ខេត្តស្វាយរៀង ៖ បុរសគិតខ្លី៣នាក់បានធ្វើអត្តឃាតផឹកថ្នាំបំពុលសម្លា.ប់ខ្លួនដោយ មូលហេតុខុសៗគ្នាកាលពីថ្ងៃទី៥ និង៦ តុលា ម្នាក់ស្លា.ប់ ២នាក់ទៀតគ្រូពេទ្យជួយទាន់ ។ តាមប្រភពព័ត៌មានបានឱ្យដឹងថា ជនរងគ្រោះទី១ជាយុវជនអាយុ១៨ឆ្នាំ រស់នៅឃុំឈើទាល ស្រុកស្វាយជ្រំ ពេលផឹកស្រាស្រវឹងនឹកតូចចិត្តនឹងជីវភាពក្រីក្រ សុំស្នេហ៍នាងក្រមុំម្នាក់មិនបាន ក៏យកថ្នាំបំពុលសត្វល្អិតមកផឹក ។
ខេត្តស្វាយរៀង ៖ បុរសគិតខ្លី៣នាក់បានធ្វើអត្តឃាតផឹកថ្នាំបំពុលសម្លាប់ខ្លួនដោយមូលហេតុខុសៗគ្នាកាលពីថ្ងៃទី៥ និង៦ តុលា ម្នាក់ស្លាប់ ២នាក់ទៀតគ្រូពេទ្យជួយទាន់ ។ តាមប្រភពព័ត៌មានបានឱ្យដឹងថា ជនរងគ្រោះទី១ជាយុវជនអាយុ១៨ឆ្នាំ រស់នៅឃុំឈើទាល ស្រុកស្វាយជ្រំ ពេលផឹកស្រាស្រវឹងនឹកតូចចិត្តនឹងជីវភាពក្រីក្រសុំស្នេហ៍នាងក្រមុំម្នាក់មិនបាន ក៏យកថ្នាំបំពុលសត្វល្អិតមកផឹក ។ ក្រុមគ្រួសារបានដឹកមកដល់មន្ទីរពេទ្យខេត្តកាលពីថ្ងៃទី៥ តុលា ហើយនៅវេលាម៉ោង៧យប់ ក៏ស្លាប់បាត់ទៅ ។
ជនរងគ្រោះទី២ឈ្មោះកើត វុទ្ធី អាយុ៣៥ឆ្នាំ ជាបុរសពោះម៉ាយ មានទីលំនៅភូមិចន្ទ្រា ឃុំបន្ទាយក្រាំង ស្រុកកំពង់រោទ៍ ពេលផឹកស្រាស្រវឹងស្រាប់តែស្រណោះខ្មោចប្រពន្ធដែលបានស្លាប់ចោលតាំងពីជាងមួយឆ្នាំមកហើយ ។ តាមព័ត៌មានឱ្យដឹងថា ពេលបុរសនោះបិទភ្នែកដេកឃើញខ្មោចប្រពន្ធមកប្រឡែងលេង និងបបួលឱ្យទៅរស់នៅជាមួយពេលភ្ញាក់ឡើងមិនឃើញប្រពន្ធក៏សម្រេចចិត្តយកថ្នាំបំពុលសត្វល្អិតមកផឹកសម្លាប់ខ្លួនទៅតាមប្រពន្ធចោលកូនប្រុស២នាក់ កាលពីថ្ងៃទី៦ តុលា វេលាម៉ោង៦ព្រឹក។ ការធ្វើអត្តឃាតរបស់បុរសរូបនេះបានធ្វើឱ្យកូនប្រុសពៅគាត់ស្រែកយំឆោឡោឱ្យអ្នកស្រុកជួយប្រញាប់ដឹកមកកាន់មន្ទីរពេទ្យខេត្តឱ្យគ្រូពេទ្យជួយសង្គ្រោះបានទាន់ពេល ។
