ការជ្រើសរើសកាបូបប្រើប្រាស់អាចបញ្ជាក់ពីចរិតនិស្ស័យរបស់អ្នកប្រើបាន ។ បច្ចុប្បន្នមនុស្សម្នាក់ៗរមែងជ្រើសយកកាបូបប្រើប្រាស់ឱ្យសមស្របតាមរូបរាង និងអត្តចរិតរបស់ខ្លួន ជាពិសេសគឺស្រ្តីភេទ ។
-កាបូបស្ពាយ ៖ បង្ហាញថាអ្នកជាមនុស្សមានអារម្មណ៍សុភាពទន់ភ្លន់ ប៉ុន្តែមិនទន់ជ្រាយ ។ ពេញចិត្តលើវត្ថុដែលខ្លួនមានស្រាប់ មិនពឹងផ្អែកលើអ្នកផ្សេង និងចូលចិត្តលើស្ថានភាពជីវិតដ៏សាមញ្ញ និងសប្បាយរីករាយ ។
-កាបូបដែលមានការតុបតែងលំអ ៖ បញ្ជាក់ថា អ្នកជាមនុស្សមានអារម្មណ៍ជាសិល្បករ ចូលចិត្តការងារពិបាកៗ និងមានការប្រកួតប្រជែងដោយសំលឹងឃើញគុណតំលៃនៃសតិបញ្ញាក្នុងលំដាប់ដំបូង ។
-កាបូបកាន់ដៃ ៖ បញ្ជាក់ថា អ្នកគឺជាប្រភេទមនុស្សអភិរក្ស មានក្តីស្រមៃទៅលើរឿងរ៉ាវចាស់ៗដែលមានសភាពស្រស់ស្រាយស្ថិតក្នុងទម្រង់បែបបទសីលធម៌ល្អ ។ មានន័យថា អ្នកជាមនុស្សចូលចិត្តដាក់ផែនការទុកជាមុន និងមិនចូលចិត្តស្ថានភាពស្មុគស្មាញ ។
-កាបូបមានរាង៣ជ្រុង ៖ អ្នកជាមនុស្សចូលចិត្តស្ថានភាពស្ថិតស្ថេរគង់វង្ស មិនពេញចិត្តលើការប្រែប្រួលញឹកញាប់ ។ អ្នកជាមនុស្សដែលមានជំនឿចិត្តលើខ្លួនឯងខ្ពស់ មិនស្តាប់អ្នកដទៃដោយគ្មានហេតុផលនោះឡើយ ។
-កាបូបក្រង ៖ អ្នកជាមនុស្សពោរពេញដោយក្តីស្រមើស្រមៃ ស្រឡាញ់ភាពស្រស់ស្អាត ចូលចិត្តប្រថុយប្រថាននឹងគ្រោះថ្នាក់ ផ្តល់សារសំខាន់លើរឿងរ៉ាវផ្សេងៗតិចតួច បើសិនស្រមៃចង់ធ្វើអ្វីមួយអ្នកច្បាស់ជាប្រឹងធ្វើឱ្យខាងតែបាន។
-កាបូបមានរាងទ្រវែងដូចអង្រឹង ៖ បញ្ជាក់ថា អ្នកជាមនុស្សចូលចិត្តភាពសប្បាយរីករាយស្វែងរកភាពប្រថុយប្រថានក្នុងជីវិត ចូលចិត្តការងារពិបាកៗធ្វើនូវអ្វីដែលអ្នកផ្សេងធ្វើមិនកើត និងចូលចិត្តឱ្យខ្លួនឯងក្លាយជាចំណុចចាប់អារម្មណ៍នៅក្នុងសង្គម ។
-កាបូបម៉ូដទំនើបៗ ៖ អ្នកជាមនុស្សមានចិត្តធុញថប់ និងអន្ទះសា ចង់ឱ្យអ្នកផ្សេងយកចិត្តយកថ្លើម ជាមនុស្សចូលចិត្តភាពលេចធ្លោក្នុងចំណោមមិត្តភក្តិ ។ ជាពិសេសអ្នកជាមនុស្សដែលមានការសំរេចចិត្តលឿន នៅពេលជួបនឹងវត្ថុដែលពេញចិត្ត ៕
ចែករំលែកព័តមាននេះ