ខេត្តពោធិ៍សាត់ ៖ បុរសម្នាក់ខ្ចីម៉ូតូពូរបស់ខ្លួនប្រាប់ថា ទៅទិញស័ង្កសីប្រក់ផ្ទះបែរជាយកទៅលក់ ក៏ត្រូវពូប្តឹងប៉ូលិសឱ្យឃាត់ខ្លួនដោយចោទប្រកាន់ពីបទរំលោ.ភ លើសេចក្តីទុកចិត្ត។ ករណីនេះបានកើតឡើងកាលពីថ្ងៃទី៣ កញ្ញា ២០១១ នៅស្រុកភ្នំក្រវាញ។
ខេត្តពោធិ៍សាត់ ៖ បុរសម្នាក់ខ្ចីម៉ូតូពូរបស់ខ្លួនប្រាប់ថា ទៅទិញស័ង្កសីប្រក់ផ្ទះបែរជាយកទៅលក់ ក៏ត្រូវពូប្តឹងប៉ូលិសឱ្យឃាត់ខ្លួនដោយចោទប្រកាន់ពីបទរំលោភលើសេចក្តីទុកចិត្ត។ ករណីនេះបានកើតឡើងកាលពីថ្ងៃទី៣ កញ្ញា ២០១១ នៅស្រុកភ្នំក្រវាញ។
ប៉ូលិសឱ្យដឹងថា ជនសង្ស័យដែលត្រូវឃាត់ខ្លួនឈ្មោះជា ភី ភេទប្រុស អាយុ៣០ឆ្នាំ មានទីលំនៅភូមិព្រែកតាមេម ឃុំព្រែកស្តី ស្រុកកោះធំ ខេត្តកណ្តាល បច្ចុប្បន្នមកធ្វើជាកម្មករចំការឱ្យគេនៅភូមិតាដែស ឃុំសំរោង ស្រុកភ្នំក្រវាញ។
តាមពាក្យបណ្តឹងរបស់ពូជនសង្ស័យឈ្មោះជាម ជន អាយុ៣៧ឆ្នាំ ឱ្យដឹងថា កាលពីថ្ងៃទី៣០ កញ្ញា ២០១១ វេលាម៉ោង៥និង៣០នាទីព្រឹក ឈ្មោះជា ភី ដែលត្រូវជាក្មួយប្រសាបានខ្ចីម៉ូតូរបស់ខ្លួនម៉ាកហុងដា ឌ្រីម C125 ពណ៌ខ្មៅ ស៊េរី២០០៧ ពាក់ស្លាកលេខ 1A-3553 ថា ទៅទិញស័ង្កសីនៅផ្សារក្រវាញក៏បាត់រហូតពេញមួយថ្ងៃ។ លុះស្អែកឡើងស្រាប់តែឮដំណឹងថា យកទៅលក់ឱ្យអ្នកផ្សេង ហើយត្រូវសមត្ថកិច្ចខេត្តកំពង់ឆ្នាំង ចាប់ឃាត់នៅទីនោះក៏ដាក់ពាក្យបណ្តឹងតែម្តង។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនបានមកធ្វើជាកម្មករចំការឱ្យគេនៅឃុំខាងលើ បានប្រហែល៣ខែហើយទើបតែសែនព្រេនប្រពន្ធបានកន្លះខែប៉ុណ្ណោះ ដែលប្រពន្ធនោះត្រូវជាក្មួយរបស់ជាម ជន។ នៅព្រឹកថ្ងៃទី៣ កញ្ញា នោះខ្លួនខ្ចីម៉ូតូពូថា ទៅបើកប្រាក់ខែរួចហើយទៅទិញស័ង្កសីនៅផ្សារក្រវាញមកប្រក់ផ្ទះពិតប្រាកដមែន គឺពុំមានគំនិតយកម៉ូតូទៅលក់ទេ ប៉ុន្តែពេលទៅបើកប្រាក់ខែថៅកែមិននៅ គេឱ្យតែ២០.០០០រៀល យកមកចាក់សាំងម៉ូតូជិះទៅស្រុកកំណើតនៅឯកោះធំដើម្បីសុំលុយម្តាយ។ ពេលធ្វើដំណើរមកដល់ស្រុកបរិបូណ៌ ខេត្តកំពង់ឆ្នាំង ម៉ូតូអស់សាំង ខ្លួនក៏យកម៉ូតូលក់ឱ្យគេ៥០០ដុល្លារ ប៉ុន្តែដោយសារគេសួរនាំអត់មានកាតគ្រី លិខិតស្នាម ក៏រាយការណ៍ប្រាប់សមត្ថកិច្ចឱ្យឃាត់ខ្លួននៅទី នោះតែម្តង
ទៅ ៕
ចែករំលែកព័តមាននេះ