ខេត្តពោធិ៍សាត់. ៖ ថវិកាចំនួន៤០០លានរៀល ជាអំណោយដ៏ថ្លៃថ្លាបំផុតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានឧបត្ថម្ភដល់ក្រុមប្រតិបត្តិការរុករកឧទ្ធម្ភាចក្រនៅតំបន់ជួរភ្នំក្រវាញ ដែលបាននាំយកទៅប្រគល់ជូនដោយលោក…
ខេត្តពោធិ៍សាត់. ៖ ថវិកាចំនួន៤០០លានរៀល ជាអំណោយដ៏ថ្លៃថ្លាបំផុតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានឧបត្ថម្ភដល់ក្រុមប្រតិបត្តិការរុករក
ឧទ្ធម្ភាចក្រនៅតំបន់ជួរភ្នំក្រវាញ ដែលបាននាំយកទៅប្រគល់ជូនដោយលោក ខូយ រីដា អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ប្រចាំខេត្តពោធិ៍សាត់ កាលពីថ្ងៃទី៣០ ខែកក្កដា ឆ្នាំ២០២៤ ។
សូមជម្រាបជូនថា នេះជាការយកចិត្តទុក្ខដាក់បំផុតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដើម្បីលើកទឹកចិត្តជូនដល់កងកម្លាំង ដែលបានខិតខំបំពេញការងារមិនខ្លាចនឿយហត់ ក្នុងការស្វែងរកឧទ្ធម្ភាគចក្រ និងអាកាសយានិក២នាក់ រហូតដល់ទទួលបានជោគជ័យ។
គិតរហូតមកដល់ពេលនេះ មានរយៈពេល១៨ថ្ងៃហើយនៃប្រតិបត្តិការរុករកឧទ្ធម្ភាគចក្រ ដែលបានដំណឹងនៅតំបន់ជួរភ្នំក្រវាញ ដោយក្នុងនោះកម្លាំងប្រតិបត្តិការបានប្រទះឃើញឧទ្ធម្ភាគ
ចក្រនៅចង្កេះភ្នំយ៉ាវយ៉ៃ កាលពីរសៀលថ្ងៃទី២៩ ខែកក្កដា ឆ្នាំ២០២៤ ហើយក៏បានរកឃើញសាកសពអាកាសយានិកម្នាក់ឈ្មោះ ខេង ឆៃយុទ្ធ នៅនឹងកៅអីឧទ្ធម្ភាចក្រនោះ។
បន្ទាប់មក នៅវេលាម៉ោង១០ និង៣០នាទីព្រឹកថ្ងៃទី៣០ ខែកក្កដា ឆ្នាំ២០២៤ កម្លាំងរុករកក៏បានប្រទះឃើញអាកាសយានិកម្នាក់ទៀត ឈ្មោះ ស៊ុន ផល្លា ដែលបានស្លាប់បាត់បង់ជីវិត នៅចម្ងាយប្រមាណ២១០ម៉ែត្រ ពីចំណុចធ្លាក់ឧទ្ធម្ភាគចក្រ។ ឧទ្ធម្ភាគចក្រយោធា Z9 បានបាត់ដំណឹងកាលពីថ្ងៃទី១២ ខែកក្កដា ឆ្នាំ២០២៤ ខណៈពេលកំពុងហ្វឹកហ្វឺន នៅតំបន់ជួរភ្នំក្រវាញ ខេត្តពោធិ៍សាត់។
ឯកឧត្តម នាយឧត្តមសេនីយ៍ ឥត សារ៉ាត់ បានអះអាងថា ប្រតិបត្តិការរុករកឧទ្ធម្ភាចក្រនេះ មានកម្លាំងចូលរួមជាង១០០០នាក់។ បេសកកម្មប្រតិបត្តិការរុករកនេះ បានប្រើប្រាស់គ្រប់មធ្យោបាយ រួមមាន កងកម្លាំងរុករកពីខាងលើតំបន់ព្រៃ ដោយប្រើប្រាស់ឧទ្ធម្ភាគចក្រយន្តហោះដ្រូន និងកម្លាំងថ្មើរជើងចូលទៅកាន់តំបន់ព្រៃក្រាស់តាមជ្រោះជ្រលងភ្នំជាដើម។
ចែករំលែកព័តមាននេះ