ក្រុមហ៊ុនប្រេងធំៗបំផុតលើពិភពលោក​ប្រហែល​ជា​អាចបោះបង់ប្រេងដ៏ច្រើន​នៅទឹក​​ដីភាគខាងត្បូងប្រទេសអ៊ីរ៉ាក់ ដើម្បី​ផ្លាស់ប្តូរ​គ្រោងការនាំចេញដឹកនាំដោយក្រុមហ៊ុន​Shell ។ សេចក្តីព្រាង​កុងត្រាចុងក្រោយរវាង​រដ្ឋា​ភិបាល​ក្រុងបាកដាដ និងក្រុមហ៊ុនប្រេងធំៗនៅ​អឺរ៉ុប​ត្រូវ​បាន​ទីភ្នាក់​ងារ​​រ៉យទ័របង្ហាញឱ្យ​ដឹង​ថា ក្រុមហ៊ុនប្រេង Royal Dutch Shell ក្រុមហ៊ុន​ប្រេង ​PB ក្រុមហ៊ុនប្រេងនៅអាមេ​រិក​Exxon ក្រុមហ៊ុនប្រេងចិន CNPC និងក្រុម​ហ៊ុនប្រេង​អ៊ីតាលី Eni បានចុះហត្ថលេខាលើ​សេវាបច្ចេក​វិទ្យាដើម្បី​អភិវឌ្ឍន៍តំបន់ប្រេង​ចំនួនបីកន្លែង​នៅភាគខាង​ត្បូងអ៊ីរ៉ាក់។

ក្រោមការព្រមព្រៀងក្នុងទឹកប្រាក់ចំនួន១៧ពាន់លានដុល្លារ និងត្រូវអនុម័តដោយ​​គណៈ​រដ្ឋ​មន្ត្រីអ៊ីរ៉ាក់ រដ្ឋាភិបាលទីក្រុងបាកដាដ បាន​សន្យា​ថានឹងធ្វើគ្រប់យ៉ាងដើម្បីធានា​ការផ្គត់ផ្គង់​ប្រេង​ដល់ក្រុមហ៊ុនរួមគ្នារវាង Shell និងBasra Gas ជាមួយប្រេងឆៅ​​និងសារ​ធាតុ​នៃឧស្ម័ន​ធម្មជាតិ។

ក្រុមហ៊ុន Shell បាននិយាយថា កិច្ចព្រម​ព្រៀងថ្មីដែលគ្រោងចុះហត្ថលេខបង្ហាញពីចំនួន​ប្រេងឆៅចំនួន២.០០០លានគូបហ្វ៊ីត (ក្នុងមួយ​គូបហ្វ៊ីតស្មើនឹង២៨,៣១៦៨លីត្រ) ក្នុងមួយថ្ងៃ ដើម្បីអាចស្របតាមគម្រោង​របស់ក្រុមហ៊ុនរដ្ឋ​Basra Gas Companyក្នុងការបង្កើន​ឧស្សហ​កម្ម​​ក្នុង​តំបន់ និងថាមពលអគ្គិសនី ។

ចំណែកក្រុមហ៊ុនរួមគ្នារវាង Shell និងBasra Gas Company មានភារ​កិច្ចផ្គត់ផ្គង់យ៉ាងតិច៨៥​ភាគរយនៃចំនួនសរុបដែលខ្លួន​នមាន ចំណែក​ក្រុម​ហ៊ុនរដ្ឋ Basra Gas Company ជាអ្នក​ទិញទាំងអស់៕