ខេត្តប៉ៃលិន ៖ មន្ទីរធនធានទឹក និងឧតុនិយម ខេត្តប៉ៃលិនបានប្រកាសនាព្រឹកថ្ងៃទី៣១ ខែសីហានេះថា ៖ ដោយសារកាលពីយប់មិញ មានភ្លៀងធ្លាក់ច្រើននៅតំបន់ភ្នំ ដែលជាតំបន់ផ្ទៃរងទឹកភ្លៀងរបស់ស្ទឹងប៉ៃលិន…
ខេត្តប៉ៃលិន ៖ មន្ទីរធនធានទឹក និងឧតុនិយម ខេត្តប៉ៃលិនបានប្រកាសនាព្រឹកថ្ងៃទី៣១ ខែសីហានេះថា ៖ ដោយសារកាលពីយប់មិញ មានភ្លៀងធ្លាក់ច្រើននៅតំបន់ភ្នំ ដែលជាតំបន់ផ្ទៃរងទឹកភ្លៀងរបស់ស្ទឹងប៉ៃលិន ធ្វើឱ្យនៅព្រឹកថ្ងៃទី៣១ ខែសីហា ឆ្នាំ២០២៥នេះ ទឹកស្ទឹងប៉ៃលិនកើនឡើងខ្ពស់ ក្នុងកម្រិត២ម៉ែត្រ ដែលជាកម្រិតប្រុងប្រយ័ត្ន ។
មន្ទីរធនធានទឹក និងឧតុនិយម ខេត្តប៉ៃលិន បានបញ្ជាក់ថា ៖ ដូច្នេះសូមបងប្អូនដែលរស់នៅតាមដងស្ទឹងផ្នែកខាងក្រោមមានដូចជា ៖ ឃុំស្ទឹងកាច់ ឃុំអូរអណ្តូង ឃុំសាលាក្រៅ និងឃុំស្ទឹងត្រង់ នៃស្រុកសាលាក្រៅ សូមមានការប្រុងប្រយ័ត្នខ្ពស់ ជៀសវាងមានគ្រោះថ្នាក់កើតឡើងជាយថាហេតុ ។
សូមរំលឹកថា ៖ នៅថ្ងៃទី៣១ ខែសីហា ឆ្នាំ២០២៥នេះ លោក ង៉ា លីហុង ប្រធានមន្ទីរធនធានទឹក និងឧតុនិយមខេត្តប៉ៃលិន និងមន្ត្រីមួយចំនួន សហការជាមួយលោកអភិបាលស្រុកសាលាក្រៅ រដ្ឋបាលខេត្ត និងក្រុមការងារ ស ស យ ក ចុះពិនិត្យស្ថានភាពទឹកតាមដងស្ទឹងប៉ៃលិន ដែលកំពុងកើនឡើងខ្ពស់ និងបានជន់ចូលផ្ទះប្រជាពលរដ្ឋ តាមមាត់ស្ទឹងចំនួន ៧ខ្នងផ្ទះ( ជន់រយៈពេលខ្លី) ក្នុងភូមិទំនប់ ឃុំស្ទឹងត្រង់ ស្រុកសាលាក្រៅ ។
ទន្ទឹមនឹងនោះ មន្ទីរក៏បានបើកទ្វារទឹក តាមសំណង់ទាំងអស់ ដែលនៅតាមដងស្ទឹង រួចរាល់ហើយ ដើម្បីកុំឱ្យចាល់ និងជន់លិច ៕
ចែករំលែកព័តមាននេះ