រាជធានីភ្នំពេញ ៖ នាយកដ្ឋានជលសាស្ត្រ និងការងារទន្លេនៃក្រសួងធនធានទឹក និងឧតុនិយមបានធ្វើការព្យាករណ៍កម្ពស់ទឹកជំនន់នៅថ្ងៃទី២៣ កញ្ញា តាមបណ្តាស្ថានីយជលសាស្ត្របានប្រកាសឱ្យដឹងជាផ្លូវការថា កម្ពស់ទឹកទន្លេមេគង្គនៅខេត្តស្ទឹងត្រែងសម្រាប់ថ្ងៃនេះ (២៤ កញ្ញា) មានការហក់ឡើង ១១,៣០ម៉ែត្រ ហើយនៅថ្ងៃទី២៥ កញ្ញា ស្រកបន្តិចវិញត្រឹម១១,២៧ម៉ែត្រ និងនៅថ្ងៃទី២៦ កញ្ញា ស្រកមកត្រឹម
រាជធានីភ្នំពេញ ៖ នាយកដ្ឋានជលសាស្ត្រ និងការងារទន្លេនៃក្រសួងធនធានទឹក និងឧតុនិយមបានធ្វើការព្យាករណ៍កម្ពស់ទឹកជំនន់នៅថ្ងៃទី២៣ កញ្ញា តាមបណ្តាស្ថានីយជលសាស្ត្របានប្រកាសឱ្យដឹងជាផ្លូវការថា កម្ពស់ទឹកទន្លេមេគង្គនៅខេត្តស្ទឹងត្រែងសម្រាប់ថ្ងៃនេះ (២៤ កញ្ញា) មានការហក់ឡើង ១១,៣០ម៉ែត្រ ហើយនៅថ្ងៃទី២៥ កញ្ញា ស្រកបន្តិចវិញត្រឹម១១,២៧ម៉ែត្រ និងនៅថ្ងៃទី២៦ កញ្ញា ស្រកមកត្រឹម១១,២០ម៉ែត្រ ។ ចំពោះខេត្តក្រចេះថ្ងៃនេះ (២៤ កញ្ញា) ទឹកទន្លេមេគង្គមានកម្ពស់២២,៧៨ម៉ែត្រ ហើយនៅថ្ងៃទី២៥ កញ្ញា កម្ពស់ទឹក និងហក់ឡើង២២,៨៥មែ៉ត្រ និងនៅថ្ងៃ២៦ កញ្ញា និងស្រកវិញនៅត្រឹម២២,៨២ម៉ែត្រ ។ ខេត្តកំពង់ចាមថ្ងៃទី២៤ កញ្ញា កម្ពស់ទឹក១៥,៧៧ម៉ែត្រ និងថ្ងៃទី២៥ កញ្ញា ទឹកហក់ឡើងកម្ពស់១៥,៨៣ម៉ែត្រ ហើយថ្ងៃទី២៦ កញ្ញាទឹកក៏នៅតែហក់ឡើងដល់១៥,៨៧ម៉ែត្រ ។ ដោយឡែក កម្ពស់ទឹកនៅចតុមុខ និងទន្លេបាសាក់និងហក់ឡើងនៅថ្ងៃនេះ (២៤កញ្ញា)១០,៥២ម៉ែត្រ ហើយថ្ងៃស្អែក (២៥កញ្ញា)១០,៥៩ម៉ែត្រ និងថ្ងៃទី២៦ កញ្ញា ១០,៦៥ម៉ែត្រ ។ នៅទន្លេអ្នកលឿងទឹកនឹងមានកម្ពស់ហក់ឡើងចាប់ពី៧,៧២ ទៅ៧,៨៣ម៉ែត្រ ត្រឹមថ្ងៃទី២៦ កញ្ញា ។ សម្រាប់ទន្លេបាសាក់ កោះខែលនឹងមានកម្ពស់ចាប់ពីថ្ងៃទី២៤ កញ្ញា ទៅ២៦ កញ្ញា មាន៧,៧៦ម៉ែត្រ ទៅ៧,៨២ម៉ែត្រ ។ ចំណែកទន្លេសាប ព្រែកក្តាម ទឹកនឹងមានកម្ពស់៩,៦៣ម៉ែត្រ ដល់៩,៧៥ម៉ែត្រ គិតចាប់ពីថ្ងៃនេះ (២៤ កញ្ញា ដល់២៦ កញ្ញា) ។
ស្ថានភាពទឹកទន្លេមេគង្គទន្លេបាសាក់ និងទន្លេសាបត្រូវបានប្រកាសថា នៅគ្រប់ស្ថានីយជលសាស្ត្រតាមដងទន្លេេមគង្គ បាសាក់ និងទន្លេសាបកម្ពស់ទឹកកើនឡើង ។ នៅភ្នំពេញ ចតុមុខ និងទន្លេបាសាក់ទឹកនឹងបន្តឡើងរហូតដល់ថ្ងៃទី២៧ ឬ២៨ កញ្ញាខាងមុខ ។ ជាមួយនឹងបញ្ហាទឹកជំនន់ទន្លេមេគង្គ ជំនន់ទឹកភ្លៀងក៏បានបន្ថែមឱ្យ តំបន់មួយចំនួនដែលមិនស្ថិតនៅតាមដងទន្លេជន់លិចផងដែរ ពិសេសនៅតំបន់ខ្ពង់រាប។ យោងតាមការប្រកាសរបស់ក្រសួងធនធានទឹក និងឧតុនិយម គឺចាប់ពីថ្ងៃទី២៣ កញ្ញា ដល់ថ្ងៃទី២៦ កញ្ញា ដោយសារមានប្រព័ន្ធសម្ពាធទាប និងជ្រលងសម្ពាធទាបបង្កឱ្យមានឥទ្ធិពលនៃបាតុភូតធម្មជាតិ មានភ្លៀងធ្លាក់រាយប៉ាយច្រើននៅទូទាំងប្រទេស និងបានបង្កជាតំបន់ទឹកភ្លៀងនៅតំបន់វាលទំនាបជាប់នឹងតំបន់ភ្នំ តំបន់ជួរភ្នំ តំបន់ខ្ពង់រាប និងតំបន់មាត់សមុទ្រ ។ ខាងក្រោមនេះគឺជាសេចក្តីរាយការណ៍ពីស្ថានភាពទឹកកជំនន់តាមខេត្តមួយចំនួនដែលកំពុងប្រឈមនឹងទឹកជំនន់ទន្លេមេគង្គ និងជំនន់ទឹកភ្លៀង៕
ចែករំលែកព័តមាននេះ