ខេត្តបាត់ដំបង ៖ ក្រុមមនុស្សទាំងបីប្រភេទដែលតែងឈរបោយដៃពេលយប់ និងប្រព្រឹត្តអំពើអនាចារយា៉ងអនាធិបតេយ្យនៅលើសួនច្បារលោក ស ខេង ចំកណ្តាលក្រុងបាត់ដំបង ត្រូវបានកម្លាំងនគរបាលនៃការិយាល័យប្រឆាំងការជួញដូរមនុស្ស និងការពារអនីតិជនខេត្តប្រមូលឃាត់ខ្លួនជាថ្មីម្តងទៀត កាលពីពាក់កណ្តាលអធ្រាត្រថ្ងៃទី៥ តុលា ដែលមានចំនួន៣៥នាក់យកទៅកាន់ស្នងការដ្ឋានខេត្ត
ខេត្តបាត់ដំបង ៖ ក្រុមមនុស្សទាំងបីប្រភេទដែលតែងឈរបោយដៃពេលយប់ និងប្រព្រឹត្តអំពើអនាចារយ៉ាងអនាធិបតេយ្យនៅលើសួនច្បារលោក ស ខេង ចំកណ្តាលក្រុងបាត់ដំបង ត្រូវបានកម្លាំងនគរបាលនៃការិយាល័យប្រឆាំងការជួញដូរមនុស្ស និងការពារអនីតិជនខេត្តប្រមូលឃាត់ខ្លួនជាថ្មីម្តងទៀត កាលពីពាក់កណ្តាលអធ្រាត្រថ្ងៃទី៥ តុលា ដែលមានចំនួន៣៥នាក់យកទៅកាន់ស្នងការដ្ឋានខេត្ត ដើម្បីចាត់វិធានការ ។
លោកកុយ ហ៊ាង ប្រធានការិយាល័យប្រឆាំងការជួញដូរមនុស្ស និងការពារអនីតិជនបានប្រាប់ឱ្យដឹងថា នេះមិនមែនជាការចាប់ប្រមូលពួកគេជាលើកទី១នោះទេ គឺច្រើនលើកហើយ ដែលបាននាំយកពួកគេមកអប់រំ ប៉ុន្តែពួកគេមិនកែប្រែឡើយ ។
លោកប្រធានការិយាល័យជំនាញរូបនេះបានបញ្ជាក់ថា លើកនេះ កម្លាំងរបស់លោកជាង៣០នាក់ បានព័ទ្ធចាប់ពួកគេបានចំនួន៣៥នាក់ ក្នុងនោះស្ត្រី១២នាក់ អនីតិជន២នាក់ ប្រុស១០នាក់ អនីតិជន៣នាក់ និងក្រុមភេទទី៣ ឬពួកស៊ីម២ចំនួន១៣នាក់ផងដែរ។ លោកបានបញ្ជាក់ឱ្យដឹងថា ពេលចុះប្រតិបត្តិការឃាត់ខ្លួនពួកគេនេះ គឺខណៈដែលពួកគេប្រព្រឹត្តអំពើអនាចារយ៉ាងរោលរាលជាក់ស្តែងតែម្តងតាំងពីលើសួនក្បែរមាត់ស្ទឹង រហូតដល់មាត់ទឹកស្ទឹងទៀតផង ។
តាមការបំភ្លឺពីអ្នកដំណើរពេលយប់ ឬអ្នកលក់ដូរតាមសួរច្បារបាននិយាយថា ក្រុមនេះតែងប្រព្រឹត្តអនាចារនៅវេលាពាក់កណ្តាលអធ្រាត្រ ពោលគឺបន្ទាប់ពីក្រុមក្មេងស្ទាវៗប្រុស-ស្រីចេញពីក្លឹបរាត្រី «ស្កាយ» ។
សាក្សីបានបញ្ជាក់ថា សព្វថ្ងៃអ្នកដែលសំងំនៅលើសួនច្បារលោក ស ខេង ពេលយប់ភាគច្រើនតែងសំងំប្រព្រឹត្តបទល្មើស ឬអំពើអសីលធម៌គ្រប់បែបយ៉ាង ដូចជាសំងំរួមភេទ សំងំសេពថ្នាំញៀនជាដើម ហើយពេលខ្លះពួកអ្នកញៀនថ្នាំទាំងនោះ ធ្លាប់ពួនស្ទាក់វាយប្លន់យកលុយ ឬទ្រព្យសម្បត្តិផ្សេងៗពីអ្នកដំណើរថែមទៀតផង៕
ចែករំលែកព័តមាននេះ