រាជធានីភ្នំពេញ ៖ រថយន្តកាមរីឆ្លាមពណ៌ ទឹកមាសពាក់ស្លាកលេខភ្នំពេញ២J៦០០២ដែលគេ អះអាងថាបើកបរដោយយុវជនស្រវឹងធ្លាក់ភ្នែកបានបុក ប៉ុស្តិ៍យាមនិងម៉ូតូនៅមុខនិវេសន ដ្ឋានឯកអគ្គរដ្ឋទូតកូរ៉េខាងត្បូងលេខ០៦Eo ផ្លូវលេខ២៤២ សង្កាត់ចតុមុខ ខណ្ឌដូនពេញ កាលពីវេលា ម៉ោង០១ និង៤០រំលងអធ្រាត្រ
រាជធានីភ្នំពេញ ៖ រថយន្តកាមរីឆ្លាមពណ៌ ទឹកមាសពាក់ស្លាកលេខភ្នំពេញ២J៦០០២ដែលគេ អះអាងថាបើកបរដោយយុវជនស្រវឹងធ្លាក់ភ្នែកបានបុក ប៉ុស្តិ៍យាមនិងម៉ូតូនៅមុខនិវេសន ដ្ឋានឯកអគ្គរដ្ឋទូតកូរ៉េខាងត្បូងលេខ០៦Eo ផ្លូវលេខ២៤២ សង្កាត់ចតុមុខ ខណ្ឌដូនពេញ កាលពីវេលា ម៉ោង០១ និង៤០រំលងអធ្រាត្រ ថ្ងៃទី២៩ខែសីហាឆ្នាំ២០១១។ នៅក្នុងហេតុការណ៍នេះបណ្តាលឲ្យអ្នកជិះក្នុងរថយន្តរងរបួស និងខូចខាតរថយន្តផ្នែកខាងមុខធ្ងន់ រួមទាំងម៉ូតូ មួយគ្រឿង ។
សាក្សីនិយាយថា រថយន្តនោះបើកក្នុង ល្បឿនលឿនតាមផ្លូវលេខ២៤២ឆ្ពោះទៅទិសខាងកើត លុះជិតដល់មុខនិវេសនដ្ឋានឯកអគ្គរដ្ឋទូតកូរ៉េ ខាងត្បូងស្រាប់តែជ្រុលចង្កូតទៅបុកប៉ុស្តិ៍យាម រួចបន្តបុកម៉ូតូមួយគ្រឿងទៀតដែលចតនៅក្បែរប៉ុស្តិ៍បណ្តាលឲ្យខូចខាតរថយន្តផ្នែកខាងមុខធ្ងន់ មិនអាចបើកបាន។ ភ្លាមនោះយុវជន២នាក់ និងយុវនារី២នាក់បើកទ្វារថយន្តចេញមក ខាងក្រៅទាំងអាការស្រវឹងរៀងៗខ្លួន ហើយឡើងជិះម៉ូតូទៅមន្ទីរពេទ្យឯកជន ប៉ុន្តែពួកគេមិនរងរបួសធ្ងន់ទេ ។
សមត្ថកិច្ចឲ្យដឹងថាអ្នកបើករថយន្តឈ្មោះស្រ៊ីន ម៉េងទ្រី ភេទប្រុស អាយុ២៤ឆ្នាំ ជានិស្សិតស្នាក់នៅផ្ទះលេខ០៩Eo ផ្លូវលេខ១៣៩ សង្កាត់វាលវង់ ខណ្ឌ៧មករា ។ ក្រោយពីសមត្ថកិច្ចជំនាញពិនិត្យនិងកត់ត្រាការខូចខាតរួចមករថយន្តត្រូវបានស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដើម្បីដោះស្រាយតាមផ្លូវច្បាប់ ៕
ចែករំលែកព័តមាននេះ