ខេត្តកំពង់ឆ្នាំង ៖ តូបលក់ដូរចំនួន១៤ និងទូលក់មាស-ប្តូរប្រាក់ជាច្រើនទៀត ស្ថិតក្នុងផ្សារលើ ក្រុងកំពង់ឆ្នាំង ត្រូវអគ្គិភ័យបំផ្លាញទាំងស្រុងកាលពីវេលាម៉ោង១២និង១៥នាទីរំលងអធ្រាត្រ ឈានចូលថ្ងៃទី៧តុលា ២០១១នេះ។ សេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាព ប្រចាំខេត្តកំពង់ឆ្នាំង ដែលស្រង់សម្តីសមត្ថកិច្ចបានបញ្ជាក់អោយដឹងដែរថា អគ្គិភ័យនេះបណ្តាលមកពីឆ្លងចរន្តអគ្គិសនី។ ទោះជាយ៉ាងណា
ខេត្តកំពង់ឆ្នាំង ៖ តូបលក់ដូរចំនួន១៤ និងទូលក់មាស-ប្តូរប្រាក់ជាច្រើនទៀត ស្ថិតក្នុងផ្សារលើ ក្រុងកំពង់ឆ្នាំង ត្រូវអគ្គិភ័យបំផ្លាញទាំងស្រុងកាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី៧តុលា ២០១១នេះ។ សេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាព ប្រចាំខេត្តកំពង់ឆ្នាំង ដែលស្រង់សម្តីសមត្ថកិច្ចបានបញ្ជាក់អោយដឹងដែរថា អគ្គិភ័យនេះបណ្តាលមកពីឆ្លងចរន្តអគ្គិសនី។ ទោះជាយ៉ាងណា អគ្គិភ័យនេះត្រូវបានសមត្ថកិច្ចជួយអន្តរាគមន៍ពន្លត់ទាន់ពេលវេលាដោយប្រើឡានទឹកចំនួន៣គ្រឿង គឺមិនឱ្យវាឆេះរាលដាលធំដុំតទៅទៀត។
សេចក្តីរាយការណ៍បានបន្ថែមថា តូបចំនួន១៤ ដែលឆេះនេះមានតូបលក់ពងទាកូន៣តូប តូបលក់អង្ករ១តូប តូបលក់គ្រឿងទេស៣តូប និងតូបលក់ស្បែកជើង៧តូប។ ចំណែកទូដូរលុយ និងលក់មាសដែលនៅជាប់នោះ ត្រូវបានភ្លើងឆេះជាច្រើនផងដែរ។ អគ្គិភ័យនេះពុំបណ្តាលឱ្យមនុស្សណាម្នាក់ស្លាប់ ឬរងរបួសនោះទេ ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកោះសន្តិភាព ៕
ចែករំលែកព័តមាននេះ