ខេត្តបាត់ដំបង ៖ អំណោយជាថវិកាចំនួន១០មឺុនរៀលដែលបានមកពីសប្បុរសជននៅឯរាជ ធានីភ្នំពេញ តាមរយៈកោះសន្តិភាព ត្រូវបាននាំយកទៅប្រគល់ជូនលោកយាយអាយុ១០៨ឆ្នាំ រួមជាមួយកូនចៅ ចៅទូតរបស់លោកយាយរួចហើយ កាលពីរសៀលថ្ងៃទី២០ កញ្ញា ដែលគ្រួសារលោកយាយវ័យចំណាស់រូបនេះ រស់នៅក្នុងភូមិតាង៉ែន ឃុំតាត្រាម ស្រុកបាណន់ ។
ខេត្តបាត់ដំបង ៖ អំណោយជាថវិកាចំនួន១០មឺុនរៀលដែលបានមកពីសប្បុរសជននៅឯរាជធានីភ្នំពេញ តាមរយៈកោះសន្តិភាព ត្រូវបាននាំយកទៅប្រគល់ជូនលោកយាយអាយុ១០៨ឆ្នាំ រួមជាមួយកូនចៅ ចៅទូតរបស់លោកយាយរួចហើយ កាលពីរសៀលថ្ងៃទី២០ កញ្ញា ដែលគ្រួសារលោកយាយវ័យចំណាស់រូបនេះ រស់នៅក្នុងភូមិតាង៉ែន ឃុំតាត្រាម ស្រុកបាណន់ ។
លោកយាយយ៉ុន ហឿន អាយុ១០៨ឆ្នាំ និងកូនស្រីរបស់គាត់ឈ្មោះនិន មាន អាយុ៧០ឆ្នាំ បច្ចុប្បន្នទទួលមើលការខុសត្រូវចៅប្រុសស្រីសរុប៥នាក់ទៀតនៅក្នុងបន្ទុក ដែលពួកគេបានកំព្រាឪពុកម្តាយតាំងពីតូចៗ ។ ប៉ុន្តែចៅៗពេញវ័យទទួលបន្ទុកថែទាំលោកយាយ និងប្អូនតូចៗវិញ ពឹងផ្អែកលើមុខរបរសីុឈ្នួលដកស្ទូងឱ្យអ្នកភូមិ ។
លោកយាយយ៉ុន ហឿន ធ្វើដំណើរដោយពឹងលើឈើច្រត់មួយកំណាត់ ប៉ុន្តែមិនទ្រុឌទ្រោមពេកទេ ។ ត្រចៀកលោកយាយអាចស្តាប់ឮនៅចងចាំបាន រីឯភ្នែករបស់គាត់នៅមើលអ្វីៗឃើញច្បាស់ ខណៈកូនស្រីវ័យ៧០ឆ្នាំរបស់គាត់នៅរឹងមាំជាងគាត់បន្តិចដែលជាជំហរក្នុងការមើលថែទាំម្តាយវ័យ១០៨ឆ្នាំ និងមើលការខុសត្រូវចៅប្រុស-ស្រីចំនួន៥នាក់។ លោកយាយយ៉ុន ហឿន បានប្រាប់ឈ្មោះចៅ ចៅទូតរបស់គាត់ថា ១-ឈ្មោះលី ព្រែក ភេទប្រុស អាយុ២១ឆ្នាំ ២-ឈ្មោះលី ទូច ភេទស្រី អាយុ២០ឆ្នាំ ៣-ឈ្មោះលី វីន ភេទប្រុស អាយុ១៨ឆ្នាំ ៤-ឈ្មោះលី រ៉ាវុធ ភេទប្រុស អាយុ១៧ឆ្នាំ និង៥-ឈ្មោះលី សុខលាង ភេទស្រី អាយុ១១ឆ្នាំ ។ លោកយាយបញ្ជាក់ថា លោកយាយគ្មានដីភូមិ ឬដីស្រែទេ ហើយការរស់នៅគឺពឹងផ្អែកលើចៅធំៗដែលសីុឈ្នួលដកស្ទូងឱ្យអ្នកភូមិតែមួយមុខប៉ុណ្ណោះ ធ្វើឱ្យជីវភាពជួបប្រទះការខ្វះខាតបានព្រឹកខ្វះល្ងាច។
ថវិកាចំនួន១០ម៉ឺនរៀលដែលបានប្រគល់ជូនលោកយាយអាយុ១០៨ឆ្នាំខាងលើនេះ គឺជាអំណោយសប្បុរសធម៌របស់លោកស្រី យូ សីុនីម ដែលជូនលោកយាយក្នុងឱកាសបុណ្យភ្ជុំបិណ្ឌ ។
លោកយាយយ៉ុន ហឿន និងកូនស្រីវ័យ៧០ឆ្នាំ រួមជាមួយចៅប្រុស-ស្រី បានថ្លែងអំណរគុណដ៏ជ្រាលជ្រៅចំពោះម្ចាស់អំណោយខាងលើនេះ បើទោះបីជាតិចតួចស្តួចស្តើងយា៉ងណាក្តី ប៉ុន្តែលោកយាយបានមានប្រសាសន៍ថា អំណោយនេះអាចជួយឱ្យលោកយាយទិញអង្ករទិញចេក ដើម្បីវេចនំអន្សមសម្រាប់យកទៅវត្តក្នុងឱកាសបុណ្យភ្ជុំបិណ្ឌ និងទុកសម្រាប់ឱ្យចៅៗរបស់លោកយាយបានហូបនឹងគេខ្លះដែរ ៕
ចែករំលែកព័តមាននេះ