ខេត្តព្រៃវែង ៖ កាលពីព្រឹកថ្ងៃទី១០ កញ្ញា លោកផាន់ ចាន់ធុល ប្រធានគណៈកម្មាធិការសាខាកាកបាទក្រហមកម្ពុជាខេត្តព្រៃវែង និងជាអភិបាលរងខេត្តរួមជាមួយមន្ត្រីអមដំណើរជាច្រើនរូប បានអញ្ជើញទៅប្រគល់ផ្ទះ១ខ្នងដែលជាអំណោយដ៏ថ្លៃថ្លារបស់លោក ជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជាប្រគល់ជូនឱ្យឈ្មោះកុយ សុផល
ខេត្តព្រៃវែង ៖ កាលពីព្រឹកថ្ងៃទី១០ កញ្ញា លោកផាន់ ចាន់ធុល ប្រធានគណៈកម្មាធិការសាខាកាកបាទក្រហមកម្ពុជាខេត្តព្រៃវែង និងជាអភិបាលរងខេត្តរួមជាមួយមន្ត្រីអមដំណើរជាច្រើនរូបបានអញ្ជើញទៅប្រគល់ផ្ទះ១ខ្នងដែលជាអំណោយដ៏ថ្លៃថ្លារបស់លោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជាប្រគល់ជូនឱ្យឈ្មោះកុយ សុផល អាយុ៣៧ឆ្នាំ ប្រពន្ធឈ្មោះប៊ុន ស៊ន អាយុ៣៦ឆ្នាំ មានកូន៥នាក់ ក្នុងនោះប្រុស៤នាក់ ជាប្រជាពលរដ្ឋរស់នៅភូមិទួលរកា ឃុំកំពង់ត្របែក ស្រុកកំពង់ត្របែក ។
ក្នុងពិធីប្រគល់នោះក៏មានការចូលរួមពីសំណាក់លោកមេភូមិ មេឃុំ និងលោកចាន់ រ៉ាន អភិបាលស្រុកំពង់ត្របែកផងដែរ ។ លោកផាន់ ចាន់ធុល បានមានប្រសាសន៍ថា នេះជាផ្ទះលើកទី១៣ហើយ ដែលលោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រគល់ដល់ប្រជាពលរដ្ឋដែលរស់នៅក្នុងភូមិ-ឃុំ-ស្រុកនេះតាមរយៈរូបលោកដែលលើកនេះ មានផ្ទះ១ខ្នងមានតម្លៃក្នុងការសាងសង់អស់ថវិកាសរុប៨៥៧ដុល្លារអាមេរិក ។
លោកកុយ សុផល បានសម្តែងនូវសេចក្តីត្រេកអរជាពន់ពេក ហើយក៏បានអរគុណដល់សម្តេចតេជោ និងលោកជំទាវកិត្តិព្រឹទ្ធបណ្ឌិត សូមសម្តេច និងលោកជំទាវ មានសុខភាពល្អ បន្តដឹកនាំប្រទេសជាតិឱ្យរីកចម្រើនលើគ្រប់វិស័យ ។ លោកកុយ សុផល បានឱ្យដឹងថា ផ្ទះរបស់គាត់ពីមុនត្រូវខ្យល់ព្យុះវាយដំបាក់អស់កាលពី៣ខែមុន ។ ឥឡូវលោកបានផ្ទះ១ខ្នងថ្មី សន្លាងដែលសង់អំពីឈើ និងស័ង្កសី និងបានរស់នៅយ៉ាងសមរម្យ ៕
ចែករំលែកព័តមាននេះ