ខេត្តស្ទឹងត្រែង ៖ លោកយាយទូ គីមឡេង មានចៅប្រុស២នាក់ដែលពិការស្វិតដៃជើង និងកំព្រាឪពុកម្តាយ ពេលនេះបានទទួលអំណោយជាថវិកាពីសប្បុរសជនចំនួន១៤៥ដុល្លារ និង១២ម៉ឺនរៀល កាលពីព្រឹកថ្ងៃទី១៥ វិច្ឆិកា ឆ្នាំ២០១១។ ថវិកាទាំងនោះត្រូវបានយកទៅប្រគល់ឱ្យដល់ដៃលោកយាយ ដែលកំពុងស្នាក់នៅក្នុងវត្តភ្នំស្ទឹងត្រែង ភូមិរាជានុកូល សង្កាត់ ស្ទឹងត្រែង ក្រុងស្ទឹងត្រែង តាមរយៈភ្នាក់ងារកោះសន្តិភាព។
ខេត្តស្ទឹងត្រែង ៖ លោកយាយទូ គីមឡេង មានចៅប្រុស២នាក់ដែលពិការស្វិតដៃជើង និងកំព្រាឪពុកម្តាយ ពេលនេះបានទទួលអំណោយជាថវិកាពីសប្បុរសជនចំនួន១៤៥ដុល្លារ និង១២ម៉ឺនរៀល កាលពីព្រឹកថ្ងៃទី១៥ វិច្ឆិកា ឆ្នាំ២០១១។ ថវិកាទាំងនោះត្រូវបានយកទៅប្រគល់ឱ្យដល់ដៃលោកយាយ ដែលកំពុងស្នាក់នៅក្នុងវត្តភ្នំស្ទឹងត្រែង ភូមិរាជានុកូល សង្កាត់ ស្ទឹងត្រែង ក្រុងស្ទឹងត្រែង តាមរយៈភ្នាក់ងារកោះសន្តិភាព។
លោកយាយទូ គីមឡេង និងចៅប្រុសទាំង២បានសម្តែងការត្រេកអរ និងអរគុណជាពន្លឹកចំពោះសប្បុរសជនដែលមានចិត្តអាណិតអាសូរគិតគូរដល់រូបគាត់ដែលកំពុងជួបការលំបាកដែលត្រូវរ៉ាប់រងចិញ្ចឹម និងមើលថែចៅទាំង២នាក់។
លោកយាយមានប្រសាសន៍ថា ថវិកាទាំងនេះ រូបគាត់នឹងរក្សាទុកចំណាយលើការព្យាបាលជំងឺ ទិញគ្រឿងឧបភោគបរិភោគ និងធ្វើបង្គន់មួយនៅលើផ្ទះតែម្តងដើម្បីងាយស្រួលដល់ពួកគេទាំង២ ព្រោះឥឡូវរូបគាត់មានវ័យកាន់តែចាស់ហើយ ភ្នែកចាប់ផ្តើមងងឹតកម្លាំងចេះតែថយទៅៗ ដូច្នេះគឺពិបាកលើកពួកគេចុះឡើងពេលផ្ងួតទឹកឱ្យម្តងៗ។
លោកយាយបានមានប្រសាសន៍បន្តថា ដួង ហ៊ួ និងដួង ហៃ នាពេលបច្ចុប្បន្ននេះសុខភាពមិនសូវអំណោយផលទេ អង្គុយមិននឹងដូចពីមុនទៀតឡើយ ពេលខ្លះបើមិនប្រយ័ត្នពួកគេដួលផ្កាប់មុខនឹងកន្ទេលធ្វើឱ្យរូបគាត់មិនអាចទៅណាមកណាឆ្ងាយពីពួកគេទាំង២បាន សូម្បីតែទៅសូត្រមន្តនៅផ្ទះគេគ្រាន់បានលុយកាក់ខ្លះ ក៏មិនអាចទៅបានដែរ។
ប្រាក់អំណោយទាននេះកោះសន្តិភាពបានទទួលតាមរយៈលោកណុប ច័ន្ទតារា សហការីកោះសន្តិភាពប្រចាំក្រុងឡងប៊ិច ដែលលោកបានទទួលពី ១-លោកមាស ព្រមទាំងភរិយា ១៥ដុល្លារ ២-លោក John ៥ដុល្លារ ៣-អ្នកស្រី Michelle និងលោកផល ២០ដុល្លារ ៤-អ្នកស្រី Jame និងលោក Sunny ២០ដុល្លារ និងអ្នកស្រី T និងលោក Adam ៤០ដុល្លារ ។ ជាមួយនឹងថវិកាអំណោយតាមរយៈសហការី ក៏មានអំណោយពីព្រះតេជគុណ គីម ជាកុលស គង់នៅវត្តសាមគ្គីធរីរ៉ាម ក្នុងរដ្ឋញូវជេស៊ី សហរដ្ឋអាមេរិក រួមជាមួយលោកចាន់ សំណាង និងភរិយា ព្រមទាំងបុត្របានឧបត្ថម្ភ៤៥ដុល្លារ ។ ដោយឡែកសប្បុរសជនក្នុងស្រុក លោកសេង សុធូ ព្រមទាំងភរិយា និងកូនបានជួយឧបត្ថម្ភ១២ម៉ឺនរៀលផងដែរ ។
ព្រះតេជគុណ ឆេង ទូច ព្រមទាំងលោកយាយ និងក្មេងប្រុសអភ័ព្វទាំង២នាក់បានថ្លែងអំណរគុណដល់សប្បុរសជនទាំងអស់ដែលបានជួយជាថវិកាសម្រាប់ផ្គត់ផ្គង់ និងព្យាបាលជំងឺដល់ពួកគេ។ នាឱកាសនោះព្រះអង្គ និងលោកយាយបានឧទ្ទិសបួងសួងដល់វត្ថុស័ក្តិសិទ្ធិក្នុងលោក សូមជួយថែរក្សាសប្បុរសជនទាំងអស់ឱ្យជួបតែសេក្តីសុខសេចក្តីចម្រើនគ្រប់ប្រការ កុំបីឃ្លៀងឃ្លាតឡើយ៕
ចែករំលែកព័តមាននេះ