រាជធានីភ្នំពេញ ៖ ដេប៉ូខ្សាច់ចំនួន៥កន្លែង ស្ថិតនៅតាមផ្លូវជាតិលេខ៥ ក្នុងមូលដ្ឋានខណ្ឌឬស្សីកែវ បានត្រូវអាជ្ញាធរខណ្ឌចុះណែនាំឲ្យម្ចាស់សម្អាតកង់ គ្របឲ្យបានត្រឹមត្រូវ និងលាងសម្អាតផ្លូវ ព្រមទាំងធ្វើអនាម័យនិងសម្អាតចូកដីខ្សាច់នៅតាមផ្លូវ ដើម្បីលើកកម្ពស់សោភ័ណភាពនិងអនាម័យរាជធានីភ្នំពេញឲ្យកាន់តែប្រសើរឡើង…
រាជធានីភ្នំពេញ ៖ ដេប៉ូខ្សាច់ចំនួន៥កន្លែង ស្ថិតនៅតាមផ្លូវជាតិលេខ៥ ក្នុងមូលដ្ឋានខណ្ឌឬស្សីកែវ បានត្រូវអាជ្ញាធរខណ្ឌចុះណែនាំឲ្យម្ចាស់សម្អាតកង់ គ្របឲ្យបានត្រឹមត្រូវ និងលាងសម្អាតផ្លូវ ព្រមទាំងធ្វើអនាម័យនិងសម្អាតចូកដីខ្សាច់នៅតាមផ្លូវ ដើម្បីលើកកម្ពស់សោភ័ណភាពនិងអនាម័យរាជធានីភ្នំពេញឲ្យកាន់តែប្រសើរឡើង ។
ការចុះណែនាំម្ចាស់ដេប៉ូខ្សាច់ និងឲ្យធ្វើអនាម័យចូកខ្សាច់នៅតាមដងផ្លូវនេះ ធ្វើឡើងកាលពីព្រឹកថ្ងៃទី៩ ខែកក្កដា ឆ្នាំ២០២៥កន្លងទៅ ដឹកនាំដោយលោក ឌន ដាវុឌ នាយករងរដ្ឋបាលសាលាខណ្ឌ ដោយមានការចូលរួមពីកម្លាំងនគរបាល កងកងរាអាវុធហត្ថ កម្លាំងសណ្តាប់ធ្នាប់ខណ្ឌ កម្លាំងសណ្តាប់សង្កាត់ និងមានការចូលរួមពីតំណាងក្រុមហ៊ុន៨០០ស៊ូពើផងដែរ។
តាមមន្ត្រីរដ្ឋបាលខណ្ឌឫស្សីកែវបានឲ្យដឹងថា ដេប៉ូខ្សាច់ចំនួន៥កន្លែងនេះ ដែលកន្លងមកដឹកខ្សាច់ជ្រុះពេញផ្លូវនោះ ត្រូវបានអាជ្ញាធរចុះណែនាំដោយតម្រូវឱ្យ ៖
-ធ្វើកន្លែងលាងសម្អាតកង់រថយន្តតាមលក្ខណ:បច្ចេកទេសឲ្យបានត្រឹមត្រូវ មុននឹងធ្វើចរា
ចរណ៍លើដងផ្លូវ ។
-ត្រូវគ្របរថយន្តដឹកខ្សាច់ឱ្យបានជិតត្រឹមត្រូវ ជៀសវាងធ្លាក់ដីខ្សាច់មកលើផ្លូវបណ្តាលខូចសោភ័ណភាព សណ្តាប់ធ្នាប់សាធារណ: ប៉ះពាល់ដល់អ្នកធ្វើដំណើ ។
-ត្រូវលាងសម្អាតផ្លូវឱ្យបានស្អាតជាប្រចាំនៅទីតាំងដេប៉ូខ្សាច់រៀងៗខ្លួន។
នៅព្រឹកថ្ងៃនោះដែរ មន្ត្រីអាជ្ញាធរក៏បានដឹកនាំក្រុមហ៊ុន ៨០០ ស៊ូពើ និងកម្លាំងសណ្តាប់
ធ្នាប់ខណ្ឌ សង្កាត់ ធ្វើការសម្អាតអនាម័យ បរិស្ថាន តាមដងផ្លូវចាប់ពីចំណុចស្តុបគីឡូម៉ែត្រ
លេខ៩ ក្នុងភូមិស្វាយប៉ាក សង្កាត់ស្វាយប៉ាក រហូតទៅដល់ក្រោមស្ពាន លី យ៉ុងផាត់ ព្រំប្រទល់ខណ្ឌព្រែកព្នៅ ដោយចូកសម្អាតកំណកដីតាមទ្រូវផ្លូវ និងសំរាមរាយប៉ាយ ។
សូមបញ្ជាក់ថា កន្លងមកដេប៉ូខ្សាច់ចំនួន៥ កន្លែងនេះ នៅក្នុងសង្កាត់ស្វាយប៉ាក ខណ្ឌឫស្សីកែវបានដឹកខ្សាច់យ៉ាងគគ្រឹកគគ្រេងនៅតាមដងផ្លូវ ដោយពុំបានគ្រប និងលាងសម្អាតផ្លូវឡើយ ជាហេតុធ្វើឲ្យខ្សាច់ជ្រុះពេញផ្លូវ និងទឹកហូរធ្លាក់មកលើផ្លូវ ។
នៅពេលរាំងភ្លៀង ដីខ្សាច់ហុយទ្រលោម បង្កឲ្យមានការក្តៅក្រហាយពីប្រជាពលរដ្ឋដែលធ្វើដំណើរឆ្លងកាត់ ។ កន្លងមកអាជ្ញាធរសង្កាត់ និងខណ្ឌ បានធ្វើការណែនាំជាច្រើនលើកមកហើយ តែម្ចាស់ដេប៉ូខ្សាច់ទាំងនេះនៅតែមិនស្តាប់តាមការណែនាំឡើយ ៕
ចែករំលែកព័តមាននេះ