យោងតាមការពិនិត្យមើលលទ្ធផលនៃការសិក្សាមួយចំនួនបង្ហាញថា បុរសដែលប្រដាប់ភេទលែងងើបរឹងគឺជាសញ្ញាប្រកាសអាសន្នដំបូងនៃវត្តមានជំងឺបេះដូង។
ក្រុមអ្នកវិទ្យាសាស្ត្របានដាក់ការសង្ស័យជាយូរមកហើយចំពោះការជាប់ពាក់ព័ន្ធគ្នារវាងអសមត្ថភាពផ្លូវភេទ(លិង្គលែងងើប)និងជំងឺបេះដូង។
យោងតាមការពិនិត្យមើលលទ្ធផលនៃការសិក្សាមួយចំនួនបង្ហាញថា បុរសដែលប្រដាប់ភេទលែងងើបរឹងគឺជាសញ្ញាប្រកាសអាសន្នដំបូងនៃវត្តមានជំងឺបេះដូង។
ក្រុមអ្នកវិទ្យាសាស្ត្របានដាក់ការសង្ស័យជាយូរមកហើយចំពោះការជាប់ពាក់ព័ន្ធគ្នារវាងអសមត្ថភាពផ្លូវភេទ(លិង្គលែងងើប)និងជំងឺបេះដូង។ រឿងដ៏សាមញ្ញមួយគឺថា បណ្តាសរសៃឈាមដែលផ្គត់ផ្គង់ឈាមដើម្បីធ្វើឲ្យលិង្គងើបរឹងនោះ អាចត្រូវស្ទះមុនសរសៃឈាមបេះដូងដែលមានទំហំធំជាង។ ដូច្នេះវាក៏ផ្តល់នូវសញ្ញានៃការស្ទះសរសៃឈាមបេះដូងដែលមាននៅពេលក្រោយ។
បង្ហាញពីការជាប់ពាក់ព័ន្ធគ្នានេះ គឺលោកសាស្ត្រាចារ្យ Jia-Yi Dong នៃសាកលវិទ្យាល័យ Soochow University ប្រទេសចិន និងសហការីរបស់លោកដែលបានប្រមូលលទ្ធផលនៃការសិក្សាចំនួន១២ស្តីអំពីការអសមត្ថភាពផ្លូវភេទនិងជំងឺបេះដូង ដែលការសិក្សានោះធ្វើឡើងទៅលើបុរសប្រមាណជាង៣៧.០០០នាក់។ ជាលទ្ធផលពួកគេរកឃើញថា បុរសដែលមានបញ្ហាប្រដាប់ភេទមិនងើបរឹង ៤៨ភាគរយប្រឈមនឹងការវិវត្តទៅរកការកើតមានជំងឺបេះដូងនិងមានអត្រាស្លាប់ខ្ពស់ជាងធៀបនឹងបណ្តាបុរសដែលគ្មានបញ្ហាផ្នែកសិច។
សរសេរនៅក្នុងព្រឹត្តិបត្ររបស់សាកលវិទ្យាល័យអាមេរិក American College of Cardiology លោកសាស្ត្រាចារ្យ Jia-Yi Dong និងសហការីបានរៀបរាប់ថា៖«ការវិភាគដ៏ធំសម្បើមនេះបានបង្ហាញថា ការអសមត្ថភាពផ្លូវភេទ(លិង្គមិនងើប) ជាមូលហេតុសំខាន់មួយធ្វើឲ្យអត្រាប្រឈមនឹងជំងឺបេះដូង និងជំងឺស្ត្រូកកើនឡើង។ ចំណែកការជក់បារី ការធាត់ដោះពោះលើសទម្ងន់ ជំងឺទឹកនោមផ្អែមរួមនឹងការឡើងឈាម មិនបានរកឃើញជាប់ពាក់ព័ន្ធនឹងការអសមត្ថភាពផ្លូវភេទនោះទេ»។
ឯលទ្ធផលនៃការសិក្សាមួយផ្សេងទៀតដែលចុះផ្សាយនៅក្នុងព្រឹត្តិបត្រ Archives of Internal Medicine បានរកឃើញថា ការផ្លាស់ប្តូរបែបបទនៃការរស់នៅ រួមនឹងការប្រើថ្នាំបញ្ចុះកូឡេស្ទេរ៉ូលដូចជា Statins ជាដើម អាចជួយធ្វើឲ្យល្អប្រសើរបញ្ហាលិង្គមិនងើបរបស់បុរស។ ប៉ុន្តែទោះជាយ៉ាងណា អ្វីទាំងអស់នេះវាជួយក្នុងកម្រិតតិចតួចប៉ុណ្ណោះ៕
ចែករំលែកព័តមាននេះ