដុល្លារ ស្ថិតនៅភូមិត្រពាំងឈូក សង្កាត់ទឹកថ្លា ។
នៅរសៀលថ្ងៃទី២៣ វិច្ឆិកា លោកតាន់ ណាវីន ប្រធានគណៈកម្មាធិការបក្សប្រជាជនសង្កាត់ទឹកថ្លា និងជាចៅសង្កាត់ អមដំណើរដោយសមាជិកសមាជិកាបក្សបានធ្វើពិធីប្រគល់លំនៅឋាន និងនាំអំណោយមួយចំនួនទៅឧបត្ថម្ភដល់គ្រួសារផ្ទុកមេរោគអេដស៍ នោះរួមមានថវិកា៣០ម៉ឺនរៀល ជាអំណោយរបស់លោកតាន់ ណាវីន ប្រធានគណៈកម្មាធិការបក្សសង្កាត់ និងអង្ករ ១៥គីឡូក្រាម ធុងទឹក១ ធុងទឹកក្តៅ ឆ្នាំង ខ្ទះ មី កំសៀវ ធុងទឹកកក កន្ទេល ភួយ មុង ស្លាបព្រា វែក ចាន ដែលជាអំណោយរបស់ព្រះតេជគុណ គង់ សារី ចៅអធិការវត្តទឹកថ្លា ដែលផ្តល់ តាមរយៈលោកតាន់ ណាវីន ។
លោកតាន់ ណាវីន ឱ្យដឹងថា ដោយមើលឃើញការលំបាករបស់លោកមាស មុនី អាយុ៤៣ឆ្នាំ និងប្រពន្ធឈ្មោះឈិត ស៊ីណា មានកូនចំនួន៥នាក់ដែលជា គ្រួសារផ្ទុកមេរោគអេដស៍ ហើយពុំមានផ្ទះសម្បែង គណបក្សប្រជាជនខណ្ឌសែនសុខ រួមទាំងគណបក្សប្រជាជនសង្កាត់ទឹកថ្លាបានរួមគ្នាសាងសង់លំនៅឋានឱ្យពួកគាត់ដែលមានជីវភាពក្រីក្រ បានរស់នៅមានភាពកក់ក្តៅ ។
លោកតាន់ ណាវីន បន្តទៀតថា គ្រប់កាលៈទេសៈទាំងអស់មានតែគណបក្សប្រជាជនទេដែលតែងតែរស់នៅជាប់ជាមួយបងប្អូន ហើយដឹងសុខទុក្ខចំពោះប្រជាពលរដ្ឋទូទាំងប្រទេស។
គ្រួសារលោកមាស មុនី និងប្រពន្ធឈិត ស៊ីណា ជាគ្រួសារផ្ទុកមេរោគមានកូនចំនួន៥នាក់ ហើយសព្វថ្ងៃនេះលោកមាស មុនីបានធ្លាក់ខ្លួនឈឺកំពុងសម្រាកនៅមន្ទីរពេទ្យព្រះកុសុមៈ ៕
ចែករំលែកព័តមាននេះ