ខេត្តតាកែវ ៖ លោកបណ្ឌិតប៉ែន សំអាត ទីប្រឹក្សាផ្ទាល់សម្តេចអគ្គមហាសេនាបតីតេជោហ៊ុន សែន ប្រធានក្រុមការងារចុះពង្រឹងឃុំរវៀង ស្រុកសំរោង និងលោកជំទាវ ហាក់ ស្រីទូច ជាភរិយា កាលពីថ្ងៃទី១០ កញ្ញា បានអញ្ជើញចុះសាកសួរសុខទុក្ខសមាជិក សមាជិកាបក្សឃុំ
ខេត្តតាកែវ ៖ លោកបណ្ឌិតប៉ែន សំអាត ទីប្រឹក្សាផ្ទាល់សម្តេចអគ្គមហាសេនាបតីតេជោហ៊ុន សែន ប្រធានក្រុមការងារចុះពង្រឹងឃុំរវៀង ស្រុកសំរោង និងលោកជំទាវ ហាក់ ស្រីទូច ជាភរិយា កាលពីថ្ងៃទី១០ កញ្ញា បានអញ្ជើញចុះសាកសួរសុខទុក្ខសមាជិក សមាជិកាបក្សឃុំ លោកគ្រូ អ្នកគ្រូ និងនាំយកអំណោយទៅចែកជូនបងប្អូនប្រជាពលរដ្ឋ ជនចាស់ជរា ចំនួន៨៤គ្រួសារដែលជួបការលំបាកខ្លាំងក្នុងជីវភាព។
លោកប្រធានគណៈកម្មាធិការគណបក្សប្រជាជនឃុំរវៀងបានឱ្យដឹងថា នេះជាលើកទី៤ហើយដែលលោកបណ្ឌិតប៉ែន សំអាត និងលោកជំទាវ បាននាំយកអំណោយមកចែកជូនដល់គ្រួសារដែលមានជីវភាពលំបាកនៅក្នុងឃុំ ហើយថ្ងៃនេះលោកបណ្ឌិត និងលោកជំទាវបាននាំអំណោយមកចែកជូនប្រជាពលរដ្ឋចំនួន៨៤គ្រួសារ ដោយ១គ្រួសារៗទទួលបានអង្ករ៥០គីឡូក្រាម មី១កេស ភួយមួយ ស្ករស២គីឡូក្រាម ឃីត១កញ្ចប់ សារុង២ និងថវិកា៥មឺុនរៀល។ លោកគ្រូ អ្នកគ្រូ២៣នាក់ ម្នាក់ៗទទួលបានសារុង១ ថវិកា៣មឺុនរៀល មេបក្សភូមិ៦៩នាក់ មេបក្សឃុំ៦នាក់ ម្នាក់ៗទទួលបានសារុង១ ថវិកា៣ម៉ឺនរៀល ឧបត្ថម្ភដល់ប៉ូលិសប៉ុស្តិ៍រដ្ឋបាលឃុំរវៀងសម្រាប់ដោះស្រាយក្នុងអង្គភាពចំនួន៣៣ម៉ឺនរៀល។ ឧបត្ថម្ភគ្រួសារ ស្ត្រីឈ្មោះសយ ឈឿន អាយុ២៨ឆ្នាំ រស់នៅភូមិក្រាំងធ្នង់ ដែលកូនស្លាប់ក្នុងផ្ទៃ ថវិកាចំនួន៥០ម៉ឺនរៀល។
លោកបណ្ឌិត ប៉ែន សំអាត បានមានប្រសាសន៍ពាំនាំនូវបណ្តាំសួរសុខទុក្ខពីសំណាក់សម្តេចទាំង៣ជាថ្នាក់ដឹកនាំកំពូលរបស់គណបក្សប្រជាជនកម្ពុជាដែលដើម្បីបុព្វហេតុជាតិ សម្តេចបានតស៊ូគ្រប់ការលំបាកក្នុងការកសាងអភិវឌ្ឍជាតិឱ្យប្រែមុខមាត់ថ្មី ។ លោកបណ្ឌិតបានបញ្ជាក់ថា សម្តេចតេជោហ៊ុន សែន ប្រមុខរាជរដ្ឋាភិបាលបានលើកឡើងហើយថា យើងមិនត្រូវទុកឱ្យប្រជាពលរដ្ឋណាម្នាក់ស្លាប់ដោយសារអត់បាយនោះទេ ទីណាមានការលំបាករបស់ប្រជាពលរដ្ឋ មន្ត្រីគណបក្សប្រជាជនកម្ពុជាទាំងអស់ត្រូវតែចុះជួយ ហើយក៏អត់សន្យាដែរ ។ ផ្អែកតាមអនុសាសន៍នេះហើយទើបក្នុងនាមរូបលោកជាប្រធានក្រុមការងារចុះជួយឃុំរវៀង លោកនឹងជួយបងប្អូនគ្រប់កាលៈទេសៈហើយយើងធ្វើតែម្តងអត់និយាយទុកទេ ៕
ចែករំលែកព័តមាននេះ