រាជធានីភ្នំពេញ ៖ រឿម វណ្ណៈ បានយកឈ្នះខុន ស៊ីចន មកពីក្លឹបកងពលធំអន្តរាគមន៍លេខ៣ ព្រះវិហារ ដោយពិន្ទុ ចំណែកម៉ន គឹមឡុង មកពីក្លឹបព្រែកឯងកីឡា បានចំណាយពេលតែ២ទឹកប៉ុណ្ណោះ ប្រើស្នៀតជើងទាត់សំអួន លួង មកពីក្លឹបបាក់ខែងកីឡាឱ្យសន្លប់នៅនឹងកន្លែង ។
រាជធានីភ្នំពេញ ៖ រឿម វណ្ណៈ បានយកឈ្នះខុន ស៊ីចន មកពីក្លឹបកងពលធំអន្តរាគមន៍លេខ៣ ព្រះវិហារ ដោយពិន្ទុ ចំណែកម៉ន គឹមឡុង មកពីក្លឹបព្រែកឯងកីឡា បានចំណាយពេលតែ២ទឹកប៉ុណ្ណោះ ប្រើស្នៀតជើងទាត់សំអួន លួង មកពីក្លឹបបាក់ខែងកីឡាឱ្យសន្លប់នៅនឹងកន្លែង ។
ការជួបគ្នារវាងរឿម វណ្ណៈ និងស៊ីចន ធ្វើឱ្យកក្រើកពេញលើសង្វៀន CTN កាលពីរសៀលថ្ងៃអាទិត្យ ទី១៦ តុលា ហើយក៏ក្លាយជាគូជក់ចិត្តជាងគេទៀតផង ។ វណ្ណៈ បានប្រើស្នៀតជើងទាត់យ៉ាងសាហាវបំផុតទៅលើស៊ីចន ប៉ុន្តែស្នៀតកណ្តាប់ដៃរបស់ស៊ីចនមិនអន់ខ្សោយប៉ុន្មានទេ គេបានម៉ាត់សងវិញមិនបន្ធូរដៃ ឡើយ ។ ចាប់ពីទឹកទី១ដល់ទឹកទី៣ ទាំងសងខាងបានចូលវាយសម្រុកដាក់គ្នាយ៉ាងខ្លាំង ស៊ីចន ត្រូវវណ្ណៈ ទាត់ស្ទើរតែគេចមិនទាន់ ម្តងៗទៅហើយ ប៉ុន្តែចាប់ពីទឹកទី៤ និងទឹកទី៥ ស៊ីចន ស្ទុះចូលកៀកវាយបកសងវិញយ៉ាងចាស់ដៃ តែមិនអាចទៅរួចជាមួយវណ្ណៈទេ ។
សំអួន លួង ដែលបានខិតខំតស៊ូប្រកួតយ៉ាងខ្លាំងសម្បើមចាប់តាំងពីទឹកទី១រហូតមក ទីបំផុតត្រូវគឹមឡុង បង្ក្រាបបានយ៉ាងងាយបំផុត នៅទឹកទី២ ។ ការបរាជ័យលើកនេះអាចចាត់ទុកថា ជាការធ្វេសប្រហែសរបស់សំអួន លួង ក៏ថាបានដែរ ព្រោះកាលពីទឹកទី១ គឹមឡុង ទទួលរងការវាយប្រហារយ៉ាងខ្លាំងពី សំអួន លួង ជាពិសេសស្នៀតដៃរបស់សំអួន លួងបានម៉ាត់ចូលមុខគឹមឡុង ពេញៗ ។ ចូលដល់ទឹកទី២នៅពេលសំអួន លួង ដើរចូលមិនប្រុងប្រយ័ត្ន ស្រាប់តែគឹមឡុង ទាត់ចូលពោះទឹកមួយជើងយ៉ាងធ្ងន់ដួលក្រោកលែងរួច ។
ជ័យ ចាន់រ័ត្ន មកពីក្លឹបសិង្ហកីឡា ប្រកួតឈ្នះធិន សុវណ្ណ មកពីក្លឹបកងពលតូចលេខ៧០បានដោយពិន្ទុ ។ ម៉ៃ សុខនឿន មកពីក្លឹបយុវជនកម្ពុជាមានជ័យវាយផ្តួលស៊ូ វណ្ណៈ មកពីក្លឹបយុវកីឡា ខេត្តកណ្តាលឱ្យសន្លប់ទឹកទី២ ៕
ចែករំលែកព័តមាននេះ