រាជធានីភ្នំពេញ ៖ កាលពីព្រឹកថ្ងៃទី៧ តុលា សមត្ថកិច្ចកងរាជអាវុធហត្ថរាជធានីភ្នំពេញ បាននាំខ្លួនរដ្ឋបាលក្រុមហ៊ុននាំពលករទៅធ្វើការនៅប្រទេស មា៉ឡេសីុម្នាក់ បុគ្គលិកម្នាក់ និងមេខ្យល់ម្នាក់ទៅកាន់សាលាដំបូងរាជធានីភ្នំពេញ ដើម្បីសាកសួរលើការចោទប្រកាន់ពីបទបង្ខាំងមនុស្សខុសច្បាប់ ។
រាជធានីភ្នំពេញ ៖ កាលពីព្រឹកថ្ងៃទី៧ តុលា សមត្ថកិច្ចកងរាជអាវុធហត្ថរាជធានីភ្នំពេញ បាននាំខ្លួនរដ្ឋបាលក្រុមហ៊ុននាំពលករទៅធ្វើការនៅប្រទេសមា៉ឡេសីុម្នាក់ បុគ្គលិកម្នាក់ និងមេខ្យល់ម្នាក់ទៅកាន់សាលាដំបូងរាជធានីភ្នំពេញ ដើម្បីសាកសួរលើការចោទប្រកាន់ពីបទបង្ខាំងមនុស្សខុសច្បាប់ ។
ជនទាំង៣នាក់ ១-ឈ្មោះសៅ ស៊ីណេង ភេទស្រី អាយុ២៧ឆ្នាំ មុខងារជាប្រធានរដ្ឋបាលក្រុមហ៊ុនសេនជូរីខេមបូឌា ផាវ័រ ២-ឈ្មោះជាប់ វណ្ណារ៉ែន ភេទស្រី អាយុ២៧ឆ្នាំ មុខងារជាមេខ្យល់ដើររើសពលករតាមបណ្តាខេត្ត និង៣-ឈ្មោះង៉ែត សុធារ៉ា ភេទប្រុស អាយុ២៩ឆ្នាំ មុខងារជាបុគ្គលិកក្រុមហ៊ុន ។
គួរបញ្ជាក់ថា កាលពីថ្ងៃទី៥ តុលា សមត្ថកិច្ចកងរាជអាវុធហត្ថរាជធានីភ្នំពេញ នៃការិយាល័យស្រាវជ្រាវប្រឆាំងការជួញដូរមនុស្ស និងការពារអនីតិជនដឹកនាំដោយលោកវរសេនីយ៍ត្រី ដា ជោគ បានឆ្មក់ចូលបង្ក្រាបទីតាំងលាក់ទុកពលករបម្រុងនាំទៅកាន់ប្រទេសម៉ាឡេស៊ី ចំនួន២៣នាក់ នៅក្បែរមន្ទីរពេទ្យព្រះកុសុមៈ សង្កាត់ទឹកថ្លា ខណ្ឌឫស្សីកែវ ។
ការឆក់ចូលបង្ក្រាបទីតាំងលាក់ទុកពលករ១កន្លែងនោះ សមត្ថកិច្ចរំដោះបាននារីរងគ្រោះចំនួន២៣នាក់ និងជនពាក់ព័ន្ធ៣នាក់ដូចរៀបរាប់ខាងលើ ។ ក្នុងចំណោមមនុស្ស២៣នាក់នោះ មានអនីតិជន៥នាក់ ដែលពួកគេត្រូវបានអនុញ្ញាតឱ្យវិលត្រឡប់ទៅផ្ទះវិញ ហើយ១៨នាក់ទៀតត្រូវបានបញ្ជូនទៅកាន់មន្ទីរសង្គមកិច្ច ។ ដោយឡែក៣នាក់ពាក់ព័ន្ធបទល្មើសត្រូវបាននាំខ្លួនទៅកាន់សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
ចែករំលែកព័តមាននេះ