ក្រុមអ្នកស្រាវជ្រាវអាមេរិកដែលស្ថិតនៅក្រោមការជ្រោមជ្រែង របស់មន្ទីរប៉ង់តាហ្គោន បានចេញម៉ូដខោស្ល៊ីបបុរស ដែលក្រៅពីមានភាពងាយស្រួលក្នុងការស្លៀកហើយនោះ ថែមទាំងអាចជួយជីវិតរបស់អ្នកប្រើប្រាស់បានទៀត ។
ក្រុមអ្នកស្រាវជ្រាវអាមេរិកដែលស្ថិតនៅក្រោមការជ្រោមជ្រែងរបស់មន្ទីរប៉ង់តាហ្គោន បានចេញម៉ូដខោស្ល៊ីបបុរស ដែលក្រៅពីមានភាពងាយស្រួលក្នុងការស្លៀកហើយនោះ ថែមទាំងអាចជួយជីវិតរបស់អ្នកប្រើប្រាស់បានទៀត ។
បច្ចេកវិទ្យា“ប៊ីយ៉ូសេនស័រ” ដែលភ្ជាប់នៅត្រង់កៅស៊ូរឹបជុំវិញចង្កេះមានតួនាទីសំរាប់វាស់សម្ពាធឈាមចលនានៃការលោតរបស់បេះដូង និងប្រព័ន្ធជីពចរសំខាន់ផ្សេងៗទៀតនៅលើរាងកាយ ។ បច្ចេកវិទ្យានេះអភិវឌ្ឍដោយសាស្ដ្រាចារ្យវិស្វកម្មលោកណាណូ ចូសេហ្វ វ៉ាំង មកពីមហាវិទ្យាល័យកាលីហ្វ័រនីញ៉ា សាន់ទីយ៉ាហ្គោ ដោយលោកបានបញ្ជាក់ថា ខោស្ល៊ីបអច្ឆរិយៈនេះអាចតាមដានត្រួតពិនិត្យសុខភាពអ្នកជំងឺនៅឯផ្ទះបានជំនួសឱ្យការត្រួតពិនិត្យនៅមន្ទីរពេទ្យ និងអាចកាត់បន្ថយការចំណាយលើការព្យាបាលនៅឯមន្ទីរពេទ្យបានទៀតផង ។
គំរោងការនេះបានទទួលការជ្រោមជ្រែងដោយកងទ័ពអាមេរិក ហើយគ្រោងនឹងយកទៅប្រើប្រាស់ជាមួយទាហានអាមេរិកជា
លើកដំបូង ។ បញ្ហាសំខាន់បំផុតគឺបច្ចេកវិទ្យា “ប៊ីយ៉ូសេនស័រ” អាចធ្វើការត្រួតពិនិត្យអាការរបួស អាចទទួលទានឱសថឱ្យត្រូវនឹងរបួសសំរាប់បន្ថយការឈឺចាប់ ឬព្យាបាលរបួស ។ ទោះជាយ៉ាងណាក៏ដោយ ក៏បច្ចេកវិទ្យាដ៏អច្ឆរិយៈនេះអាចប្រើបានតែទៅលើយោធាប៉ុណ្ណោះ ។ លោកសាស្ដ្រាចារ្យណាណូ ចូសេហ្វវ៉ាំង បានសង្កត់ធ្ងន់ថា “យើងសំលឹងឃើញលើនិន្នាការនៃការព្យាបាលអ្នកជំងឺទាំងអស់ មានដូចជាតាមដានត្រួតពិនិត្យមនុស្សវ័យចំណាស់នៅឯផ្ទះ ស្របតាមវិធីសាស្ដ្រវេជ្ជបណ្ឌិត ក៏ដូចជាបញ្ជាក់នូវសុខភាពបេះដូង ការប្រកាសអាសន្នក្នុងពេលមាននិន្នាការកើតបញ្ហាសរសៃឈាមក្នុងខួរក្បាល បំរែបំរួលទាក់ទងនឹងជំងឺទឹកនោមផ្អែម និងបំរែបំរួលផ្សេងៗទៀតទាក់ទិននឹងស្ថានភាពជីវសាស្ដ្រ” ។
លោកសាស្ដ្រាចារ្យណាណូ ចូសេហ្វវ៉ាំង បានថ្លែងទៀតថា គេត្រូវចំណាយពេលមួយ ដំណាក់កាលទៀតមុននឹងអាចចែកខោស្ល៊ីបដ៏អច្ឆរិយៈនេះឱ្យទាហានក្នុងសមរភូមិបាន ព្រោះចាំបាច់ត្រូវធ្វើការសិក្សាបន្ថែមសំរាប់ឱ្យប្រាកដនៅក្នុងចិត្ដថា ប្រព័ន្ធត្រួតពិនិត្យសុខភាពនេះមានប្រសិទ្ធភាពប្រចាំថ្ងៃនៅក្នុងសមរភូមិឬអត់ ?
ចែករំលែកព័តមាននេះ