សមាជិកអចិន្ត្រៃយ៍២នៃក្រុមប្រឹក្សាសន្តិសុខ អ.ស.ប គឺរុស្ស៊ី និងចិន បានប្រើវេតូប្រឆាំងនឹងគម្រោងដំណោះស្រាយ ដែលគ្រោងធ្វើការគំរាមកំហែងថ្មីៗ ប្រឆាំងប្រទេសស៊ីរី ប្រសិនបើរបបក្រុងដាម៉ាស់ ពុំបញ្ឈប់ការបង្ក្រាបប្រឆាំងពួកបាតុករទេនោះ។
សមាជិកអចិន្ត្រៃយ៍២នៃក្រុមប្រឹក្សាសន្តិសុខ អ.ស.ប គឺរុស្ស៊ី និងចិន បានប្រើវេតូប្រឆាំងនឹងគម្រោងដំណោះស្រាយ ដែលគ្រោងធ្វើការគំរាមកំហែងថ្មីៗ ប្រឆាំងប្រទេសស៊ីរី ប្រសិនបើរបបក្រុងដាម៉ាស់ ពុំបញ្ឈប់ការបង្ក្រាបប្រឆាំងពួកបាតុករទេនោះ។
កាលពីថ្ងៃទី៥ តុលា លោក ALAIN JUPPE រដ្ឋមន្ត្រីការបរទេសបារាំង បានបញ្ចេញប្រតិកម្មចំពោះរឿងនេះថា វាជាទិវាដ៏សោកសៅមួយសម្រាប់ប្រជាជនស៊ីរី ហើយវាក៏ជាទិវាសោកសៅមួយសម្រាប់ក្រុមប្រឹក្សាសន្តិសុខ អ.ស.ប ដែរ។
ប្រមុខការទូតបារាំងដែលការពារដំណោះ ស្រាយនេះរួមជាមួយសហរដ្ឋអាមេរិក ថ្លែងថា បារាំង និងបណ្តាដៃគូប៉ុនប៉ងស្នើដល់ក្រុមប្រឹក្សាសន្តិសុខ នូវដំណោះស្រាយខ្លាំងមួយ ដែលអាចឆ្លើយតបចំពោះ ការព្រួយបារម្ភរបស់គ្រប់គ្នា។ ក៏ប៉ុន្តែសមាជិកអចិន្ត្រៃយ៍មួយចំនួនរបស់ក្រុមប្រឹក្សាសន្តិសុខ អ.ស.ប បែរជាសម្រេចប្រើវេតូ។
បរាជ័យនៃដំណោះស្រាយនោះបង្ហាញពីការបែកបាក់គ្នាយ៉ាងខ្លាំងក្នុងផ្ទៃ នៃក្រុមប្រឹក្សាសន្តិសុខ អ.ស.ប ប្រឈមមុខនឹងការបង្ក្រាបនៃរបបរបស់លោកបាចា អាល់អាសាដ ដែលបណ្តាលឱ្យមនុស្សស្លាប់ឡើងដល់ជាង២.៧០០នាក់ ហើយចាប់ពីដើមខែមីនាមក។
ឯកអគ្គរដ្ឋទូតរុស្ស៊ីប្រចាំ អ.ស.ប លោកវីតាលី ឈួរគីន ពន្យល់ក្នុងក្រុមប្រឹក្សាសន្តិសុខ ក្រោយការបោះឆ្នោតថា ប្រទេសរបស់លោកពុំគាំទ្ររបបលោកបាចា អាល់អាសាដ ដែលប្រើប្រាស់អំពើហិង្សាឡើយ ក៏ប៉ុន្តែប្រឆាំងនឹងដំណោះស្រាយនេះ ពីព្រោះជាការប្រឆាំងនឹងទស្សនវិជ្ជានៃការប្រឈមមុខដាក់គ្នា ដែលគ្រោងឱ្យមានឱសានវាទនៃទណ្ឌកម្មមួយ ដែលផ្ទុយទៅនឹងដំណោះស្រាយដោយសន្តិវិធីនៃវិបត្តិ។
ចំណែកសមភាគីចិន លោកលី បានដុង វិញ បញ្ជាក់ថា ក្រុងប៉េកាំង មានការព្រួយបារម្ភចំពោះអំពើហិង្សា ហើយចង់ឱ្យមានការកែទម្រង់ដោយឆាប់រហ័ស ក៏ប៉ុន្តែប្រឆាំងនឹងដំណោះស្រាយនេះពីព្រោះទណ្ឌកម្ម ឬការគំរាមកំហែងដាក់ទណ្ឌកម្ម នឹងពុំកែលំអសភាពការណ៍នៅស៊ីរីឡើយ ក៏ប៉ុន្តែនឹងធ្វើឱ្យស្មុគ្រស្មាញថែមទៀតប៉ុណ្ណោះ ។
ចំពោះគម្រោងដំណោះស្រាយប្រឆាំងស៊ីរីនេះ ក្នុងចំណោមប្រឆាំងទាំង១៥ជាសមាជិក ក្រុមប្រឹក្សាសន្តិសុខ អ.ស.ប ប្រទេស៩គាំទ្រ ប្រទេស២ប្រឆាំង ហើយប្រទេស៤ អនុប្បវាទ គឺឥណ្ឌា អាហ្វ្រិកខាងត្បូង ប្រេស៊ីល និងលីបង់ ៕
ចែករំលែកព័តមាននេះ