ខេត្តព្រះសីហនុ ៖ បុរសវ័យកណ្តាលម្នាក់ដែលបានចែកចាយថ្នាំញៀនដល់ជនបរទេស នៅម្តុំផ្លូវកោងក្បែរតោពីរ មុខរង្គសាលយូតូភា ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ បានត្រូវប៉ូលិសការិយាល័យប្រឆំាងគ្រឿងញៀននៃស្នងការដ្ឋាននគរបាលខេត្ត ធ្វើការឃាត់ខ្លួនខណៈពេលកំពុងធ្វើសកម្មភាពចែកចាយនៅទី តាំងខាងលើកាលពីវេលាម៉ោង១១និង៣០នាទីយប់ថ្ងៃទី៦ តុលា ។
ខេត្តព្រះសីហនុ ៖ បុរសវ័យកណ្តាលម្នាក់ដែលបានចែកចាយថ្នាំញៀនដល់ជនបរទេសនៅម្តុំផ្លូវកោងក្បែរតោពីរ មុខរង្គសាលយូតូភា ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ បានត្រូវប៉ូលិសការិយាល័យប្រឆំាងគ្រឿងញៀននៃស្នងការដ្ឋាននគរបាលខេត្ត ធ្វើការឃាត់ខ្លួនខណៈពេលកំពុងធ្វើសកម្មភាពចែកចាយនៅទីតាំងខាងលើកាលពីវេលាម៉ោង១១និង៣០នាទីយប់ថ្ងៃទី៦ តុលា ។
លោកសាន់ ប៊ុនថន នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបានឱ្យដឹងថា ជនជាប់សង្ស័យដែលសមត្ថកិច្ចឃាត់ខ្លួនឈ្មោះកើត រ៉ា ភេទប្រុស អាយុ៤២ ឆ្នាំ មានទីលំនៅក្រុម៧ ភូមិ១ សង្កាត់លេខ១ ក្រុងព្រះសីហនុ មានស្រុកកំណើតនៅភូមិតាកោ ឃុំដំបូកខ្ពស់ ស្រុកអង្គរជ័យ ខេត្តកំពត ជាអ្នករត់ម៉ូតូឌុប។ ក្រោយការឃាត់ខ្លួន សមត្ថកិច្ចបាន ឆែកឆេររកឃើញថ្នាំញៀនប្រភេទមេតំហ្វេតាមីន(ICE)ចំនួន៧កញ្ចប់តូច ទម្ងន់០,៩១ក្រាម, ថ្នាំញៀនប្រភេទម្សៅពណ៌ស COKE ចំនួន៦កញ្ចប់ស្មើនឹង២,៦៣ក្រាម និងទូរស័ព្ទដៃចិន១គ្រឿង ។ បច្ចុប្បន្នជនសង្ស័យរូបនោះត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