ចូលរួមប្រកួតក្នុងព្រឹត្តិការណ៍ជ្រើសរើសជើងឯកកីឡាអត្តពលកម្មពិភពលោកប្រចាំឆ្នាំ២០១១នៅក្រុងឌែរហ្គូប្រទេសកូរ៉េខាងត្បូង កីឡាការិនីអង់គ្លេសជេសស៊ីកា អិននីសបានទទួលបរាជ័យធ្វើឲ្យបាត់បង់ជើងឯកពិភពលោករបស់ខ្លួនទៅកីឡាការិនីរុស្ស៊ីតាទីយ៉ាណា សឺណូវ៉ា។
ចូលរួមប្រកួតក្នុងព្រឹត្តិការណ៍ជ្រើសរើសជើងឯកកីឡាអត្តពលកម្មពិភពលោកប្រចាំឆ្នាំ២០១១នៅក្រុងឌែរហ្គូប្រទេសកូរ៉េខាងត្បូង កីឡាការិនីអង់គ្លេសជេសស៊ីកា អិននីសបានទទួលបរាជ័យធ្វើឲ្យបាត់បង់ជើងឯកពិភពលោករបស់ខ្លួនទៅកីឡាការិនីរុស្ស៊ីតាទីយ៉ាណា សឺណូវ៉ា។
នាងអិននីសដែលជាម្ចាស់ជើងឯកពិភពលោកផ្នែកកីឡា៧វិញ្ញាសា(Heptathlon)បញ្ចប់ការប្រកួតធ្វើបានពិន្ទុសរុប៦៧៥១ពោលគឺ១២៩ពិន្ទុតាមពីក្រោយកីឡាការិនីរុស្ស៊ី។ បរាជ័យនេះបន្ទាប់ពីនាងធ្វើមិនបានល្អលើវិញ្ញាសាចោលលំពែង។ បើសរុបទៅលើថិរវេលាដែលនាងបានចំណាយលើវិញ្ញាទាំង៧ឃើញថា អិននីសយឺតជាងនាងសឺណូវ៉ា២វិទាទី។
ថ្លែងបន្ទាប់ពីបញ្ចប់ការប្រកួតកីឡាការិនីវ័យ២៥ឆ្នាំរូបនេះបានបញ្ជាក់ថា៖«ចាប់ពីពេលនេះទៅមុខ ខ្ញុំនឹងព្យាយាមហ្វឹកហាត់ឲ្យខ្លាំងជាងលើកមុនៗ ហើយខ្ញុំជឿជាក់ថា ឆ្នាំក្រោយខ្ញុំនឹងខ្លាំងជាងឆ្នាំនេះ។ ខ្ញុំហ៊ានវាយតម្លៃបែបនេះហើយខ្ញុំមិនអស់សង្ឃឹមទេ»។ ក្តីសង្ឃឹមរបស់នាងអិននីសដែលចង់ក្លាយជាកីឡាការិនីដំបូងគេរបស់អង់គ្លេសការពារជើងឯកពិភពលោកប្រហែលជាមិនអាចទៅរួចទេនៅឆ្នាំនេះ ដ្បិតកីឡាការិនីរុស្ស៊ីសឺណូវ៉ាពិតជាខ្លាំង។ អិននីសនិយាយទៀតថា៖«តាមពិតទៅខ្ញុំមិនសូវជាពូកែទេលើវិញ្ញាសាចោលលំពែង ប៉ុន្តែខ្ញុំក៏មិនដែលអន់ដូចជាលើកនេះដែរ» ។
នាងអិននីសបានយកឈ្នះជើងឯកពិភពលោកកីឡា៧វិញ្ញាសាក្នុងកម្មវិធី European Championships កាលពីឆ្នាំ២០១០។ ទោះជាធ្វើមិនបានល្អលើកនេះក៏ដោយ តែសម្រាប់នាងអិននីសគឺនៅមានសញ្ញាល្អនៅឡើយក្នុងការទៅចូលរួមការប្រកួតកីឡាអូឡាំពិករដូវក្តៅឆ្នាំក្រោយ។ ការប្រកួតលើកនេះវិញ្ញាសាដែលនាងធ្វើបានល្អបំផុតមានដូចជាចោលដុំដែកនិងរត់ចម្ងាយ៨០០ម៉ែត្រជាដើម ។ នាងរកបានពិន្ទុច្រើនជាងកាលពីប្រកួតនៅក្រុងប៊ែរឡាំងពីរឆ្នាំមុន ៕
ចែករំលែកព័តមាននេះ