ខេត្តស្ទឹងត្រែង ៖ លោក សរ សុពុត្រា អភិបាល នៃគណៈអភិបាលខេត្តស្ទឹងត្រែង បានប្រកានាព្រឹកថ្ងៃទី១០ ខែតុលា ឆ្នាំ២០២៥នេះថា…
ខេត្តស្ទឹងត្រែង ៖ លោក សរ សុពុត្រា អភិបាល នៃគណៈអភិបាលខេត្តស្ទឹងត្រែង បានប្រកានាព្រឹកថ្ងៃទី១០ ខែតុលា ឆ្នាំ២០២៥នេះថា ៖ បន្ទាប់ពីជូនដំណឹង ធ្វើកិច្ចសន្យា និងក្រើនរំលឹកជាច្រើនលើកច្រើនសារ ចំពោះម្ចាស់សត្វគោ-ក្របី ដែលចិញ្ចឹមសត្វដោយខ្វះការទទួលខុសត្រូវ ព្រលែងពាសវាលពាសកាល បង្កគ្រោះថ្នាក់ជាយថាហេតុផ្សេងៗ បំផ្លាញផលដំណាំប្រជាពលរដ្ឋ និងសួនសាធារណៈ។ល។
អភិបាលនៃគណៈអភិបាលខេត្តស្ទឹងត្រែង បានបញ្ជាក់បន្តថា ខ្ញុំសម្រេចប្រមូលយកសត្វគោ-ក្របី ដែលម្ចាស់ព្រលែងចោល ដោយគ្មានសណ្តាប់ធ្នាប់ទាំងនោះ ផ្តល់ទៅអង្គភាពកងទ័ព ដើម្បីគ្រប់គ្រង និងចាត់ចែងបន្ត ។
លោកបានបន្ថែមថា ថ្ងៃនេះ បញ្ជូនប៉ុណ្ណឹងសិន បើនៅឃើញមានភាពគ្មានសណ្តាប់ធ្នាប់ក្នុងការចិញ្ចឹមសត្វគោ-ក្របីនេះ នៅតែបន្តទៀត គឺយើងខ្ញុំ នៅតែបន្តអនុវត្តវិធានការនេះ រហូតដល់ស្ថានភាពល្អប្រសើរ ។ សូមបញ្ជាក់ជូនថា៖ យើងខ្ញុំនឹងមិនដកថយ ហើយក៏មិនទទួលការអន្តរាគមន៍ណាមួយដែរ។ សូមអរគុណ ៕
ចែករំលែកព័តមាននេះ