ខេត្តបន្ទាយមានជ័យ ៖ គ្រឿងចក្រប្រភេទអេស្ការទ័រ១គ្រឿង ធ្វើសកម្មភាពកាយដីក្បែរជើងភ្នំខ្លាកូនចាស់លក់ តែត្រូវអាជ្ញាធរក្រុងសិរីសោភ័ណបានឱ្យធ្វើកិច្ចសន្យាបញ្ឈប់ គិតត្រឹមថ្ងៃទី០៩ ខែកក្កដា ឆ្នាំ២០២៥ ស្ថិតនៅចំណុចភូមិខ្លាកូនចាស់ ក្នុងសង្កាត់កំពង់ស្វាយ…
ខេត្តបន្ទាយមានជ័យ ៖ គ្រឿងចក្រប្រភេទអេស្ការទ័រ១គ្រឿង ធ្វើសកម្មភាពកាយដីក្បែរជើងភ្នំខ្លាកូនចាស់លក់ តែត្រូវអាជ្ញាធរក្រុងសិរីសោភ័ណបានឱ្យធ្វើកិច្ចសន្យាបញ្ឈប់ គិតត្រឹមថ្ងៃទី០៩ ខែកក្កដា ឆ្នាំ២០២៥ ស្ថិតនៅចំណុចភូមិខ្លាកូនចាស់ ក្នុងសង្កាត់កំពង់ស្វាយ ក្រុងសិរីសោភ័ណ ។
ប្រជាពលរដ្ឋប្រាប់ថា មានគ្រឿងចក្រប្រភេទអេស្ការទ័រ១គ្រឿង ធ្វើសកម្មភាពកាយដីក្បែរជើងភ្នំខាងកូនចាស់រយៈពេលជាង១សប្តាហ៍មកហើយ ដោយឃើញរថយន្តដឹកដីចេញ-ចូល១ថ្ងៃរាប់សិបជើង សង្ឃឹមថា អាជ្ញាធរនិងមន្ត្រីជំនាញលោកចុះមកពិនិត្យមើលហាមឃាត់ និងមានចំណាត់ការផង។
លោក ស្រេង សុផល អភិបាលក្រុងសិរីសោភ័ណបានប្រាប់ថា ក្រោយទទួលព័ត៌មានបានដឹងពីសកម្មភាពខាងលើ លោកឱ្យមន្ត្រីសហការជាមួយអាជ្ញាធរមូលដ្ឋានចុះពិនិត្យណែនាំធ្វើកិច្ចសន្យាអោយបញ្ឈប់សកម្មភាព ព្រោះគ្មានច្បាប់អនុញ្ញាត ទោះជាម្ចាស់ដីមានប្លង់កម្មសិទ្ធិក៏ដោយ។
លោក សំ ជុំនិត អនុប្រធានមន្ទីរបរិស្ថានខេត្តបន្ទាយមានជ័យបានប្រាប់ថា ភ្នំខ្លាកូនចាស់ត្រូវបានមន្ទីរជំនាញដាក់ស្នើសុំទៅក្រសួងបរិស្ថាន ដើម្បីការពារជាតំបន់បរិស្ថានធម្មជាតិក្នុងចំណោមភ្នំនៅក្រុងសិរីសោភ័ណ៕
ចែករំលែកព័តមាននេះ