រាជធានីភ្នំពេញ ៖ បុរស២នាក់ជិះម៉ូតូបុកគ្នាបណ្តាលឱ្យសន្លប់ម្នាក់ និងរងរបួសស្រាលម្នាក់ នៅតាមបណ្តោយមហាវិថីម៉ៅសេទុង ចំណុចស្តុបផ្សារដើមគ កាលពីវេលាម៉ោង១១និង៥០នាទីអធ្រាត្រថ្ងៃទី១២ កញ្ញា ។ គ្រោះថ្នាក់ចរាចរណ៍នេះ បណ្តាលមកពីភាគីទាំង២នាក់សុទ្ធតែស្រវឹង ហើយបើកម៉ូតូក្នុងល្បឿនលឿន និងមិនបានពាក់មួកសុវត្ថិភាពដូចគ្នា។
រាជធានីភ្នំពេញ ៖ បុរស២នាក់ជិះម៉ូតូបុកគ្នាបណ្តាលឱ្យសន្លប់ម្នាក់ និងរងរបួសស្រាលម្នាក់ នៅតាមបណ្តោយមហាវិថីម៉ៅសេទុង ចំណុចស្តុបផ្សារដើមគ កាលពីវេលាម៉ោង១១និង៥០នាទីអធ្រាត្រថ្ងៃទី១២ កញ្ញា ។ គ្រោះថ្នាក់ចរាចរណ៍នេះ បណ្តាលមកពីភាគីទាំង២នាក់សុទ្ធតែស្រវឹង ហើយបើកម៉ូតូក្នុងល្បឿនលឿន និងមិនបានពាក់មួកសុវត្ថិភាពដូចគ្នា។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុ មានម៉ូតូមួយគ្រឿងម៉ាកវ៉េវអាល់ហ្វា ពណ៌ក្រហមលាយខ្មៅ ពាក់ស្លាកលេខ ភ្នំពេញ 1X-7586 បើកតាមបណ្តោយមហាវិថីម៉ៅសេទុង ពីត្បូងទៅជើង។ ខណៈមកដល់ស្តុបផ្សារដើមគ បានបត់ទៅតាមផ្លូវ៣៣៦ ស្របពេលនោះ ស្រាប់តែវាក់ជាមួយម៉ូតូមួយគ្រឿងទៀតម៉ាកស្មាស់រ៉េវូ ពណ៌ខ្មៅ ពាក់ស្លាកលេខ ភ្នំពេញ 1H-9079 បើកតាមមហាវិថីម៉ៅសេទុង ក្នុងទិសដៅបញ្ច្រាសគ្នា ក៏បុកគ្នាពេញទំហឹងតែម្តង។
ប្រភពដដែលបន្តថា អ្នកបើកបរម៉ូតូទាំង២នាក់នេះសុទ្ធតែស្រវឹង និងជិះក្នុងល្បឿនលឿនដូចគ្នា ហើយមិនបានពាក់មួកការពារសុវត្ថិភាពថែមទៀតផង។ នៅពេលមកដល់កន្លែងកើតហេតុ ភាគីខាងម៉ូតូម៉ាកស្មាស់បានបុកទៅលើម៉ូតូម៉ាកវ៉េវអាល់ហ្វា បណ្តាលឱ្យអ្នកបើកបរម៉ូតូម៉ាកស្មាស់ដួលបោកខ្លួន និងរងរបួសស្រាល ចំណែកភាគីខាងម៉ូតូម៉ាកវ៉េវវិញ ដួលបោកក្បាលទៅនឹងថ្នល់ ហើយសន្លប់តែម្តង។
ជនរងគ្រោះសន្លប់ត្រូវបានរថយន្តសាមុយមន្ទីរពេទ្យមិត្តភាពខ្មែរ-សូវៀត ដឹកយកទៅសង្គ្រោះ ។ ម្ចាស់ម៉ូតូម៉ាកស្មាស់ ដែលរងរបួសស្រាលមានឈ្មោះជួន ណារ័ត្ន ភេទប្រុស អាយុ២៥ឆ្នាំ មានទីលំនៅផ្ទះលេខ៤០១ សង្កាត់ទំនប់ទឹក ខណ្ឌចំការមន រីឯម្ចាស់ម៉ូតូម៉ាកវ៉េវ អាល់ហ្វា មិនត្រូវបានស្គាល់អត្តសញ្ញាណនៅឡើយទេ ៕
ចែករំលែកព័តមាននេះ