ខេត្តបាត់ដំបង ៖ ស្ត្រីម្នាក់និងកូនៗសរុបមានគ្នា៦នាក់ ខណៈធ្វើដំណើរដោយម៉ូតូ១គ្រឿងចេញពីស្រុកកំណើតរបស់ខ្លួនស្ថិត ក្នុងភូមិដីឡូថ្មី ឃុំស្តៅ ស្រុករតនមណ្ឌល ខេត្តបាត់ដំបង បានទទួលរងគ្រោះថ្នាក់ចរាចរណ៍ដួលម៉ូតូបោករបួសស្ទើរតែ ទាំងអស់គ្នា ។
ខេត្តបាត់ដំបង ៖ ស្ត្រីម្នាក់និងកូនៗសរុបមានគ្នា៦នាក់ ខណៈធ្វើដំណើរដោយម៉ូតូ១គ្រឿងចេញពីស្រុកកំណើតរបស់ខ្លួនស្ថិតក្នុងភូមិដីឡូថ្មី ឃុំស្តៅ ស្រុករតនមណ្ឌល ខេត្តបាត់ដំបង បានទទួលរងគ្រោះថ្នាក់ចរាចរណ៍ដួលម៉ូតូបោករបួសស្ទើរតែទាំងអស់គ្នា ។
ហេតុការណ៍នេះ បានកើតឡើងកាលពីវេលាម៉ោង៨និង៣០នាទីព្រឹកថ្ងៃទី២៥ តុលា ២០១១ ស្ថិតនៅភូមិត្រែង ឃុំស្តៅ ស្រុករតនមណ្ឌល ខេត្តបាត់ដំបង ពេលដែលរូបគាត់ព្រមទាំងកូនចៅចំនួន៦នាក់បានជិះម៉ូតូបម្រុងមកលេងកូនចៅ នៅភូមិអូររអិល ឃុំស្ទឹងកាច់ស្រុកសាលាក្រៅ ខេត្តប៉ៃលិន។
ជនរងគ្រោះទី១ ជាអ្នកបើកបរម៉ូតូឈ្មោះសៅ យឿន ភេទស្រី អាយុ២៤ឆ្នាំ ត្រូវជាកូន រងរបួសរលាត់ស្បែកមុខ និងដៃ ២-ឈ្មោះសៅ យ៉ន ភេទស្រី អាយុ៤៧ឆ្នាំ ជាម្តាយរងរបួស បែកក្បាលដេរអស់៧ថ្នេរ ៣-ឈ្មោះមាន ចាន់ថុល ភេទប្រុស អាយុ១០ឆ្នាំ បែកមុខមាត់ និងរបួសដៃខាងស្តាំ ៤-ឈ្មោះមាន ចន្ធី ភេទស្រី អាយុ១៣ឆ្នាំ របួសក្បាល និងរលាត់ជើងខាងឆ្វេង ៥-ឈ្មោះមាន ចន្ថា ភេទស្រី អាយុ៧ឆ្នាំ រលាត់ស្បែកក្បាល ៦-ឈ្មោះប៉ោង កញ្ញា ភេទ ស្រី អាយុ១ឆ្នាំ ១ខែ របួសជើងឆ្វេងតិចតួច ។
តាមស្រ្តីឈ្មោះសៅ យ៉ន ជាម្តាយបាននិយាយថា រូបគាត់ចង់ទៅលេងបងប្អូននិងកូនចៅនៅខេត្តប៉ៃលិន តែនៅពេលធ្វើដំណើរមកដល់ថ្នល់ជាតិស្រាប់តែឃើញរថយន្តមួយគ្រឿងក្រឡាប់បះជើងឡើងលើ ទើបធ្វើឱ្យកូនស្រីរបស់ខ្លួនឈ្មោះសៅ យឿន ជាអ្នកបើកម៉ូតូម៉ាកសង់ ស៊េរី ឆ្នាំ១៩៩៧ពណ៌ខ្មៅ ឃើញរថយន្តមួយទៀតមកក្បែរ ក៏ភ័យរន្ធត់ជាន់ហ្រ្វាំងចៀសមកខាងចិញ្ចើមថ្នល់ ហើយកិនចំដុំថ្មបណ្តាលឱ្យក្រឡាច់ដួលតែម្តង។
គួររំលឹកថា ម៉ូតូមួយគ្រឿងអាចជិះគ្នាបានតែចំនួន២ ឬ៣នាក់ប៉ុណ្ណោះ រួមទាំងអ្នកបើកបរ តែស្ត្រីរូបនេះដឹកគ្នារហូតដល់ទៅ៦នាក់គឺខុសនឹងច្បាប់ចរាចរណ៍ និងងាយជួបគ្រោះថ្នាក់ថែមទៀតផង៕
ចែករំលែកព័តមាននេះ