មន្ត្រីម្នាក់នៃក្រសួងការបរទេសកូរ៉េខាងត្បូងឱ្យដឹងថា ក្រុនជនភៀសខ្លួនកូរ៉េខាងជើងដែលមានគ្នា៩នាក់ ហើយត្រូវឃុំទុកនៅជប៉ុនជាវិធានការការពារសន្តិសុខរយៈពេលជិត៣សប្តាហ៍បានទៅដល់ក្រុងសេអ៊ូលតាមយន្តហោះកាលពីថ្ងៃទី៤ តុលា។ ជនជាតិកូរ៉េខាងជើងទាំង៩នាក់នេះដែលមានមនុស្សពេញវ័យ៦នាក់ និងកុមារ៣នាក់ត្រូវបានប្រទះឃើញស្ថិតនៅលើទូកឈើមួយ
មន្ត្រីម្នាក់នៃក្រសួងការបរទេសកូរ៉េខាងត្បូងឱ្យដឹងថា ក្រុនជនភៀសខ្លួនកូរ៉េខាងជើងដែលមានគ្នា៩នាក់ ហើយត្រូវឃុំទុកនៅជប៉ុនជាវិធានការការពារសន្តិសុខរយៈពេលជិត៣សប្តាហ៍បានទៅដល់ក្រុងសេអ៊ូលតាមយន្តហោះកាលពីថ្ងៃទី៤ តុលា។
ជនជាតិកូរ៉េខាងជើងទាំង៩នាក់នេះដែលមានមនុស្សពេញវ័យ៦នាក់ និងកុមារ៣នាក់ត្រូវបានប្រទះឃើញស្ថិតនៅលើទូកឈើមួយវង្វេងក្នុងដែនទឹកនៃឆ្នេរសមុទ្រភាគខាងលិចជប៉ុនកាលពីថ្ងៃទី១៣ កញ្ញា ។ ការរត់ភៀសខ្លួនតាមផ្លូវសមុទ្រប្រភេទនេះរបស់ជនជាតិកូរ៉េខាងជើងមកកាន់ជប៉ុន គឺកម្រមានបំផុត។ ពួកគេជាកម្មវត្ថុនៃការស៊ើបអង្កេតមួយរបស់អាជ្ញាធរជប៉ុនដែលបានជូនព័ត៌មានជាផ្លូវការដល់កូរ៉េខាងត្បូងថាមានជនភៀសខ្លួនកូរ៉េខាងជើង៩នាក់ចង់ទៅកាន់ក្រុងសេអ៊ូល។
ពួកអ្នករត់ចោលស្រុកកូរ៉េខាងជើងទាំងនេះបានទៅដល់ព្រលានយន្តហោះអន្តរជាតិអ៊ីនចុននាវេលាម៉ោង១១ និង៥០នាទី ថ្ងៃទី៤ តុលា តាមយន្តហោះមួយគ្រឿងរបស់ក្រុមហ៊ុនអាកាសចរណ៍ KOREAN AIR ។ ពួកគេភ្លាមៗត្រូវបានបញ្ជូនទៅកាន់មូលដ្ឋានបណ្តោះអាសន្នសម្រាប់ពួកអ្នករត់ភៀសខ្លួនកូរ៉េខាងជើងដែលរដ្ឋគ្រប់គ្រង។
បណ្តាមន្ត្រីកូរ៉េខាងត្បូងធ្លាប់បានគូសបញ្ជាក់ថា រដ្ឋាភិបាលចាត់ទុកបញ្ហានេះជារឿងមនុស្សធម៌ ហើយគោរពឆន្ទៈរបស់ពួកអ្នកភៀសខ្លួន ៕
ចែករំលែកព័តមាននេះ