រាជធានីភ្នំពេញ ៖ នាព្រឹកថ្ងៃទី១០ ខែតុលា ឆ្នាំ២០២៥នេះ នាវាកងទ័ពជើងទឹកចិនចំនួន២គ្រឿង និងនាវាកងទ័ពជើងទឹកអូស្ត្រាលីចំនួន១គ្រឿង ចូលចតនៅដែនសមុទ្រកម្ពុជា ខណៈការចូលសំចតនៅកំពង់ផែកម្ពុជានេះ គឺដើម្បីរឹតចំណងសាមគ្គីភាពជាមួយកងទ័ពកម្ពុជា…
រាជធានីភ្នំពេញ ៖ នាព្រឹកថ្ងៃទី១០ ខែតុលា ឆ្នាំ២០២៥នេះ នាវាកងទ័ពជើងទឹកចិនចំនួន២គ្រឿង និងនាវាកងទ័ពជើងទឹកអូស្ត្រាលីចំនួន១គ្រឿង ចូលចតនៅដែនសមុទ្រកម្ពុជា ខណៈការចូលសំចតនៅកំពង់ផែកម្ពុជានេះ គឺដើម្បីរឹតចំណងសាមគ្គីភាពជាមួយកងទ័ពកម្ពុជា ឲ្យកាន់តែល្អប្រសើរបន្ថែមទៀត។ នេះបើយោងតាមផេកក្រសួងព័ត៌មានបានផ្សាយនាព្រឹកថ្ងៃទី១០ ខែតុលានេះ ។
តាមលោកជំទាវ នាយឧត្តមសេនីយ៍ ដាំ ដារីនី រដ្ឋលេខាធិការក្រសួងការពារជាតិ បានបញ្ជាក់ថា នាវាកងទ័ពជើងទឹកចិនចំនួន០២គ្រឿងនោះ គឺមានឈ្មោះថា (PLAN 83 និងPLAN 988) នឹងត្រូវចូលសំចតនៅកំពង់ផែស្វយ័ត ក្រុងព្រះសីហនុ ចាប់ពីថ្ងៃទី១០ ដល់ថ្ងៃទី១៤ ខែតុលា ឆ្នាំ២០២៥នេះ ។
តាមមន្ត្រីជាន់ខ្ពស់ខាងលើ នាវាចម្បាំងរបស់កងទ័ពជើងទឹកអូស្ត្រាលី ដែលមានឈ្មោះថា HMAS Ballarat ក៏បានចូលសំចតនៅកំពង់ផែស្វយ័ត ក្រុងព្រះសីហនុ ចាប់ពីថ្ងៃទី១០-១៣ ខែតុលា ឆ្នាំ២០២៥ ដើម្បីពង្រឹងកិច្ចសហប្រតិបត្តិការរវាងកងទ័ពជើងទឹកកម្ពុជា និងអូស្ត្រាលីឲ្យកាន់តែល្អប្រសើរបន្ថែមទៀត ៕
ចែករំលែកព័តមាននេះ