ខេត្តតាកែវ ៖សិស្សានុសិស្សក្រីក្រចំនួន៤២០នាក់ នៅសាលាបឋមសិក្សាចំនួន២ក្នុងស្រុកត្រាំកក់ត្រូវបានលោកជំទាវ ឧកញ៉ាភាព ហៀក ប្រធានក្រុមប្រឹក្សាភិបាលក្រុមហ៊ុនជីប ម៉ុង ខនគ្រីតគ្រុប ឧបត្ថម្ភសៀវភៅចំនួន៥០០ក្បាល និងប៊ិចចំនួន៥០០ដើម តាមរយៈលោកអាំ ថាំ តំណាងសារព័ត៌មានកោះសន្តិភាពកាលពីថ្ងៃទី២០ កញ្ញា ឆ្នាំ២០១១ ។ សាលាបឋមសិក្សាទាំង២នេះ គឺសាលាបឋមសិក្សាវត្តកាកនារាម និង
ខេត្តតាកែវ ៖សិស្សានុសិស្សក្រីក្រចំនួន៤២០នាក់ នៅសាលាបឋមសិក្សាចំនួន២ក្នុងស្រុកត្រាំកក់ត្រូវបានលោកជំទាវឧកញ៉ាភាព ហៀក ប្រធានក្រុមប្រឹក្សាភិបាលក្រុមហ៊ុនជីប ម៉ុង ខនគ្រីតគ្រុប ឧបត្ថម្ភសៀវភៅចំនួន៥០០ក្បាល និងប៊ិចចំនួន៥០០ដើម តាមរយៈលោកអាំ ថាំ តំណាងសារព័ត៌មានកោះសន្តិភាពកាលពីថ្ងៃទី២០ កញ្ញា ឆ្នាំ២០១១ ។ សាលាបឋមសិក្សាទាំង២នេះ គឺសាលាបឋមសិក្សាវត្តកាកនារាម និងសាលាបឋមសិក្សាវត្តអង្គពណ្ណរាយ ដែលស្ថិតនៅក្នុងឃុំត្រាំកក់ និងឃុំគុស ។
លោកអាំ ថាំ តំណាងសារព័ត៌មានកោះសន្តិភាព បានមានប្រសាសន៍ទៅកាន់សិស្សានុសិស្ស ដោយពាំនាំនូវបណ្តាំផ្ញើសាកសួរសុខទុក្ខពីសំណាក់លោកជំទាវឧកញ៉ាភាព ហៀក ប្រធានក្រុមប្រឹក្សាភិបាលក្រុមហ៊ុន ជីប ម៉ុង ខនគ្រីតគ្រុប ព្រមទាំងលោកឧកញ៉ាលាង ឃុន ជំនួយការលោកបណ្ឌិតសភាចារ្យសុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងលោកជំទាវ សាកសួរសុខទុក្ខលោកគ្រូ អ្នកគ្រូ និងក្មួយៗជាសិស្សានុសិស្សទាំងអស់ ដែលបានមកជួបជុំគ្នា នាថ្ងៃនេះ។ លោកជំទាវឧកញ៉ាភាព ហៀក បានផ្តាំផ្ញើដល់ក្មួយៗជាសិស្សានុសិស្សទាំងអស់ ត្រូវខិតខំសិក្សារៀនសូត្រ ឆ្លៀតពេលទំនេរជួយធ្វើការឪពុកម្តាយ ហើយចៀសវាងនូវអំពើអបាយមុខគ្រប់ប្រភេទ ក្រុមបងតូចបងធំ ការសេពគ្រឿង ញៀន ដែលជាអំពើមិនល្អដល់សង្គមជាតិយើង។
លោកប៊ូ សុផុន នាយកសាលាបឋមសិក្សាវត្តកាកនារាម និងលោកមុំ សារិន នាយកសាលាបឋមសិក្សាវត្តអង្គពណ្ណរាយ បានថ្លែងអំណរគុណលោកជំទាវឧកញ៉ាភាព ហៀក និងលោកឧកញ៉ា លាង ឃុន ដែលតែងតែផ្តល់សៀវភៅ ប៊ិច ដល់សិស្សានុសិស្សក្រីក្រស្ទើរគ្រប់ទីកន្លែងក្នុងខេត្តតាកែវ ។ ក្នុងនាមតំណាងឱ្យសិស្សានុសិស្សទាំងអស់ លោកសូមជូនពរបវរមហាប្រសើរដល់លោកជំទាវប្រធានក្រុមប្រឹក្សាភិបាល និងលោកអគ្គនាយក ព្រមទាំងបុត្រា បុត្រី សូមជួបប្រទះតែសេចក្តីសុខ ចម្រើន និងសុំឱ្យក្រុមហ៊ុនជីប ម៉ុង ចេះតែទទួលនូវការវិវឌ្ឍទៅមុខជាលំដាប់ ៕
ចែករំលែកព័តមាននេះ