រាជធានីភ្នំពេញ ៖ តារាចម្រៀងនាង វី ឌីណែត បានបង្ហាញស្នាមរបួសពេញរាងកាយ បន្ទាប់ពីនាងចូលហ្វឹកហាត់ចូលជាក្រមខណ្ឌមន្ត្រីប៉ូលិសជាលើកដំបូង ។ យ៉ាងណា តារាស្រីរូបនេះ…
រាជធានីភ្នំពេញ ៖ តារាចម្រៀងនាង វី ឌីណែត បានបង្ហាញស្នាមរបួសពេញរាងកាយ បន្ទាប់ពីនាងចូលហ្វឹកហាត់ចូលជាក្រមខណ្ឌមន្ត្រីប៉ូលិសជាលើកដំបូង ។
យ៉ាងណា តារាស្រីរូបនេះ បានបង្ហាញការតាំងចិត្តមិនចុះចាញ់នូវអ្វីដែលនាងកំពុងជួបនេះឡើយ ត្បិតនាងពិតជាចូលចិត្តនូវការងារមួយ ។ តាមរយៈរូបភាពបង្ហាញស្នាមរបួសលើរូបរាងកាយបង្ហោះលើបណ្តាញសង្គម វី ឌីណែត បានភ្ជាប់ជាមួយនឹងសំណេរថា ស្គាល់ហើយ ដឹងហើយ ឮហើយ ឃើញហើយ ជួបហើយទោះជាយ៉ាងណា នាងខ្ញុំត្រូវតែស៊ូទ្រាំបន្តទៀត ដើម្បីការងារមួយនេះ ។
តាមរយៈការបង្ហាញរូបភាពខាងលើនេះ គេឃើញមានអ្នកគាំទ្ររូបនាងជាច្រើនរូបបានចូលទៅខមមិនដោយម្នាក់ៗសម្តែងក្តីព្រួយបារម្ភ ក្នុងពេលអ្នកខ្លះបានលើកទឹកចិត្តអោយនាងស៊ូទ្រាំដើម្បីសម្រេចការងារមួយនេះ ។
ជាការកត់សម្គាល់ តារាចម្រៀងនាង វី ឌីណែត រួមទាំងតារាមួយចំនួនទៀតត្រូវបានគេដឹងថា កំពុងតែហ្វឹកហាត់វគ្គដំបូង ដើម្បីចូលជាក្របខណ្ឌប៉ូលិសនៅសាលាបណ្ឌិតសភានគរបាលកម្ពុជា ។
កាលពីអំឡុងប្រារព្ធពិធីខួបនគរបាលកាលពីពេលថ្មីនេះ វី ឌីណែត រួមនឹងអ្នកសិល្បះមួយចំនួនក៏បានបង្ហាញខ្លួនក្នុងក្បួនសម្តែងជូនថ្នាក់ដឹកនាំបានទស្សនាផងដែរ ។
គួរបញ្ជាក់ថា ក្រោយពីចាកចេញពីផលិតកម្មហង្សមាសក្លាយជាតារាចម្រៀងឯករាជ្យនោះមក វី ឌីណែត ហាក់នៅមិនទាន់លេចធ្លោតាមរយះបទចម្រៀងថ្មីរបស់ខ្លួននៅឡើយទេ ។ ទោះជាយ៉ាងណា ទស្សនិកជន ជាពិសេស បណ្តាអ្នកគាំទ្រនៅតែទន្ទឹងរង់ចាំនូវការបញ្ចេញបទចម្រៀងថ្មីរបស់នាងនាពេលខាងមុខ ៕
ចែករំលែកព័តមាននេះ