រាជធានីភ្នំពេញ ៖ អាជ្ញាធរខណ្ឌទួលគោកដឹកនាំដោយលោកសាំង សុភៈវិចិត្រ អភិបាលរងខណ្ឌ កាលពីព្រឹកថ្ងៃទី៧ ខែតុលា បានទៅទម្លាក់ស្លាកផ្សាយពាណិជ្ជកម្មរបស់ក្រុមហ៊ុន Red Green Blue ដែលផ្សាយពាណិជ្ជកម្មប៊ីចេង VEDAN ដោយសារតែស្លាកប៉ាណូនេះពុំមានច្បាប់អនុញ្ញាត។ ការទម្លាក់ស្លាកប៉ាណូនេះក៏មានការចូលរួមពីមន្ត្រីសាលារាជ ធានីភ្នំពេញផងដែរ។
រាជធានីភ្នំពេញ ៖ អាជ្ញាធរខណ្ឌទួលគោកដឹកនាំដោយលោកសាំង សុភៈវិចិត្រ អភិបាលរងខណ្ឌ កាលពីព្រឹកថ្ងៃទី៧ ខែតុលា បានទៅទម្លាក់ស្លាកផ្សាយពាណិជ្ជកម្មរបស់ក្រុមហ៊ុន Red Green Blue ដែលផ្សាយពាណិជ្ជកម្មប៊ីចេង VEDAN ដោយសារតែស្លាកប៉ាណូនេះពុំមានច្បាប់អនុញ្ញាត។ ការទម្លាក់ស្លាកប៉ាណូនេះក៏មានការចូលរួមពីមន្ត្រីសាលារាជធានីភ្នំពេញផងដែរ។
ស្លាកផ្សាយពាណិជ្ជកម្មដែលត្រូវទម្លាក់នោះមានទំហំ៤គុណ១៦ម៉ែត្រ ស្ថិតនៅពីលើដំបូលផ្ទះ៤ល្វែងតាមមហាវិថីម៉ៅសេទុងខាងលិចរង្វង់មូលចេនឡាក្នុងសង្កាត់បឹងសាឡាង ខណ្ឌទួលគោក។ លោកសាំង សុភៈវិចិត្រឱ្យដឹងថា ការទម្លាក់ស្លាកប៉ាណូផ្សាយពាណិជ្ជកម្មរបស់ក្រុមហ៊ុន Red Green Blue ធ្វើឡើងតាមលិខិតរបស់សាលារាជធានីភ្នំពេញលេខ៨៣៣ ចុះថ្ងៃទី១៣ ខែកញ្ញា ឆ្នាំ២០១១ ដោយសារប៉ាណូផ្សាយពាណិជ្ជកម្មប៊ីចេង VEDAN នេះពុំមានច្បាប់អនុញ្ញាត។
ប្រភពព័ត៌មានឱ្យដឹងថា ប៉ាណូផ្សាយពាណិជ្ជកម្មនេះកាលដើមឡើយជារបស់ក្រុមហ៊ុនមួយមានច្បាប់អនុញ្ញាតពីសាលារាជធានីភ្នំពេញដោយមានទំហំ៤គុណ៨ម៉ែត្រ។ លុះក្រោយមកក្រុមហ៊ុននោះលក់បន្តទៅឱ្យក្រុមហ៊ុន Red Green Blue វិញ ហើយគេពង្រីកទំហំរហូតដល់៤គុណ១៦ម៉ែត្រ ។ ប៉ាណូដែលទម្លាក់នោះត្រូវអាជ្ញាធរបញ្ជូនទៅកាន់សាលារាជធានីភ្នំពេញ ៕
ចែករំលែកព័តមាននេះ