ខេត្តកំពង់ឆ្នាំង ៖ កម្មករ-កម្មការិនីរោងចក្រអឹមវី មានទីតាំងស្ថិតនៅភូមិត្រញំងចឹក្សាសង្កាត់កំពង់ឆ្នាំង ក្រុងកំពង់ឆ្នាំង នៅព្រឹកថ្ងៃទី៧ តុលានេះ បានបន្ដធ្វើកូដកម្មដូចការប្រកាសរបស់ខ្លួនកាលពីថ្ងៃម្សិលមិញ។ បើតាមអ្នកឆ្លើយឆ្លងព័ត៌មានកោះសន្តិភាពប្រចាំខេត្តកំពង់ឆ្នាំងបានបញ្ជាក់ថា ការបន្តធ្វើកូដកម្មដែលឈានដល់ថ្ងៃទី២នេះ គឺធ្វើឡើងបន្ទាប់ពីការតវ៉ារបស់ពួកគេកាលទី៦តុលា មិនទទួលបានលទ្ធផលអ្វីជាដុំ
ខេត្តកំពង់ឆ្នាំង ៖ កម្មករ-កម្មការិនីរោងចក្រអឹមវី មានទីតាំងស្ថិតនៅភូមិត្រញំងចឹក្សាសង្កាត់កំពង់ឆ្នាំង ក្រុងកំពង់ឆ្នាំង នៅព្រឹកថ្ងៃទី៧ តុលានេះ បានបន្ដធ្វើកូដកម្មដូចការប្រកាសរបស់ខ្លួនកាលពីថ្ងៃម្សិលមិញ។ បើតាមអ្នកឆ្លើយឆ្លងព័ត៌មានកោះសន្តិភាពប្រចាំខេត្តកំពង់ឆ្នាំងបានបញ្ជាក់ថា ការបន្តធ្វើកូដកម្មដែលឈានដល់ថ្ងៃទី២នេះ គឺធ្វើឡើងបន្ទាប់ពីការតវ៉ារបស់ពួកគេកាលទី៦តុលា មិនទទួលបានលទ្ធផលអ្វីជាដុំកំភួននោះ។
សេចក្ដីរាយការណ៍បានឱ្យដឹងថា កម្មករជាច្រើននាក់ ក្នុងចំណោមកម្មករដែលបម្រើ ការងារនៅរោងចក្រមួយនេះ ជាង៤.០០០នាក់ កំពុងស្ថិតនៅពីមុខរោងចក្រ ដើម្បីទាមទារនូវការតវ៉ារបស់ពួកគេទាំង៨ចំណុច ទៅភាគីនិយោជករោងចក្រ។ ទោះជាយ៉ាងណាក៏មានកម្មករមួយចំនួនទៀតបានចូលធ្វើការវិញធម្មតាផងដែរ។ សេចក្តីរាយការណ៍បានបន្តថា ការទាមទាររបស់កម្មករទាំង៨ចំណុច ដែលក្នុងនោះទាក់ទងទៅនឹងការស្នើសុំអោយភាគីនិយោជករោងចក្រទទួលយកតំណាងកម្មករ ប្រមាណ២០នាក់ចូលធ្វើការវិញនោះ គឺខាងរោងចក្រមិនអាចទទួលយកបានទេ។ ព័ត៌មានលម្អិតនឹងមានផ្សាយជូននៅពេលក្រោយនិងនៅលើកាសែត កោះសន្តិភាព៕
ចែករំលែកព័តមាននេះ