ប្រភពពីស្ត្រីម្នាក់ដែលអះអាងថា ជាបងស្រីបុរសរងគ្រោះបានប្រាប់កោះសន្តិភាពថា បុរសពោះម៉ាយគិតខ្លីនេះស្រឡាញ់ប្រពន្ធខ្លាំងណាស់ ពេលប្រពន្ធស្លាប់មិនព្រមយកទៅបូជាទេ ទាល់តែឪពុកម្តាយលួងលោម ទើបព្រមយកទៅបញ្ចុះនៅខាងក្រោយផ្ទះចម្ងាយ២០ម៉ែត្រ ។ តាំងពីប្រពន្ធស្លាប់ចោលទៅប្អូនគាត់តែងអង្គុយមើលផ្លូវប្រពន្ធជារៀងរាល់ថ្ងៃ ហើយនៅយប់កើតហេតុ ពេលផឹកស្រាស្រវឹងក៏ដេកលក់ទៅ លុះព្រឹកឡើងស្រាប់តែផឹកថ្នាំបំពុលសត្វល្អិតសម្លាប់ខ្លួន សំណាងល្អកូនប្រុសឈ្មោះសេង រតនា អាយុ៦ឆ្នាំ ឃើញឪពុកប្រកាច់ បែកពពុះមាត់ ក៏ស្រែកឆោឡោទើបអ្នកស្រុកដឹងជួយដឹកមកកាន់មន្ទីរពេទ្យទាន់ពេលវេលា ។
ចំណែកជនរងគ្រោះទី៣ឈ្មោះសឿ សុធារ៉ា អាយុ២៤ឆ្នាំមានកូន២នាក់ ប្រពន្ធជាកម្មការិនីរោងចក្រ មានទីលំនៅភូមិពោធិតាហោ សង្កាត់ពោធិតាហោ ក្រុងស្វាយរៀង បានផឹកថ្នាំបំពុលកណ្តុរអស់២កញ្ចប់កាលពីថ្ងៃទី៦ តុលា វេលាម៉ោង៣ និង២០នាទីរសៀល ។ ការផឹកថ្នាំបំពុលសម្លាប់ខ្លួននេះដោយសារតូចចិត្តនឹងជីវភាពក្រីក្រធ្វើជាកម្មករសំណង់រកកម្រៃផ្គត់ផ្គង់ជីវភាពមិនគ្រប់គ្រាន់ ប្រពន្ធក៏ទៅធ្វើការជាកម្មការិនីរោងចក្រកាត់ដេរនៅក្រុងបាវិតទៀត ។ ពេលប្រពន្ធទៅធ្វើការចេះតែឮថា មានរថយន្តកម្មករ កម្មការិនីគ្រោះថ្នាក់ស្លាប់ របួស ពិការ ជាញឹកញាប់ ក៏កើតការព្រួយបារម្ភឱ្យប្រពន្ធឈប់ធ្វើការ ប្រពន្ធមិនព្រមឈប់ ក៏កើតការប្រចណ្ឌទៅផឹកស្រាស្រវឹង រួចទៅទិញថ្នាំបំពុលកណ្តុរ២កញ្ចប់មកផឹកសម្លាប់ខ្លួនតែម្តង តែ សំណាងល្អអ្នកជិតខាងបានឃើញទាន់ក៏ហៅប៉ូលិសឱ្យមកជួយ និងដឹកបុរសគិតខ្លីរូបនេះមកមន្ទីរពេទ្យខេត្តស្វាយរៀងបានទាន់ពេល ។
ក្រុមគ្រូពេទ្យនិយាយថា បុរសទាំង៣នាក់សុទ្ធសឹងយកស្រាមកបំបាត់ទុក្ខ លុះពេលផឹកជ្រុលក៏ឡប់សតិគិតផ្តេសផ្តាសប្រព្រឹត្តអំពើបាណាតិបាតខ្លួនឯងមិនស័ក្តិសមជាបុរសដើមទ្រូងប្រាំហត្ថសោះឡើយ ៕
ចែករំលែកព័តមាននេះ