រដ្ឋាភិបាលកូរ៉េខាងត្បូងឱ្យដឹងកាលពីថ្ងៃទី៥ តុលា ថា ប្រទេសនោះនឹងចុះហត្ថលេខានាសប្តាហ៍នេះ លើកិច្ចព្រមព្រៀងមួយជាមួយប្រទេសទាំង១០ ជាសមាជិនអាស៊ាន ដើម្បីតម្កល់ទុកអង្ករជាតិក្នុងមួយឆ្នាំៗចំនួន១៥០.០០០តោន ក្នុងឃ្លាំងស្តុកជាតិ ក្រោមរូបភាពនៃជំនួយបន្ទាន់។
រដ្ឋាភិបាលកូរ៉េខាងត្បូងឱ្យដឹងកាលពីថ្ងៃទី៥ តុលា ថា ប្រទេសនោះនឹងចុះហត្ថលេខានាសប្តាហ៍នេះ លើកិច្ចព្រមព្រៀងមួយជាមួយប្រទេសទាំង១០ ជាសមាជិនអាស៊ាន ដើម្បីតម្កល់ទុកអង្ករជាតិក្នុងមួយឆ្នាំៗចំនួន១៥០.០០០តោន ក្នុងឃ្លាំងស្តុកជាតិ ក្រោមរូបភាពនៃជំនួយបន្ទាន់។
កិច្ចព្រមព្រៀងនេះដែលក៏នឹងចុះហត្ថលេខាផងដែរ ដោយប្រទេសជប៉ុន និងចិននោះ ជាការបង្កើតប្រព័ន្ធជំនួយបន្ទាន់មួយជាមួយប្រទេសទាំង១០ជាសមាជិកអាស៊ាន។
យោងតាមប្រព័ន្ធស្តុកទុកអង្ករសង្គ្រោះបន្ទាន់នេះរបស់អាស៊ាន+3 ប្រទេសទាំងនេះ នឹងមានអង្ករស្តុកទុកប្រចាំឆ្នាំចំនួន៧៨៧.០០០តោនទុកសម្រាប់ជួយប្រទេសទាំងនេះទប់ឱ្យមានស្ថេរភាពដល់តម្លៃគ្រាប់ធញ្ញជាតិក្នុងតំបន់ក្នុងករណីមានគ្រោះមហន្តរាយធម្មជាតិ ឬការឡើងថ្លៃអង្ករខ្ពស់ហួសពីការស្មាន។
យោងតាមក្រសួងស្បៀង កសិកម្មរុក្ខាប្រមាញ់ និងនេសាទ កូរ៉េខាងត្បូងថា កិច្ចព្រមព្រៀងនេះនឹងត្រូវចុះហត្ថលេខានាថ្ងៃទី៧ តុលា ខាងមុខនេះ ក្នុងឱកាសនៃកិច្ចប្រជុំរបស់រដ្ឋមន្ត្រីកសិកម្មនៃប្រទេសទាំង១០ជាសមាជិកអាស៊ាន និងប្រទេស៣ នៅអាស៊ីភាគឦសានគឺកូរ៉េខាងត្បូង ជប៉ុន និងចិន ដែលនឹងប្រព្រឹត្តទៅនៅទីក្រុងហ្សាការតា ប្រទេសឥណ្ឌូណេស៊ី ។
ក្រសួងនេះបញ្ជាក់ថា កូរ៉េខាងត្បូងនឹងកែលំអយ៉ាងខ្លាំងនូវមុខមាត់របស់ខ្លួនលើឆាកអន្តរជាតិ ដោយផ្តល់អង្ករដល់ទៅ១៥០.០០០តោន ដែលតំណាងឱ្យជិត១៩% នៃចំនួនអង្ករ៧៨៧.០០០តោន ដែលនឹងត្រូវតម្កល់ទុកក្នុងប្រព័ន្ធប្រចាំឆ្នាំនេះ ។ ម្យ៉ាងវិញទៀត កូរ៉េខាងត្បូង ជប៉ុន និងចិននឹងផ្តល់ក្នុងប្រទេសនីមួយៗ នូវទឹកប្រាក់១លានដុល្លាររយៈពេល៥ឆ្នាំខាងមុខនេះ សម្រាប់បង្កើតមូលនិធិមួយមានទឹកប្រាក់៣លានដុល្លារបញ្ចូលក្នុងប្រព័ន្ធ បន្ថែមលើទឹកប្រាក់៧៥.០០០ដុល្លារ ក្នុងមួយឆ្នាំរយៈពេល៥ឆ្នាំ ខាងមុខនេះ សម្រាប់កិច្ចដំណើរការនៃទីស្នាក់ការថ្មីរបស់មូលនិធិ ៕
ចែករំលែកព័តមាននេះ