ខេត្តបន្ទាយមានជ័យ ៖ មន្ត្រីនគរបាលជានិវត្តន៍ជនចំនួន១៦នាក់ និងក្រុមគ្រួសារមន្ត្រីនគរបាលដែលទទួលមរណភាពចំនួន៣នាក់ ទទួលបានប្រាក់ឧបត្ថម្ភគោលនយោបាយផ្តាច់ចេញពីអង្គភាពដើម ។ ពិធីផ្តល់ប្រាក់ឧបត្ថម្ភនេះបានប្រារព្ធធ្វើឡើងនៅស្នងការដ្ឋាន ខេត្តកាលពីព្រឹកថ្ងៃទី៩ កញ្ញា ក្រោមការចូលរួមពីលោកវរសេនីយ៍ទោ សេង ជា
ខេត្តបន្ទាយមានជ័យ ៖ មន្ត្រីនគរបាលជានិវត្តន៍ជនចំនួន១៦នាក់ និងក្រុមគ្រួសារមន្ត្រីនគរបាលដែលទទួលមរណភាពចំនួន៣នាក់ ទទួលបានប្រាក់ឧបត្ថម្ភគោលនយោបាយផ្តាច់ចេញពីអង្គភាពដើម ។ ពិធីផ្តល់ប្រាក់ឧបត្ថម្ភនេះបានប្រារព្ធធ្វើឡើងនៅស្នងការដ្ឋានខេត្តកាលពីព្រឹកថ្ងៃទី៩ កញ្ញា ក្រោមការចូលរួមពីលោកវរសេនីយ៍ទោ សេង ជា នាយការិយាល័យគោលនយោបាយនៃនាយកដ្ឋានបុគ្គលិក អគ្គស្នងការដ្ឋាននគរបាលជាតិ និងលោកវរសេនីយ៍ទោ ឱ លន់ នាយការិយាល័យបុគ្គលិកនៃស្នងការដ្ឋាននគរបាលខេត្ត។
លោកវសេនីយ៍ទោ ឱ លន់ បានឱ្យដឹងថា មន្ត្រីនគរបាលខេត្ត ដែលត្រូវទទួលប្រាក់ឧបត្ថម្ភគោលនយោបាយនាពេលនេះសម្រាប់និវត្តន៍ជនចំនួន១៦នាក់ មានទឹកប្រាក់ចំនួន៣២លាន៧សែន៩ម៉ឺន៥ពាន់៥រយ២០រៀល និងមន្ត្រីនគរបាលទទួលមរណភាពចំនួន៣នាក់មានទឹកប្រាក់ចំនួន៥លាន១សែន៧ម៉ឺន៨ពាន់២រយ៤០រៀល។
លោកវរសេនីយ៍ទោ សេង ជា ថ្លែងថា ប្រាក់ដែលបើកជូនបងៗជានិវត្តន៍ជននាពេលនេះ គឺជាប្រាក់ឧបត្ថម្ភគោលនយោបាយផ្តាច់ចេញពីអង្គភាពដើម ដូច្នេះបងៗត្រូវបានអង្គភាពផ្ទេរទៅបើកនៅមន្ទីរសង្គមកិច្ចវិញ។ ចំពោះគ្រួសារសពមន្ត្រីនគរបាលទាំង៣នាក់ ក៏ត្រូវបានផ្ទេរចេញពីអង្គភាពដើមទៅបើកនៅមន្ទីរសង្គមកិច្ចដូចគ្នាដែរ ៕
ចែករំលែកព័តមាននេះ