រាជធានីភ្នំពេញ ៖ កុមារអាយុមួយខួបម្នាក់បានស្លា.ប់បាត់បង់ជីវិត ដោយសារធ្លាក់ពីលើគ្រែលង់ទឹកស្លា.ប់ ខណៈពេលឪពុកម្តាយកំពង់លង់លក់ក្នុងដំណេក។ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៦ តុលា ២០១១ នៅចំណុចភូមិតាងូវ សង្កាត់និរោធ ខណ្ឌ មានជ័យ។
រាជធានីភ្នំពេញ ៖ កុមារអាយុមួយខួបម្នាក់បានស្លាប់បាត់បង់ជីវិត ដោយសារធ្លាក់ពីលើគ្រែលង់ទឹកស្លាប់ ខណៈពេលឪពុកម្តាយកំពង់លង់លក់ក្នុងដំណេក។ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៦ តុលា ២០១១ នៅចំណុចភូមិតាងូវ សង្កាត់និរោធ ខណ្ឌ មានជ័យ។
តាមប្រភពព័ត៌មានបានឱ្យដឹងថា នៅមុនពេលកើតហេតុឪពុកម្តាយរបស់កុមាររងគ្រោះបានពរកូនតូចដែលជាកូនទី១១ នៃគ្រួសារក្រីក្ររស់នៅភូមិតាងូរ សង្កាត់ខាងលើទៅសម្រាកនៅក្នុងខ្ទមដែលលិចលង់ ដោយទឹកជំនន់មួយរយៈនេះ។ លុះដល់វេលាយប់នៃថ្ងៃកើតហេតុ ឪពុកម្តាយរបស់កុមាររងគ្រោះបាននាំកូនច្បងទៅសម្រាកនៅទីទួលសុវត្ថិភាពមួយកន្លែងដែលស្ថិតក្បែរលំនៅឋាននោះដែរ។ តែដោយឡែកកុមារដែលស្លាប់នេះត្រូវបានម្តាយនាំយកទៅដេកនៅក្នុងផ្ទះដែលទឹកជំនន់ជន់លិច រីឯឪពុកទៅដេកជាមួយកូនធំៗលើទួលសុវត្ថិភាព។ ដោយសារតែឪពុកម្តាយស្នាក់នៅបែកពីគ្នា ទើបបណ្តាលឱ្យកុមារតូចរូបនេះធ្លាក់ពីលើគ្រែដេក ហើយម្តាយមិនដឹង ក៏លង់ទឹកស្លាប់ម្នាក់ឯងតែម្តងទៅ។
ដោយឡែកនៅរសៀលថ្ងៃទី៧ តុលា លោកប៉ា សុជាតិវង្ស អភិបាលរងរាជធានីភ្នំពេញ និងលោកគួច ចំរើន អភិបាលខណ្ឌមានជ័យ តំណាងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បាននាំយកអំណោយសង្គ្រោះទៅចែកជូនគ្រួសារកុមារដែលធ្លាក់ពីលើគ្រែលង់ទឹកស្លាប់នោះផងដែរ៕
ចែករំលែកព័តមាននេះ