ខេត្តស្វាយរៀង ៖ មានវ៉ាលិសអណ្តែតទឹកទន្លេវ៉ៃគោខាងជើង បង្កឲ្យមានការភ្ញាក់ផ្អើលយ៉ាងខ្លាំងដោយមានក្លិនស្អុយជះមកលើថ្នល់ ដោយគេដាក់ការសង្ស័យថា ជាករណីឃាតកម្មកាប់សម្លាប់មនុស្ស ហើយកាត់ជាកង់ៗញាត់ចូលក្នុងវ៉ាលិសដឹកយកមកទម្លាក់ចោលក្នុងទឹកព្រែកទន្លេវ៉ៃគោ ពេលសពហើមក៏អណ្តែតឡើងធ្វើឲ្យមានការភ្ញាក់ផ្អើលតែម្តង។ បើតាមសមត្ថកិច្ចបានឲ្យដឹងថា ការប្រទះឃើញវ៉ាលិសអណ្តែតទឹកនេះ…
ខេត្តស្វាយរៀង ៖ មានវ៉ាលិសអណ្តែតទឹកទន្លេវ៉ៃគោខាងជើង បង្កឲ្យមានការភ្ញាក់ផ្អើលយ៉ាងខ្លាំងដោយមានក្លិនស្អុយជះមកលើថ្នល់ ដោយគេដាក់ការសង្ស័យថា ជាករណីឃាតកម្មកាប់សម្លាប់មនុស្ស ហើយកាត់ជាកង់ៗញាត់ចូលក្នុងវ៉ាលិសដឹកយកមកទម្លាក់ចោលក្នុងទឹកព្រែកទន្លេវ៉ៃគោ ពេលសពហើមក៏អណ្តែតឡើងធ្វើឲ្យមានការភ្ញាក់ផ្អើលតែម្តង។
បើតាមសមត្ថកិច្ចបានឲ្យដឹងថា ការប្រទះឃើញវ៉ាលិសអណ្តែតទឹកនេះ កើតឡើងនៅវេលាម៉ោង១១និង៣០នាទីព្រឹកថ្ងៃទី០៩ តុលា ២០២៥ ស្ថិតនៅក្នុងទឹកព្រែកទន្លេវ៉ៃគោ ត្រង់ចំណុចខាងជើងឈៀងខាងលិចស្ពានហាយវ៉េ(ផ្លូវជាតិលេខ១) ស្ថិតក្នុងភូមិសាលាស្រុកចាស់ សង្កាត់ព្រៃឆ្លាក់ ក្រុងស្វាយរៀង ។
ប្រភពបន្តថា ក្រោយពីទទួលព័ត៌មានពីប្រជាពលរដ្ឋ សមត្ថកិច្ចអធិការដ្ឋាននគបាលក្រុងស្វាយរៀងបានចុះទៅពិនិត្យនៅទីតាំងកើតហេតុ រួចបានរាយការណ៍ជូនលោកស្នងការដ្ឋាននគបាលខេត្តនិងលោកព្រះរាជអាជ្ញាអមសាលាដំបូងខេត្តស្វាយរៀងបានដឹកនាំកម្លាំងចម្រុះចុះទៅពិនិត្យ និងស្រង់វ៉ាលិសនោះមកលើឃើញថា ពិតជាសាកសពមនុស្ស ដោយមានសភាពហើមស្អុយខ្លាំង នៅវេលាម៉ោង៣និង៣០នាទីរសៀលថ្ងៃទី៩ តុលា ដដែល ក្រុមការងារសម្រេចលើកវ៉ាលិសដាក់សាកសពនេះចូលក្នុងថង់ប្លាស្ទិកលើកដាក់លើរថយន្តសាមុយមន្ទីរពេទ្យបង្អែកខេត្តស្វាយរៀង យកទៅដាក់នៅមន្ទីរពេទ្យខេត្ត ដើម្បីពិនិត្យនិងធ្វើកោសល្យវិច័យ ។
បើតាមសមត្ថកិច្ចបានបង្ហើបឲ្យដឹងថា សពដែលគេសម្លាប់ដាក់ក្នុងវ៉ាលិសមកទម្លាក់ចោលក្នុងទឹកព្រែកទន្លេវ៉ៃគោ សមត្ថកិច្ចដាក់ការសង្ស័យថា ជាសពមនុស្សប្រុស ត្រូវក្រុមឃាត.កសម្លាប់នៅកន្លែងផ្សេង រួចដឹកយកមកទម្លាក់ចោលនៅចំណុចស្ពានហាយវ៉េនេះ។ ទោះបីជាយ៉ាងណា សមត្ថកិច្ចមិនទាន់ដាក់ការសន្និដ្ឋានយ៉ាងណានៅឡើយទេថា ជាជនបរទេស ឬជាជនជាតិខ្មែរយើងនោះទេ កំពុងពិនិត្យនិងធ្វើកោសល្យវិច័យ ។
លទ្ធផលយ៉ាងណា រង់ចាំសមត្ថកិច្ចពិនិត្យនិងស្រាវជ្រាវ ។ ចំណែកមហាជនបានលើកឡើងថា សង្ស័យជាករណីចាប់ជម្រឹត អ្នកខ្លះដាក់ការសង្ស័យថា ជាករណីចាប់ជម្រឹតរបស់ក្រុមសង្គមងងិតល្បែងអនឡាញ ទោះបីយ៉ាងណាលទ្ធផលការពិត សូមរង់ចាំសមត្ថកិច្ចពិនិត្យស្រាវជ្រាវសិន ៕
ចែករំលែកព័តមាននេះ